Éxodo 7:3 - Kuna San Blas

³ Ar andi gatik aka bur bule Faraón-burguega an imakoed, adi, mer an-dulamar-onogegar. Deyob an imakoed, adi, Egipto-yargi ibmar-dummagan, ibmar-gegerdaklemalad an gatik imakegar.

Éxodo 7:3 Iomraidhean Croise

Nehemías 9:10

Be, be ibmar-gegerdaklemaladi, degi, ibmar-dakledisurmaladi Faraónʼgi be imaksad. Faraón-e-dummagangi, degine, bela Egipto-yargi-dule-bukmaladgi be imaksabalid. Ar ade, Egipto-dulemar be-dulamargi na-san dummarba-itogedba, gandikidgine-ibmar-imaksamalad be daksad. A-ulale, emi-ibadse, be-nug dummarba gued.

Salmo 135:9

Egipto-dulemar, Bab-Dummad be-abargi Faraónʼga, bela e-maimarga oyosad, ibmar-wilubgan-dummagan, ibmar-dakledisurmalad oyosad.

Salmo 78:12

Bab-Dummad Egipto-yargi, Zoán-nebagi, e-dadganga ibmar-dakledisurmalad-oyosgusadi, bela iesmalad.

Éxodo 11:10

Moisés Aarónʼbogwa bela we-ibmar-gegerdaklemalad Faraón-asabin imaksad. Ar Bab-Jehováʼdi aka bur bule Faraón-burguega imaksasoggu, Faraón Israel-dulemar-Egipto-yargi-bukwad onossulid.

Éxodo 11:9

Bab-Jehová Moisésʼga sogded: “Egipto-yargi gatik bur bule an-ibmar-gegerdaklemalad an imakega, Faraón bemar-ibmar-sogedba imakosulid.”

Éxodo 14:4

”Andi an, aka bur bule Faraón-burguega imakoed, degine, Faraón bemar-bareginnega an imakbaloed. Geb degine, Faraónʼgi, degi, e-sordamar-bila-onomaladgi an-gargangued an oyogoed. Deyob, Egipto-dulemala wisgumaloed, ani an Bab-Jehová guye.” Israel-dulemala deyob imaksamardo.

Éxodo 3:20

Degisoggu, an-gangued an oyogoed, degine, Egipto-dulemar sabsur an odurdakoed, burgwed-nagase an imakoed. Ibmar-dakledisulid Egipto-yargi an imakoed. A-sorbali, geb Egipto-e-rey-Faraón bemar-onogoed.

Éxodo 4:21

Geb a-sorbali, Bab-Jehová Moisésʼga sogded: —Egiptoʼse be modapile, Faraón-asabin bela ibmar-gegerdaklemalad be imakoed. We-ibmar-gegerdaklemalad sunna-imakega an bega gangued uksad. Ar andi aka bur bule Faraón-burguega an imakoed, adi, Faraón melle Israel-dulemar-onogegar.

Éxodo 4:29

Geb degi, Moisés, Aarónʼbogwa Israel-girmar-dummagan-ebo ambikunaded.

Éxodo 4:7

Geb degine, Bab-Jehová Moisésʼga sogdebalid: —Gannar be-argan be-binasgargi be mesbali. Moisés deyob imaksabalid. Gannar na e-argan onoargu, e-argan bato e-san-baidyobi nued noalid.

Éxodo 7:13

Bab-Jehová bato iduar Moisésʼga sogsadyob, Faraón aka burguded. Faraón Moisés-ega-sogedba ibmar gwen imaksasulid.

Éxodo 9:16

Ar emigindi, wis dula-gudiguega an be-imaksad, adi, an-gangued be dakegar, adi, bela we-napneg-naidgi an-wisgumalagar, an doa-dule gue.

Proverbios 21:1

Bab-Jehováʼgi, rey-e-binsaed diwar-iirmakmaiyob gued. Deyobi, rey, Bab-Dummad-ibmar-abegedba ibmar-imaked.

Isaías 51:9

Bab-Jehová, ¡be atake! ¡Be atake! ¡Gandikid-mola be yoe! Epenne be-gangued be-dulamarga-be-oyosayob be oyoge. ¿Ar bee be, Rahab-obelossursi? ¿Ar bee be, ibdula-demargined obelossursi?

Miqueas 7:15

Egipto-yalagi Israel-dulemar-onosgu, ibmar-dakledisurmalad-oyosayobi, be oyoge.

Juan 4:48

Jesús, abin-sogded: —Ibmar-wilubgan-dakledisurmalad, degi, ibmar-gegerdaklemalad bemar daksasulina, be an-benmalanad.

Gusmalad 2:22

Pedro sogdebalid: “Israel-dorgan, an-bemarga-ibmar-sogoedi nue be itomalo: Jesús Nazaret-dolad, bemardi nue-wismalad, bemar-abargi Bab-Dummad-nuggi ibmar-dakledisurmaladi, ibmar-wilubgan, degi, ibmar-gegerdaklemaladi oyosad, ar a bemar bela-wisi bukwamalad, adi, bemar dakega, Jesús doa-dule gue.

Gusmalad 7:36

”We-Moisés Egipto-yargi, ibmar-gegerdaklemalad-oyosad, degine, ibmar-wilubgan-dakledisurmalad oyosbalid. Degidbali, Moisés anmar-dadgan-Egipto-yargi-bukwad onosad. Degi, Demar-Ginnidye-nugadgi, degi, birga-dulabo (40) nega-dulesulidganba ibmar-gegerdaklemalad oyodii gusad, degine, ibmar-wilubgan-dakledisurmalad oyodii gusbalid.

Romanos 15:19

Weyob-an-imaksadi, Bab-Burba-Isligwaled-ganguedba ibmar-wilubgan-dakledisulid an imaksad, degine, ibmar-gegerdaklemalad an imaksabalid. Degisoggu, Jerusalén-neggwebur, degine, a-neggweburmar-dikarbarmalad-akale, Ilírico-yarsega, bela Cristo-Gayaburba-Nuedgi an sunmaksad.

Romanos 9:18

Degisoggu, Bab-Dummad ar doa wile dakbie, a-wile-dakodo. Degine, doa uayasuli imakbie, a-uayasuli-imakodo.

Deuteronomio 4:34

Ar Bab-Dummad dulamar-bamalad-abargi dulamar-bukwad-gwensak-suegala, igar-bulegan-oyonai gualid, ibmar-wilubgan-oyonai gualid, ibmar-dakledisurmalad-oyonai gualid, bila-onoleged-ononai gualid. Degi, ibmar-gegerdaklemalad gandikidba-oyonai gualid, bela gargangued-oyonai gualid. ¿Biti-bab-dummad deyob ibmar-imaknai be daksamala? Suli. Deyob bab-dummad-baid ibmar-imaknai be daksasurmalad. Unnila be-Bab-Jehováʼbi bela-Egipto-yargi bemarga ibmar-imaksad be daksamalad.

Deuteronomio 7:19

Be-ibyagwar be daksamalad, igi be-Bab-Dummad-Jehová Egipto-yargi-bemar-onogegala, ibmar-dummagan imaksa, ibmar-wilubgan-gegerdaklemalad imaksa. Ar na e-ganguedgi bemar-onos gusad. Ar amba, be-Bab-Dummad-Jehová, bela dulemar-be-asabin-bukwamalad-be-dobe-itomaladi, deyobi imakbaloed.