Génesis 1:16 - Kuna San Blas

¹⁶ Bab-Dummad gwallu-dummagan gwabo obinyenonikid: Gwallu-dummad, neg-ibginedgi negdaknai guegar. Gwallu-senigwaddi, neg-mutik negdaknai guegar. Degine, niisgwamar obinnisbalid.

Génesis 1:16 Iomraidhean Croise

Génesis 1:15

Degi, gwallumar-niba-naid napneg-mee saegar.” Deyob gunonikid.

Job 31:26

Deginbali, dad-ibeler-ganai an dakdaed, nii-bela-bela-ganaid nadapi an dakdaed.

Job 38:7

Deunni, niis-buksurmar namaknanaigu, degi, baliwiturmar yeer-itogedba oichomaknanaigu, ¿be gudii? Be gudisulid, be sated.

Salmo 148:3

Dad-ibeler, Bab-Jehová-nug odummosun. Nii, Bab-Jehová-nug odummosun. Niisgwamar, Bab-Jehová-nug odummomar.

Salmo 148:5

Bab-Jehová-nug odummomarsun, ar e-ibmar-sogsadba, ibmarmar obinnilesad.

Salmo 19:6

Dad-ibeler mogir-billi-nagagi nakwidagogu, mogir-billi-bergunaidse argwandapdaed. Dad-ibeler-e-ueregedgi ibdula gwen dukuosulid.

Salmo 74:16

Be neg-meegwad nasiksad, mutikid be nasiksabalid. Be nii nasiksad, dad-ibeler be nasiksabalid.

Salmo 8:3

Bab-Dummad, mogir-billigi be-ibmar-nasiksad an nue dakdele, nii-naid an nue dakdele, niisgwamar-naid an nue-dakdebalile,

Isaías 13:10

“Niisgwamar mogir-biriba-nanaidi bar gaosulid, niisgwamar-danar-danar nanaidi, bar ibegwar gaosulid. Dad-ibeler-noalile, sichii naguoed, bar nii ibegwar gaosulid.

Isaías 24:23

Bab-Jehová-Bela-Gangued-Nikadi, Sión-yalagi, Jerusalén-neggweburgi, gandikid-yeerdaklegedba yala seoed. Degiidbali, dad-ibeler sichii nadoed, nii sichii nadmogoed. E-girmar-dummagan bela Bab-Dummad-e-gangued dakmaloed.

Isaías 40:26

Niba be nue atakmar, ¿doa bela we-ibmarmar obinnisa? Bab-Jehová e na niisgwamar-onied, sog-soggwen ilemaked, e-nugbali ese goled. Bab-Jehová-e-ganguedi, ibiyobi dummarba gue. E-garganguedi, ibiyobi gandiki negsemai.

Isaías 45:7

Ani an neg-meegwad nasiksad, ani an negsichid nasikbalid. Ani an dulemar-nued-gudiguega imakbalid, ani an boni-dummagan ukbalid, ani an Bab-Jehová-guedi, bela we-ibmarmar imakmaid.”

Jeremías 31:35

Bab-Jehová, Bab-Jehová-Bela-Gangued-Nikad, dad-ibeler-ibgi-gaega-nasiksadi, degi, nii, niisgwamar, mutik-gaega-imaksadi, degine, demar-uurmakega-osukamakedi, weyob soged:

Habacuc 3:11

Be-mala-ibyemaidba, dad-ibeler geg gaed, be-mala-dakarmakmaidba nii geg noed.

Mateo 24:29

Jesús sogdebalid: “ ‘Ibagan-naibi-itoleged-sorba dad-ibeler bar gaosulid, nii bar gaosurbalid. Niisgwamar-nibneggi-nanaid babatidagoed. Nibneggi ibmar-dummagan-gala-nika-nanaid bela giglimakoed.’ Isaías 13:10; 34:4

Mateo 27:45

Dad yorukugusgu, bela we-napa-naidgi negasichid nagunonikid, wachi-irbaase naigusad.

1 Corintios 15:41

Dad-ibeler-gaed, nii-gaed-ebo, akalad, degine, niisgwamar-gaed amba akarmogad. Ar niisgwamar na akar-akar-gaed nikananaed.

Deuteronomio 4:19

”Nue salakarmar. Ar be niba atakdemalale, we-ibmar be dakdele: Dad-ibeler, nii, niisgwamar, bela niisgwamar-akar-akar-nanaid be dakdele, abakale, ese be binsaed-galedamalar, e-nug-odummonai gudamalar, e-asabin dulluu sigdamalar. Ar ade, bemar-Bab-Dummad-Jehová, bela dulemar-we-napneggi-bukwamaladga we-niisgwamar obinnisad.

Apocalipsis 21:23

We-neggwebur ibegwar-sigegala, dad-ibeler abesulid, nii abesurbalid. Ar ade, Bab-Dummad-gaedba we-neg ibegwar siid, degi, Sibad-Wawaad-Mimmi ega neg-ibegwaledga gubalid.