Génesis 1:1 - Kuna San Blas

¹ Bab-Dummadi, gebe-negasailaunni, nibneg, napneg obinnisad.

Génesis 1:1 Iomraidhean Croise

2 Reyes 19:15

Geb degi, Ezequías, Bab-Jehováʼse goted: “Bab-Jehováʼye Israel-dulemar-e-Bab-Dummadye, baliwiturmar-wagar-darbakegwad-abargi be negsemaid. Bebi unnila we napaneg-naid e-Bab-Dummadga gued. Be nibneg, degine, napneg, be nasiksad.

1 Crónicas 16:26

Ar bela bab-dummad-baigan-yar-baid-baidginmaladi, bab-dummagansurmalad, binsarmaladid. Bab-Jehováʼdi, nibneg-obinnisadid.

2 Crónicas 2:11

Geb degine, Tiro-e-rey-Hiram, Rey-Salomónʼga gardagi e-gayaburba narmakar barmialid: “Bab-Jehová na e-dulemar-sabedbali Israel-yar-seega be-imaksad.”

Nehemías 9:6

” ’Unnila bebi Bab-Jehová-gued. Nibneg be nasiksadid: Bela nibneg-naid ugakaase, bela e-niisgwamar ega be nasiksad. Be, be napneg nasiksabalid, degi, bela ibmarmar-bukwad be obinnisbalid. Deginbali, demar-nanaidi, degi, bela agi ibmarmar-bukwad be obinnisbalid. Bela we-ibmarmala dula-gued be imaksad. A-ulale, sordamar-nibnegginmalad bese gotemalad, bela-belad be-nug-odummomalad.

Job 26:13

Bab-Dummadi, e-bunnogedgi mogir oaisakied. E-argangine, ibdula-dummad-demargined oitoged.

Job 38:4

”An napneg-e-sailamar-urbenaigua, ¿bia be gudiinsunna? ¡Anga be sogena, be nue-ibmar-wisye soged!

Job 9:8

Bab-Dummad na e-ganguedba nibneg nasiksad, degine, Bab-Dummad bogi demar-sabalid.

Salmo 102:25

Gebesailaunni, napneg be nasiksad, degi, nibneg-naid be-argangi be nasiksabalid.

Salmo 104:24

Bab-Jehová, ibiyobi be ibmarmar-imaksadi, ichesur mergue. Be ibmar-wisidbali, bela we-ibmarmar be imaksad. Be ibmar-obinnisadi, bela napneggi nanaid.

Salmo 104:30

Be-Burba be barmialile, bela gannarse napneg obinoleddaed. Deyob gannarse napneg naguddaed.

Salmo 115:15

Bab-Jehová-nibneg-obinnisadi, bemargi nued-binsaena gadin. Bab-Jehová-napneg-obinnisadi, bemargi nued-binsaena gadin.

Salmo 121:2

Bab-Jehováʼgi an-bendakleged danikid. Bab-Jehová-napneg-nasiksadgi, an-bendakleged danikid Bab-Jehová-nibneg-nasiksadgi, an-bendakleged danikid.

Salmo 124:8

Bab-Jehová-napneg-obinnisadid-nuggi, Bab-Dummad-nibneg-obinnisadid-nuggi, anmar-bendakleged danikid.

Salmo 134:3

Bab-Jehová-napneg-nasiksad, Bab-Jehová-nibneg-nasiksad. Sión-yar-akale, begi nued binsamarsun.

Salmo 136:5

Bab-Dummad e-ibmar-wisidbali, nibneg-nasiksad. A-e-nug odummomar. Ar e-sabguedi, degisadeguad.

Salmo 146:6

Ar Bab-Dummad napneg-nasiksadid, nibneg-nasiksabalidid. Demar-naidi, bela-egi-ibmar-bubukwadi urbisbalid. Bab-Dummad ibmar-imakoye-sogsad, sogedba imaked, gakansamaisulid.

Salmo 33:6

Bab-Jehová na e-sunmakedginbi nibneg nasiksad, na e-bunnogedginbi bela niisgwamar nasiksad.

Salmo 33:9

Ar Bab-Jehová sunmaksagu, bela ibmar gunonikid. Bab-Dummad igar-ukdegu, bela deyob gunonikid.

Salmo 8:3

Bab-Dummad, mogir-billigi be-ibmar-nasiksad an nue dakdele, nii-naid an nue dakdele, niisgwamar-naid an nue-dakdebalile,

Salmo 8:4

Bab-Dummad, an binsaddaed: “¿Wede, dule ibusunna, egi be binsanonigu? ¿Wede, dule ibusunna, be akwenonigu?”

Salmo 90:2

Bab-Jehová, amba yoo yarmar be urbegua, amba yoo napa be obinyegua, amba yoo napneg be obinyegua, degisadegu dikasurgus, emi-ibadse, bato bedi Bab-Dummad gued.

Salmo 96:5

Neggweburmar-baigan-e-bab-dummaganga-imaklemaladi, Bab-Dummadsulid, unnila ibmargi sobarmaladid, ar Bab-Jehováʼdi nibneg obinnisad.

Éxodo 20:11

Ar ade, Bab-Jehová ibanergwa (6) arbasad. A-ibagangi we-ibmarmar obinnisad: Nibneg obinnisad, napneg obinnisad, demar obinnisad, degi, bela agi ibmarmar-bukwadi obinnisbalid. Geb degi, ibagugledgindi (7), Bab-Jehová obunnosad. A-ulale, Bab-Jehová, ibagugledgi (7) ise-nued-binsasad. A-ibagi sogsad, we-iba, iba-islidikidye.

Éxodo 31:18

Bab-Jehová, Sinaí-yargi Moisésʼbo-sunmaknaid-bergusgua, Israel-Dulemarbo-Igar-Mesnaid-e-wilubga-guega, Moisésʼga akwa-matargwagwad-matabo uksad. We-akwagi-Igarmar-narmaklesadi, Bab-Dummad na e-sunnad e-googi narmaksad.

Proverbios 16:4

Bab-Jehová-ibmar-imakedi, igar-nikaa imaked. Ar dule-isganagase-bakale, odurdakleged-iba ega imaklesmogad.

Proverbios 3:19

Bab-Jehová binsaed-nikaguedgi, napneg nasiksad. Nue-ibmar-wisiguedgi, nibneg nasiksabalid.

Eclesiastés 12:1

Sapingwa-gudiidgi Bab-Dummad-be-obinnisad be ebinsao. Ibagan-bulegan-danikoed-idu, Bab-Dummad be ebinsao. Ar birgamar-bulegan-nonikile, be sognonikoed: “An-seredgussoggu, ibmar-nuegangi bar an wergudisurye.”

Isaías 37:16

“Bab-Jehová-Bela-Gangued-Nika-Maid, Israel-dulemar-e-Bab-Dummad, baliwiturmar-wagar-darbakegwad-abargi be negsemaid. Unnila bebi we-napneg-naid-e-Bab-Dummadga be gued. Be nibnega nasiksad, napnega be obinnisbalid.

Isaías 40:21

¿Ar ade, bemar wissurmarsi? ¿Bemar itossurmarsi? ¿Bato gebesailagine bemarga soglessursi? ¿Napneg-nagusad-akar bemar odurdaklessurmarsi?

Isaías 40:26

Niba be nue atakmar, ¿doa bela we-ibmarmar obinnisa? Bab-Jehová e na niisgwamar-onied, sog-soggwen ilemaked, e-nugbali ese goled. Bab-Jehová-e-ganguedi, ibiyobi dummarba gue. E-garganguedi, ibiyobi gandiki negsemai.

Isaías 40:28

¿Ar ade, be wissursi? ¿Be wisgussursi? Ar Bab-Jehová Bab-Dummad-degisadeguadid, napneg-bipirmaknaid bela obinnisadid, budar-itoged nikasulid, gege geggubalid, e-nue-ibmar-wisidi, gege balamileged.

Isaías 42:5

Bab-Dummad-Jehová mogir-billi obinnisadid, mogir-billi nasiksadid, napneg onasosadid, bela egi-ibmar-sanmaked onasosadid, dulemar-bukwadga niga-ogannogedid, dulemarga burba-dulad-ukedid. We-Bab-Dummad-Jehová weyopira soged:

Isaías 44:24

Weyob Bab-Jehová-be-bendakedi, sapibeneggi-be-omesisadi soged: “Ani an Bab-Jehová gued, bela ibmar-obinnisadid. Ani an wargwen mogir-billi egasadid. Ani an dukin napneg onasosadid. Dule gwen an-bendaksasulid.

Isaías 45:18

Ar ade, weyob Bab-Jehová soged: “Ani an Bab-Jehová gued, Bab-Dummad-baid sulid. Ani an mogir-billi-obinnisadid. Ani an napneg-nasiksadid. Ani an napneg-ilemakar nasiksadid, binsa-ollobi-nasikega an imaksasulid, dulemar egi ambikuega an imaksad.

Isaías 51:13

¿Bab-Jehová-be-obinnisad be iesde? ¿Bab-Jehová-mogir-billi-nasiksad bato be iesde? ¿Bab-Dummad-napneg-nasiksad bato be iesde? ¿Bane-bane be-isdarad-be-obelobi-gudiidgi be gwayedii guode? ¡Adi surbali! ¿Sabsur-dule-odurdakdiid-e-urwedde, bia nadsunna?

Isaías 51:16

Be-gwabindukugine, an-gayaburba an nasiksad. An-ganguedbali an be-anar gwisgusad. Ani an mogir-billi nasiksad, ani an napneg nasiksad. Degine, Sión-yalagi-bukmaladga an weyob sogsad: ‘Be an-dulamar guye.’ ”

Isaías 65:17

Bab-Jehová weyob soged: “Nue an-itomalo. An nibneg-binid, napneg-binid, an obinyesokalid. Ibmar-nasmalad bar obarilegosulid, bar egi binsalegosurbalid.

Jeremías 10:12

Bab-Dummad, e-ganguedba napneg nasiksad, e-binsaed-nikadbali, napneg ilemaksad, e-ibmar-wisidbali, nibneg nasiksad.

Jeremías 32:17

” ‘Bab-Dummad-Jehová, bedi be-ganguedba, be-gala-nikadba napneg be nasiksad, be nibneg obinnisad. Bipisaale, bega ibmar-geg-gued niksulid.

Jeremías 51:15

”Bab-Jehová, e-ganguedgi, napneg nasiksad, e-binsaed-nikadbali, napneg ilemaksad, e-ibmar-wisidbali, nibneg obinnisad.

Zacarías 12:1

Bab-Jehová Israel-dulemargi we-gayaburbaba sunmaknaid. Bab-Jehová-bela-mogirmar-nasiksad, napa-e-billigan-mesisad, dulemarga-burba-dulad-uksad, weyob soged:

Mateo 11:25

A-ibagangi, Jesús Bab-Dummadga-sunmakdegua, sogded: “Baba, an be-nug odummosun, bedi nibnegsemaidid, we-napneg-e-Dummadbalid. Ar bedi dule-ibmar-wismaladgi, dule-ibmar-magar-itomaladgi, an-we-ibmarmar-imaksad aku-ito be imaksad. Dule-baisursunnagwadmargardi bur be osanalosad, adi, amar magar itomalagar.

Marcos 13:19

Ar a-ibagan, naibi-dummad-itoleged-ibaganad. Ayobi, Bab-Dummad-neg-obinnisad-akar, emi-ibadse, dulemar bela-bela wiledisurmalad. A-sorbali, ayobi, bar gannar wilemalosurbalid.

Gusmalad 14:15

“¡Girmar! ¿Ibiga be deyob damala? Anmar bemaryobmogad, anmar dule gumalad. Aga anmar bemarga sogmalad, we-igar-isganamar-binsarmalad, be obelomarye. Bab-Dummad-sunnadba bur be nagumarye. Ar a-Bab dula-maid, a nibneg nasiksad, napneg nasiksad, demar nasiksabalid, degi, bela agi ibmar-bukwad urbisbalid.

Gusmalad 17:24

”A-Bab-Dummad we-napneg-naid nasiksad, bela-agi-ibmar-bukwad obinnisad. Ar we-Bab-Dummad nibneg egadsoggu, we-napneg egadsoggu, dule-ese-goled-neg-sobedgi megosurguoed.

Gusmalad 4:24

Jesúsʼba-nanaimalad, Pedro-deyob-ega-soge, Juan-deyob-ega-soge itosmargua, belagwapa na danale Bab-Dummadse gotemalad, sogdemalad: “Bab-Dummad-Bela-Negsemaidye, bee be nibneg obinnisad, bee be napneg obinnisad, bee be demar obinnisad, degine, bee be bela ibmar obinnisad.

Romanos 11:36

Ar ade, bela ibmarmar Bab-Dummadgi danikid. Bab-Dummadgi bela ibmarmar nabir selemaid. Bela ibmarmar Bab-Dummadgadga gubalid. Bab-Dummad-nug degisadegu ogannolemai gusun. Ar deyobdo.

1 Corintios 8:6

Ar anmargardina, unnila Bab-Dummad-sunnad wargwenna gued. A-Bab-Dummad anmar-babad, aginbi bela ibmar danikid, degine, anmar Bab-Dummadga dula gudimogad. Degine, Dule-Dummad, wargwenna gubalid, adi, Jesucristo gued. Agine, bela ibmar danibalid, degine, anmar aba dula gudimogad.

Efesios 3:9

Degine, belagwapa dulemar-baiganga-oyogega anga igar uklesad. We-igar, Bab-Dummad-bela-we-napneg-naidgi-ibmar-urbisadbi iduar wisi mainad. Emigindi, Cristoʼgi magar itolenonisunnad.

Hebreos 1:10

Degine, Bab-Dummad e-Machinik sogbalid: “Be, Dule-Dummad, we-napneg-naid gebesailaunni be nasiksad. Degi, nibneg-naid be-argangi be nasiksabalid.

Hebreos 1:2

Emisgwasaardi, Bab-Dummad na e-Machiba anmarga sunmaksad. Bab-Dummad bela ibmar na e-Machigadga-guega imaksad, degine, na e-Machiba bela napneg-naid, degine, nibneg-naid nasiksabalid.

Hebreos 11:3

Anmar Bab-Dummadgi-bensulidba wismalad, Bab-Dummad na e-gayaburba-sogsadbali bela nibneg, napneg obinnisad. Degisoggu, bela emi-ibmar-magar-daklemaladi, ibmar-akudaklemaladgi danikid.

Hebreos 3:4

Ar bela-negmar e-sobed nikad. Ar ibmarmar-imaklesadi, bela Bab-Dummad imaksad.

2 Pedro 3:5

Wemar, epenne Bab-Dummad sunmaksadba nibneg-nasiknonikidi, degi, napneg-nasiknonikidi, yamo wissuliyob gubukmalad. We-napneg diigi danikid, degi, dii napneg ganikid.

1 Juan 1:1

Gebe-negasailaunni, Gayaburba-Nued, Gayaburba-Dulad bato gudiid. A-Gayaburba-Nued anmar itosad, anmar-sunnad anmar-ibyanugi daksad. Ar anmar-sunnad ise-dakarmalad, an-argangi an ebusmalad.

Apocalipsis 10:6

Weyob ise-sogar sogded: “Bab-Dummad-degisadegu-birga-irba-maid, nibneg-nasiksad, napneg-nasiksad, demar-nasiksad, degi, bela amargi ibmar-bukwad urbisad. A-Bab-Dummad-nuggi napira an soged, we-ibmar-guoed-e-ibagandi bato warmaksad.

Apocalipsis 14:7

Baliwitur-gukudiid binnasur sogdiid: “Bab-Dummad-dobee be nanamar, e-nug be ogannomar. Ar e-igar-nabogoed-ibagan omosad. Bab-Dummad-nibneg-nasiksad, napneg-nasiksad, demar-nasiksad, dii-gammumar-mesisad, a-e-nug be odummomarsun.”

Apocalipsis 21:6

Anga sogdebalid: “Bato bela gwinmaksad. ”Ani an, Gebesailaginedid (Alfa), ani an, Napisoladbalid (Omega). Ar dule uku-uku itogele, ani an ega dii binsa ukoed. We-dii, dii-saila-degisadegu-dule-dula-imakedid.

Apocalipsis 22:13

Ani an Gebesailaginedid, (Alfa). Ani an Napisoladbalid, (Omega). Ani an gebedid, anse bergunaibalid.

Apocalipsis 3:14

“Anba-nanaimalad-Laodiceaʼgi-bukmalad-e-baliwiturse garda narmak: ” ‘Napiragwad-soged-dule, degi, ibmar-daksad-barsoged-napiragwad-dule, degine, Bab-Dummad-ibmar-obinnisad-e-Dummad, weyob bemarga soged:

Apocalipsis 4:11

“Bab-Dummad, anmar-Dummad, be-nug ogannoleged, be-nug odummoleged, degi, be dummadga gued. Ar bela ibmar-naid be obinnisad, be-sogedba bela ibmar gudiid, bela be-sogedba ibmar binnis bukwabalid.”