Génesis 10:5 - Kuna San Blas

⁵ Wemar, Jafet-wagan gumalad. Wemar, demar-gakaba ambikusmalad. Gaya emar-emarbi sunmakmalad. Degine, na e-dadgan-e-dadganba, dulemar na emar-emar ambikusmalad.

Génesis 10:5 Iomraidhean Croise

Génesis 10:20

Wemar, Cam-e-wagan gumalad. E-dadgan-e-dadganba, degine, gaya emar-emarbi-sunmake ambikusmalad. Yar-egad-egad, degine, dulemar emar-emarbi ambikusmalad.

Génesis 10:25

Heber machimala-warbo nikusmogad: Machi-sailagined Pelegʼye nugad. Ar ade, a-ibagangi dulemar aisakided. Peleg-e-urba, Joctánʼye nugad.

Génesis 10:32

Wemar, Noé-machimala, e-gwenadgan-e-gwenadganba ambikusmalad. Na e-wagan-e-wagan yar gasmalad. Wemar muusaila-mulusad-sorba, bela we-napneggi-aisakis ambikusmalad.

Génesis 10:4

Javán-masmaladi, wemalad: Elisa, Tarsis, Quitim, degi, Dodanim.

Génesis 10:6

Cam-masmala, wemalad: Cus, Mizraim, Fut, degi, Canaán.

Génesis 9:19

Wemar-warbaagwad Noé-masmala gumalad. We-napneggi dulemar-bukmalad, belagwapa wemargi danimalad.

Ester 10:1

Rey-Asuero bela e-yarmargi, degi, bela dupumargi-dulemar-bukwadgi mani-gaega imaksad.

Salmo 72:10

Tarsis-e-reymar, dulemar-demar-gakagi-bukmaladi, neggweburgi-mani-galeged reyga ukmaloed. Sabá-e-reymar, Seba-e-reymar, ibmar-nuegan-binsa-ukleged reyga ukmaloed.

Isaías 11:11

A-ibagangine, Bab-Jehová bela e-dulamar-amba-yar-baid-baidgi-mimiles-bubukwad gannar-sedagega imakoed. We-yarmargi mimiles bubukwad: Asiria-yalagi, Egipto-yalagi, Patros-yalagi, Cus-yalagi, Elam-yalagi, Sinar-yalagi, degi, Hamat-yalagi, degine, demar-gakagi-besmalad. Wemar gannar senonikoed.

Isaías 24:15

Degisoggu, nebaganba Bab-Jehová-nug be odummomar. Demar-gakaba, Bab-Jehová-Israel-dulemar-e-Bab-Dummad-nug be ogannomar.

Isaías 40:15

Ar dulemar-yar-baid-baidgi-bukmaladi, Bab-Jehová-asabinni unnila bormoyagi dii-gwagwen-argwachayobi gumalad. Degi, ibmar-wilubsalegedgi ukub-ichesaar wilubsalegedyob gumalad. Ar Bab-Jehová dupgan-nanaidi, ukub-buru-aidikueyobi daked.

Isaías 41:5

”Neggwebur-demar-gakaba-bukmaladi, dani-daksamalad, dobe-itodmalad. Napneg-naid-ugakaase abin giglimakded. Bato egi danimalad, bato walikgusmalad.

Isaías 42:10

Bab-Jehováʼga namakleged-gwapidgi be namakmar. Bemar-muu-billigi-iirmakbukwad, ega be namakmar. Demar-yagi-ibmar-dula-bukmalad, Bab-Jehová-nug odummomar. Napneg-ugakagi-bukmalad, Bab-Jehová-nug ogannomar. Bemar demar-gakaba-bukmalad, Bab-Jehová-nug be odummomar.

Isaías 42:4

We-dule, napneggi igar-napiragwad-omesedse gwen wieguosulid, gwen galakuosulid. Demar-gakaba-neggwebur-bukmalad, we-dule-e-odurdaked abdakbukwad.”

Isaías 49:1

Dikasur-demar-gakaba-bukmaladi, be an-itomar. Neggwebur-bannaba-bukmaladi, an-ibmar-sogoed itomalo: Gwaluleged-iduale, Bab-Jehová bato anse gochad. Sapibeneggi-mai, bato an-nug bisad.

Isaías 51:5

An-igar-naboged, bato walik-gusad. An-abonoleged-igar bato igarba abarmakdanikid. An-ganguedi, dule-yar-baid-baidgi-bukmaladga igar nabogoed. Dule-demar-gakaba-bukmaladi, angi bensurmalad, an-ganguedgi, bendakleged abdakmalad.

Isaías 59:18

Dule-ibmar-imaksamaladba sabsur-odurdakoed. Neggwebur-demar-gakaba-bukmaladga buged-imakoed: E-isdarmaladse urwoed, degi, e-isdarmaladgi buged-imakoed.

Isaías 60:9

Neggwebur-demar-gakaba-bukmaladi angi benguosurmalad. Tarsis-ur-dummagan, ur-dummagan-idudanikid. We-urmar, dikasuli be-mimmigan-sedanikid, degi, e-ormar, e-manimar sedanikid, adi, an-nug-odummolegegar. Ar ani an Israel-dulemar-e-Bab-Dummad-Isligwaledid, ar ani an gandikidga be-imaksad.

Jeremías 2:10

”Quitim-dup-gakase be obakmar, nue be atakmalo. Cedar-yalase dule-gayaburba-berbemalad be barmidmar, nue be igar amimalo. Nue be egismalo, we-dulemarde deyob gusmarmodibe.

Jeremías 25:22

Deginbali, bela Tiro-neggwebur-e-reymar, Sidón-neggwebur-e-reymar, we-nog-gobega an imaksad. Degi, Mediterráneo-demar-naidsik gakaba-neggwebur-bukmalad-e-reymar, we-nog-gobmalaga an imaksad.

Ezequiel 26:15

Bab-Jehová-Bela-Gangued-Nikadi weyob Tiro-neggweburga sogbalid: “Neggweburmar-baigan-demar-gakaba-bukmaladi, be-negmar-ayarided-gollomakdedba giglimakdemaloed. Degine, be-dulemar-nailikgudmaloed-oimakdedba, neggweburmar gwakidmaloed, degi, be-dulemar-ogilolededba neggweburmar-baigan-demar-gakaba-bukmaladi dobgudmaloed.

Ezequiel 26:18

Emigindi, be-bergusad-iba-akale, neggwebur-demar-gakaba-bukwamalad wawanmakbukwad. Neggwebur-dupmargi-bukwad bela-belad gwayebukwad.’ ”

Daniel 11:18

” ’Degisoggu, demar-gakaba-neggwebur-bukwamaladgi bila-ononaoed. Degi, bukidar we-neggweburmar ese sulegoed. Degi-inigwele, sordamar-bila-onomalad-e-dummad-gwensak, we-rey-na-san-dummarba-imakdiid obelononikoed. Degidbali, we-rey-bingeguega imakoed.

Sofonías 2:11

Bab-Jehová, amar-sabsur-odurdakoed. Bela napneggi ibmar-bab-dummadga-imakledimaladi, obelogoed. Deyobi, bela dulemar-we-napneg-ugakaase-bukmaladi, na e-yar-e-yargi Bab-Jehová-asabin sindigar sigmaloed.

Deuteronomio 32:8

Bab-Dummad-Bur-Birigined, yar-baid-baidgi, degi, neggwebur-baid-baidgi, dulemar-urbenaigua, amarga sogedba e-yar-abingumalad nasiksad. Israel-dulemargindina, nued binsanai gusad.