Éxodo 6:7 - Kuna San Blas

⁷ Ani an be-sumaloed, an-dulamarga an be-imakmaloed. Ani an be-Bab-Dummadga guoed. ” ’Deyobi, bemar wisgumaloed, ani an be-Bab-Dummad-Jehová gued. Deginbali, bemar wisgumarbaloed, ani an Egipto-dulemar sabsur-bemar-oarbananaimargu an bemar-onosad.

Éxodo 6:7 Iomraidhean Croise

Génesis 26:3

Ar emigindi, wegi sikwas be mego. An beba gudii guoed, degine, ise-nued an begi binsaoed. Ar ade, begala, degine, be-wagangala we-yar an ukoed. Ar igi be-bab-Abrahamʼga ise-sogar an sogsa, deyob an imakedsegad.

Génesis 28:13

Jacob daksabalid, Bab-Jehová arsan-birgi gwichi. Bab-Jehová ega sogded: “Ani, an Bab-Jehová, be-dad-Abraham-e-Bab-Dummad, be-bab-Isaac-e-Bab-Dummad. Begala, degine, be-wagangala, be-gabmaid-napanega an ukoed.

1 Reyes 20:28

Degidgine, Bab-Dummad-e-dule, Israel-rey-asabin gwisgunonikid, ega sogded: “Weyob Bab-Jehová soged: ‘Siria-sordamar an-annik soged, ande, Bab-Jehová-guedi, unnila yalagan-e-bab-dummadye, nebagan-e-Bab-Dummadsurye. Degisoggu, an bega we-dulemar urmakoed, adi, be wisgumalaga, anbi unnila Bab-Jehová gue.’ ”

1 Reyes 8:60

Adi, deyobi dule-ainebarmalad magar be-dakmaloed, bede Bab-Jehová guye, beyobid, bab-dummad-baid surye.

Nehemías 1:10

”Bab-Jehová, anmar be-maiganad, degi, be-dulamarbalid, ar bela-bela be-ganguedba be anmar-abonosad.

Salmo 100:3

Bab-Jehová-Bab-Dummad-gued be magar-dakmala. E anmar-obinnisad. Anmar, egadid. Anmar e-dulamalad. Anmar, e-sibad-wawaadyob gumalad.

Salmo 81:6

Dule-sunmaked an itosad, an wissulid, doa anga sunmake. Anga weyob soged: “Be-gukingi be ibmar-ukusulid-semaid an bega osulosad. Arbaed-dummad be imakdiidi an bega obelosad.

Éxodo 13:14

”Ar ibagwengi be-machi bese egichialile, ar wede ibi obarye. Be-machiga bemar sogoed: ‘Bab-Jehová gandikidba Egipto-yargi deun anmar maiga wilebukwagua, anmar-onosgusye.

Éxodo 13:3

Geb degine, Moisés Israel-dulemarga sogded: “We-iba nue be insamalo. Bab-Jehová, bemar Egipto-yargi maiga-wilebukwadgi gandikidba bemar-ononaid. Melle bemar madu e-ina-nika gunmalo.

Éxodo 14:18

An Faraónʼgi, e-urmar-napaginmaladgi, e-sordamar-moli-birgi-sii-urwemaladgi an-gangued an oyosale, agi Egipto-dulemar wisguoed, ani an Bab-Jehová gued.”

Éxodo 14:4

”Andi an, aka bur bule Faraón-burguega imakoed, degine, Faraón bemar-bareginnega an imakbaloed. Geb degine, Faraónʼgi, degi, e-sordamar-bila-onomaladgi an-gargangued an oyogoed. Deyob, Egipto-dulemala wisgumaloed, ani an Bab-Jehová guye.” Israel-dulemala deyob imaksamardo.

Éxodo 15:16

Bab-Jehová, be-surgan-ganguedba we-dulemar bela-belad-gwakidmalodo. Bela we-dulemar dobgudmalodo. Bab-Jehová, be-gangued-abin we-dulemar akwayob geg sunmak sigmaloed. Bela be-dulemar-na-begadga-imaksad bela-obaksadse, we-dulemar bogidik ambikumaloed.

Éxodo 15:2

An-namaked, Bab-Jehováʼga an namaked. Ar Bab-Jehová an-ogannogedid, an-abonogedid. Bab-Jehová an-Bab-Dummadid, an a-e-nug odummogoed. We-Bab-Jehová an-bab-e-Bab-Dummadid, an a-e-nug ogannoged.

Éxodo 16:12

“Israel-dulemar angi oimakbukwad an itosad. Amar-ebo be sunmak, ega be soge: ‘Emi-sedogi be san gunmaloye, wakdardina, be madu gunmaloye, nue-immelegedseye. Adi, be wisgumalagarye, ani an Bab-Jehová guye, ani an bemar-Bab-Dummadye.’ ”

Éxodo 16:6

Moisés, Aarónʼbogwa Israel-dulemarga sogdemalad: “Sedogidba be wisgumaloed, Bab-Jehová, na e, Egipto-yargi bemar-onosye.

Éxodo 2:11

Moisés bato machered-gusgu, ibagwengine, e-gwenadgan-ablis-emaladse ataknade gusad. Agi dakalid, e-gwenadgan arbaed-dummad imaknanai. Geb degine, Moisés dakdebalid, Egipto-dule-wargwen Hebreo-dule-sabsur-sarsonai. Hebreo-dule Moisés-ebogwa na ablis emaladid.

Éxodo 6:6

“Degisoggu, Israel-dulemarga be sogna: ‘Ani, an Bab-Jehová gued. Egipto-dulemar-maiga be gubukmaladgi, sabsur be-imakdimaladgi an bemar-onogoed. An-gangued-nikadba an Egipto-dulemar sabsur-odurdakoed. Aba an be-bendakoed.

Éxodo 7:17

emigi be wisguoye, ani an Bab-Jehová guye.’ ”Moisés, emide, we-gaapoled-argangi-ganikidgi be diwar bibyodele, dii abega binyidoed. Agi Faraón wisgusunnoed, ani an Bab-Jehová gued.

Isaías 41:20

Adi, dulemar dakega, degi, wisgumalaga, egi binsamalaga, degi, magar-itomalagar, Bab-Jehová we-ibmarmar-imaksaye, Israel-dulemar-e-Bab-Dummad-Isligwaledi, we-ibmarmar obinnisye.”

Isaías 49:23

Reymar e-mimmiganga be-imakmaloed, degi, rey-omegan be-nanga gumaloed. Be-asabinni, dulluu napase imakmaloed. Degi, maligi ukub-naile, bega elimaloed. Geb agi, be wisgumaloed, ani an Bab-Jehová gued. Dule-angi-bensurmaladi, bingedar itogosurmalad.”

Isaías 49:26

Be-isdarmalad na dukin e-san-gunmalaga an imakoed. Vino-gobeyobi, na dukin e-ablisgi-mumgumalaga an imakbaloed. Degisoggu, bela dulemar wisgumaloed, ani an Bab-Jehová gued. Ani an be-Abonogedid. Ani an Jacob-waganga dule-gandikid gued. Ani an be-bendakedid.”

Isaías 51:15

Ani an be-Bab-Dummad-Jehová gued. Ani an demar-osukamakedid, ani an demar-uurmakega imakedid. Bab-Jehová-Bela-Gangued-Nikadye an nugad.

Isaías 60:16

Dule-yar-baid-baidgi-bukmalad-e-mas be gunnoed, reymar-e-ibmar-nuegan bega uklegoed. Degisoggu, na be wisguoed, ani an Bab-Jehová be-Abonogedid. Ani an Jacob-wagan-e-Bab-Dummad-gandikid be-bendakedid.

Isaías 63:8

Ar Bab-Dummad weyob sogsad: “Ar napiragwa, wemar an-dulamalad, mimmigan-an-yardakmalosulidid.” Deyobi, e-suli-suli-itogedgine, Bab-Dummad bendaknonikid.

Jeremías 30:22

Bemar anse alile, be an-dulaga gumaloed, ani an, bemar-Bab-Dummadga gumogoed.

Jeremías 31:33

Bab-Jehová soged: “A-ibagangine, Israel-dulemar-ebo an weyob igar mesoed: E-gwage-ulubgi an-igar an ega nasikoed, e-binsaedgi an-igar an ega narmakoed. Ani an e-Bab-Dummadga guoed, emar an-dulaga gumarmogoed.

Ezequiel 20:19

Ani an Bab-Jehová, be-Bab-Dummadid. An-Igar-Mamaidba be nanamala, an-Igar-Mesisadba be ibsamala.

Oseas 1:10

”Ar ibagwengine, Israel-dulemar ukub-merguedyob dule-bukib-gunonimaloed. Dogdar-merguedba geg wilubsalege, geg ebislege gunonimaloed. Bia e-annik soglesa, ‘an-neggwebursulidye,’ agine, ‘Bab-Dummad-Dula-Maid-e-mimmiganye’ bilenonikoed.

Levítico 11:44

”Ani, an-bemar-Bab-Dummad-Jehová gued. Ar an dule-isligwaledsoggu, bemar gwage-swilidik imakmalo, deyobi, bemar gwage-swilidik gudimalo. Ibdurgan-unimakar-nanamalad-gunnedba, degi, ebugedba, mer be swilidiksuli gumalo.

Levítico 11:45

Ani an Bab-Jehová gued. Ani an Egipto-yargi bemar-onosad, adi, an be-Bab-Dummadga guegar. Degisoggu, bemar gwage-swilidik imakmala, ar an dule-islidikidid.

Zacarías 13:9

Degi-inigwele, we-dule-durgusmaladdi, an soogi odurdakoed. Ar igi mani swilidik-guega soogi-dulege, deyobi, an swilidik imakoed, ar igi or soogi wilubdaklege, deyobi, an wilubdakoed. Geb degine, we-dulemar anse gornanai gumaloed, geb an, abin-imakoed. An sogdoed: ‘Wemar, an-dulamalad.’ Wemar sogdemogoed: ‘Bab-Jehová, anmar-Bab-Dummadid.’ ”

Números 15:41

Ani an Bab-Jehová, be-Bab-Dummad gued. Ani an Egipto-yalagi an bemar-onosad, adi, be-Bab-Dummadga guegar. Ani an bemar-Bab-Dummad-Jehová gued.’ ”

Mateo 22:32

‘Ani an Abraham, Isaac, degi, Jacob, amar-e-Bab-Dummadid.’ Éxodo 3:6 ”A-ular, Bab-Dummad, dulemar-burgwarmalad-e-Bab-Dummadsulid. Bab-Dummad, dulemar-dula-gudidimalad-e-Bab-Dummadid. Degisoggu, bemar nue-noar sogmalad.”

Romanos 8:31

Degite, we-ibmar-soglesadgi, ¿igi-an bar sogmalosunna? Ar Bab-Dummad anmarba naile, ¿doa anmargi gwisguosunna? Dule anmargi gwisgued, sate.

Deuteronomio 14:2

Ar bemar be-Bab-Dummad-Jehováʼba uklegarmaladid. Ar Bab-Jehová unnila egadgarbi-guega, we-napneggi dulamar-bukidar-bukwad-abargi bemar-sunonikid.”

Deuteronomio 26:18

Bab-Jehová emi-ibagi bega soged: ‘Be an-dulamar-guye, unnila bemarbi angadye, ar igi bega ise-sogar sogsadyob.’ Degisoggu, bela e-Igarmar-Mamaidba be nanamalo.

Deuteronomio 29:12

”Ar bemar be-Bab-Dummad-Jehováʼbo-Igar-Mesmalaga, bela wegi bukwamalad. Ar Bab-Dummad-Jehová bemarga ise-sogar Igar Mesnaid. Ar soged: ‘Ede deyob imakedseye.’

Deuteronomio 29:13

Bab-Jehová, emi-ibagine, weyob bemarga ise-sogar-imaknaid: ‘Bemar, e-dule-gumarye. Edi, be-Bab-Dummad-guye. Ar igi be-dadgan-Abrahamʼga, Isaacʼga, degi, Jacobʼga sogsagusa, deyob imaknaid.’

Deuteronomio 29:5

Moisés sogdebalid: “Bab-Jehová bemarga soged: ‘Birga-dulabogwa (40) an nega-dulesulidganba be-sedii gusad, degite, be-mormar nungussulid, bemar-nag-uka nungussurbalid.

Deuteronomio 4:20

”Ar Bab-Jehová bemar-sunonikid, Egipto-yala-esgoro-duleged-negyob-guedgi bemar-onononikid. E-dulamarga-guega bemar-sunonikid, igi emi-iba bemar e-dulaga gumala.

Deuteronomio 7:6

”Ar ade, bemar, be-Bab-Dummad-Jehováʼba dule-islidikmalad gumalad. Ar be-Bab-Dummad-Jehová bemar-susad, adi, dulemar-baigan-we-napneggi-bukmaladba bur bule na egadga bemar-imakegar.”

Hebreos 11:16

Ar emigindi, yar-bur-nued, nibneggined, a-amidii gusmalad. Degisoggu, a-ulale, Bab-Dummad bingesuli na sogsundo, ede a-dulemar-Bab-Dummadye, ar ede, bato na neggwebur guagwar sisad.

1 Pedro 2:10

Bemar iduardi, Bab-Dummadgadsurmalanad, emigindi, Bab-Dummadgadga be gunonimalad. Ar iduardi, Bab-Dummad wile be-daksasurmalanad, emigindi, Bab-Dummad wile bemar-daknonikisunnad.

Apocalipsis 21:3

Geb degi, nibneggi gayaburba binnasur gole an itosad. Weyob soged: “Emigindi, Bab-Dummad-meged-neg dulemar-abargi signonisunnad. Bab-Dummad dulemar-abargi gudigusunnoed. Dulemar Bab-Dummad-sordamarga gunonikoed. Bab-Dummad-sunnad we-dulemar-e-Bab-Dummadga gumogoed.

Apocalipsis 21:7

”Ar dule gwen galakussulile, we-ibmar bela ega uklegoed. Ani an e-Bab-Dummadga guoed, e an-machiga gumogoed.