Génesis 1:11 - Kuna San Blas

¹¹ Agi, Bab-Dummad sogdebalid: “Bela ibmar-durbamar napagi nagu: Gaganmar-gwag-nikad ambikumar, degine, akar-akar sapi-sunna-sanmakmalad, e-sangi gwag-nika gusun. Ibmar-durbamar akar-akar bela na egad-egad-balibimaladba ambikumarsun.” Deyob gunonikid.

Génesis 1:11 Iomraidhean Croise

Génesis 1:12

Geb napagi ibmar-durbamar nagunonikid: Gaganmar-gwag-nikamalad bela na akar-akar egad-egad-balibimaladba, degi, sapimar-e-sangi-gwag-nikumalad bela akar-akar na egad-egad-balibimaladba ambikunonimalad. Bab-Dummad dakdebalid, we-ibmar bela nueganbi.

Génesis 1:29

Geb degi, Bab-Dummad dulega sogdebalid: “We-napneggi bela gagan-nabir-gwag-nikumalad, degi, bela sapimar-e-sangi-gwag-nikumalad, an bemarga uked. A-ibmar-durba bela bemar-masga guoed.”

Génesis 2:16

Agine, Bab-Dummad-Jehová dulega igar-uksad: “We-nainu-nuedgi sapimar-bukwad-e-sanmar sunna bela be gunned.

Génesis 2:5

amba sapimar napneggi sated, amba yoo gaganmar-aragana ainidabalid. Ar ade, Bab-Jehová amba yoo dii napagi owidaged, degi, dule napagi-arbaega satebalid.

Génesis 2:9

Agine, Bab-Dummad-Jehová sapimar akar-akar bela yeerdaklemalad ainiega imaksad. A-sapimar-e-san bela yeer-gulle imaksad. Nainu-nued-abargi, sapi-wargwen gwichid. Dule we-sapi-e-san guchale, dula-gudii guoed, gwen burgosulid. Degine, sapi-baid gwichibalid. Dule we-sapi-e-san guchardina, wisguoed, ibu ibnuedi, ibu ib-isganabali.

Job 28:5

Yaa-matusulidgine arbananaidamalad, neg-uere-itoledaed-yabali gunanaidamalad, abali, masgunned amididamalad.

Salmo 1:3

We-dule, igi sapi diwar-naba aramakgwisdae, e-iba-sogedba sanmakdedae, deyobi gued. Bela na e-ibmar-imaked ega nueganbi naddaed.

Salmo 147:8

Bab-Dummad, nibneggi mogirmar nasiked, napaneggi dii owied, sapurgi gaganmar onied.

Isaías 61:11

Ar igi napa ibmar-muugan-oniega imake, degi, igi nainu ibmar-gwag-niega imake, deyobi, Bab-Jehová-Bur-Birigined, bela dulemar-yar-baid-baidgi-bukmalad-abargi, igar-innikigwad, degi, namakleged, ainidagega imakoed.”

Jeremías 17:8

A-dule, sapi-diwar-naba-gwichidaedyobi gued, igi sapi-malimar diwarse-bategwichile, neg-ued-nonikile, gwen akar-gusuli, e-gagan aramakwisgudae, debayobi, a-dule gued. Deginbali, igi a-sapi yolagi gwen akar-gusuli birga-irba gusgu sanmakgwisdae, deyobi, we-dule gued.

Mateo 3:10

”Deginbali, ar bato akan guar sapi-maligi yoid. Degisoggu, sapi nue-sanmaksulile, a-sapi ogumaklegega siklegoed, soogi melledoed.

Mateo 6:30

Be daksundo, ar Bab-Dummadde gagan-sapurbarmalad deyob-dakle-imak-inigwele, banedgi a-gaganmarde soo-yagi bato ogumaklesiid. Emide be, ¿Bab-Dummadgi benmarde? ¿Ar bemarga bur bule Bab-Dummad geg mor ukde?

Marcos 4:28

Ar napade, ibmar-gwag nabir dunguega imaked. Gebesaila, e-gagan-inse aramakdagoed, a-sorba, durbamakdagoed, geb agine, sanmakdagoed.

1 Corintios 15:38

Ar Bab-Dummad ega e-san-ukedi, na igi-dakle ega ukbiedba uked. Degine, ibmar-gwaggala na egad-egadba e-san ega uked.

Hebreos 6:7

Ar dii bali-bali-wiedbali, napa nue-dii gobed. Degidbali, a-napa dule-ibmar-digedga, gagan-nuegan-nabir-gullemalad nue-sanmakega imaked. Bab-Dummadi, a-napagi nued binsaed.

Santiago 3:12

Gwenadgan, ¿ar sunna higuera-sapigi, olivo-san sanmako be insae? Igidibe, ¿sunna uva-dubgi higuera-san sanmako be insae? Suli, degisuli. Ar deyobmodo, dii-gammu-wargwengi dii-gagbired-aryomaidba-mesa geg dii-nued aryoed.