Éxodo 8:8 - Kuna San Blas

⁸ Geb degine, Faraón, Moisésʼbina, Aarónʼbina gochad, amarga sogded: —Bab-Jehováʼga be soge, anga, degi, an-sordamarga ammanoo osuloye. Geb degine, be-dulemar naega an imakoed, adi, Bab-Jehováʼga ibmar-ogumakar uknamalagar.

Éxodo 8:8 Iomraidhean Croise

1 Reyes 13:6

Degisoggu, Rey-Jeroboam Bab-Dummad-e-dulese wileded, ega sogded: —Be-Bab-Dummad-Jehováʼse be anga wis gole. Adi, an-argan anga onudakegar. Agi Bab-Dummad-e-dule Bab-Jehováʼse goted. Geb agine, Rey-Jeroboam-e-argan yog nuguar naded, idualedyob gannar ega nollo naded.

Salmo 66:3

Bab-Dummadga sogmar: “¡Be-ibmar-imakedi, geger-dakleged! Be gandik-maisoggua, be-isdarmalad be-urbaligwa gudimalad.

Éxodo 10:16

Faraón, Moisésʼse, degi, Aarónʼse yog-gollar imaksad. Geb, amarga sogded: “Be-Bab-Dummad-Jehováʼba an nue-nosad. Bemargi an nue-nosbalid.

Éxodo 10:17

An wis bemarse egised, an-begi-yolesadi begi-nossuliyob be an-dake. We-boni-dummad-anga-osulogega, be-Bab-Dummad-Jehováʼse be anga gole.”

Éxodo 10:18

Moisés Faraónʼgi bangudeyalaba Bab-Jehováʼse Faraónʼga goted.

Éxodo 14:5

Geb degi-gunaidgine, Egipto-e-reyga soglealid, Israel-dulemar wakitemarye. Egipto-e-rey, degi, ega-arbamalad, binsaed-gwagdemalad, weyob sogdemalad: “¿Ar wede, ibiga anmar Israel-dulemar-onosa? Emide, anmar we-dulemar-naega imaksagu, gwen bar anmarga arbaosurmalad. Degisulirgebed.”

Éxodo 32:11

Geb degine, Moisés e-Bab-Dummad-Jehová-urwed-bargaegala, ega sogded: —Bab-Jehová, ¿ar ibiga sae-itogedba be-dulamar be obelodagoe? ¿Ar na be Egipto-yargi be-gangued-dutusulidba onossursi?

Éxodo 5:2

Ar Faraónʼdi abin-sogded: —¿Bab-Jehováʼde doasunna? ¿Ibiga an a-sogedba ibsaoe? ¿Ibiga an Israel-dulemar onodagoe? We-Bab-Jehová an wissuli. Degine, Israel-dulemar an onogosurbali.

Éxodo 8:15

Degi-inigwele, Faraón ammanoo-bergus-dakargu, ar igi Bab-Jehová bato iduar sogsadyob, Faraón aka bur bule burguded. Faraón, Moisés-ega-ibmar-sogedba, degi, Aarón-ega-ibmar-sogedba gwen imaksasulid.

Éxodo 8:29

Moisésʼdi Faraón-abin sogded: —An wegi nodele, Bab-Jehováʼse an egisoed, oibosale, gukurmar-galagwensuli-nikadi begi, bega-arbamaladgi, degi, be-dulemargi banguye. Deyob an imakoed, be anga soger, bar an be-yardakosurye, degine, be-dulemar an onogoye, onosuli bar an imakosurye, adi, Bab-Jehováʼga bemar ibmar-ogumakar uknamalagarye.

Éxodo 8:32

Ar Faraónʼdi gannar aka bur bule burguded, Israel-dulemar-onogega gwen imaksasulid.

Éxodo 8:9

Moisés Faraón-abin sogded: —Anga be soge, ¿sana bega, bega-arbamaladga, degi, be-sordamarga, Babse-gorbi be an-abege? Adi, ammanoomar begi banguega, degi, be-neggwebur-negmargi berguegar. Unnila diwarginbi nika guegar.

Éxodo 9:27

Geb degine, Faraón Moisésʼse, degi, Aarónʼse gochad. Amarga sogded: —Mag an itodo, ani an nosad. Angindo, an-dulemarginbardo, Bab-Jehováʼginsurdo.

Éxodo 9:28

Bar an bemar-gaosulid. Be namarsun. Ar mar doggus-wilub-obicha gollomakmaisoggu, dii-akwaga-binyaled doggus wilub-obicha babatemaisoggu, wis be Bab-Jehováʼse be anmarga gole, adi, we-ibmarmar anmarga osulogegar.

Éxodo 9:33

Moisés Faraónʼbo-sunmaksad-sorba, neggweburgi nodgu, e-argan onakded, Bab-Jehováʼse goted. Deyob imaksagu, dii-akwaga-binyaled yog berguar naded, bar babatissulid. Degine, mar bar gollomaksasurbalid, yog berguar nadbalid.

Números 21:7

Geb degine, Israel-dulemar Moisésʼse nadegusmalad, ega sogdapmalad: “Anmar begi, degi, Bab-Jehováʼgi sunmaksad-ular, anmar nue-isgusmalad. Bab-Jehováʼse wilesakwaa be egise, we-naibemar anmarga osuloye.” Moisés Bab-Jehováʼse dulemar-ular goted,

Gusmalad 8:24

Simón, Pedroʼga, degi, Juanʼga sogdesun: —Anga Bab-Dummadse be gormar, adi, bela be-anga-ibmar-sogsad mer degiguegar.

1 Samuel 12:19

Geb Samuelʼga sogdemalad: —Anmarga be-Bab-Dummad-Jehováʼse be gole, adi, mer anmar-oburgwegar. Ar ade, anmar Bab-Jehováʼse rey-egichadbali, bur bule anmar isgusad.