Génesis 1:9 - Kuna San Blas

⁹ Geb degine, Bab-Dummad sogdebalid: “Dii-mogir-arad-urba-naid bachiki nagu, adi, neg-dinnagwad naguegar.” Deyob gunonikid.

Génesis 1:9 Iomraidhean Croise

Génesis 1:8

Bab-Dummad a-neg-olloled-dummad mogir-aradye onugsasad. Weyob neg osedosad, geb neg oibosbalid. Deyob, ibabogwadgi neg gusad.

Nehemías 9:6

” ’Unnila bebi Bab-Jehová-gued. Nibneg be nasiksadid: Bela nibneg-naid ugakaase, bela e-niisgwamar ega be nasiksad. Be, be napneg nasiksabalid, degi, bela ibmarmar-bukwad be obinnisbalid. Deginbali, demar-nanaidi, degi, bela agi ibmarmar-bukwad be obinnisbalid. Bela we-ibmarmala dula-gued be imaksad. A-ulale, sordamar-nibnegginmalad bese gotemalad, bela-belad be-nug-odummomalad.

Job 26:10

Bab-Dummadi, magatibali demargi igar-maiyob imaksad, adi, nabir neg-ibgined, neg-mutikidgi bachiki-nai guegar.

Job 26:7

Bab-Dummadi, bela nibneg-naid neg-olloledgi nasiksad, napnegdi, ibmargi-akanaisuli nasiksabalid.

Salmo 104:3

Diigine, be-nega-dummagan-urbega be imaked, mogirmala, be-moli-ur-bila-onomaladga be saed. Bedi burwa-ooreged-birgi-sii nanaed.

Salmo 33:7

Bab-Dummadi demar-dummagan danar nasiksad, ibmar-sabolegedyobi demar danar urbisad.

Salmo 95:5

Muu-billi-maidi, egadid, ar na e obinnisad, neg-dinnagwad-naidi na e obinnisbalid.

Eclesiastés 1:7

Bela diwarmar demarse nomaid, degi-inigwele, demardi gwen engudasulid. Diwarmar na bia gwalulemai, ase gannar aibirsibalid, adi, agi gannar nodagegar.

Jeremías 5:22

Ani an Bab-Jehová soged: “Ar bemar, ¿bar an-dobsurmarde? Ar bemar, an-dobguewilubmalanad. Ani an ukub nasiksad, adi, demar-abingunaidga guegar. Demar-abingunanaid degisadegu-mai guoed, gwen berguosulid. Amba demar binnasur-arwedago-inigwele, degine, uurmakdago-inigwele, e-igar-abingunanaidgi gwen dogosulid.

Jonás 1:9

Geb Jonás dulemar-abin sogded: —Ani, an Hebreo-dule, Bab-Jehováʼse-gordiid-duled. Ar we-Bab-Dummad nibneg-e-dummadid, demar nasiksabalid, napneg nasiksabalid.

2 Pedro 3:5

Wemar, epenne Bab-Dummad sunmaksadba nibneg-nasiknonikidi, degi, napneg-nasiknonikidi, yamo wissuliyob gubukmalad. We-napneg diigi danikid, degi, dii napneg ganikid.

Apocalipsis 10:6

Weyob ise-sogar sogded: “Bab-Dummad-degisadegu-birga-irba-maid, nibneg-nasiksad, napneg-nasiksad, demar-nasiksad, degi, bela amargi ibmar-bukwad urbisad. A-Bab-Dummad-nuggi napira an soged, we-ibmar-guoed-e-ibagandi bato warmaksad.