Éxodo 5:2 - Kuna San Blas

² Ar Faraónʼdi abin-sogded: —¿Bab-Jehováʼde doasunna? ¿Ibiga an a-sogedba ibsaoe? ¿Ibiga an Israel-dulemar onodagoe? We-Bab-Jehová an wissuli. Degine, Israel-dulemar an onogosurbali.

Éxodo 5:2 Iomraidhean Croise

2 Reyes 18:35

Degite, ¿bitid-dulemar-bamalad-e-bab-dummad, e-yar bendaksa be dake? ¿Ar we-bab-dummagan Jerusalén-neggwebur angi obinega imaksasi? Imaksasurgusad.”

2 Crónicas 32:14

Ar an-babgan a-neggweburmar-obelonaigua, e-bab-dummagan-wargwensaale bendaksasulid. Ar deyobi, amba bemar-Bab-Dummad an-urwedgi be bendakosurmogad.

2 Crónicas 32:15

Mer Rey-Ezequíasʼse yamolemalo, degi, melle ese-binsaed galemalo. Melle be itomala, ar bab-dummagan-wargwensaar neggweburmar angi-nakwega imakmaisulid. Degi, bab-dummagan dule-bamalad an-babgangi-nakwega imakmaisurbalid. Ar be-Bab-Dummad-bule-sunna, angi-nakwega be-imakosulid.’ ”

2 Crónicas 32:19

Senaquerib-e-sordamar, Jerusalénʼginmalad-e-Bab-Dummadgi dulemar-yar-baigan-e-bab-dummaganyobi, egi sunmaksamalad. Ar amar-bab-dummagandi yamo dulemar sobsananaed.

Nehemías 9:10

Be, be ibmar-gegerdaklemaladi, degi, ibmar-dakledisurmaladi Faraónʼgi be imaksad. Faraón-e-dummagangi, degine, bela Egipto-yargi-dule-bukmaladgi be imaksabalid. Ar ade, Egipto-dulemar be-dulamargi na-san dummarba-itogedba, gandikidgine-ibmar-imaksamalad be daksad. A-ulale, emi-ibadse, be-nug dummarba gued.

Job 15:25

Ar Bab-Dummadgi ise-urwar argan-oyonai-gusad-ulale, na san-bule-bule Bab-Dummad-Bela-Gangued-Nikadga imaknai-gusad-ulale, ede na dobe itodiid.

Job 15:26

Ar dule-isgana Bab-Dummad-asabin ise-urwar gunaigusad, ar Bab-Dummad-ourwega, sigu-abgaed-sommed urwedgi ega oyonai gusad.

Job 21:15

Anmar e-nug-odummogega, Bab-Dummad-Bela-Gangued-Nikadde, ¿doasunna? Anmar ese gorye sogele, ¿ibu-nued egi amilesunna?’

Salmo 10:4

Bab-Dummadye, dule-isgana bule-bule-san-imakedbali, be-amisulid. Bipisaale begi binsasulid.

Salmo 12:4

We-dulemar sogdimalad: “Sunmakedgi anmar dulemargi obinoed. Aga anmar gwabin-duku nikasursi. Anmar-gwabin-duku dule-baidgadsulid. ¿Degite, doa anmargi obinosunna? Dule anmargi-obined sate.”

Salmo 12:5

Emide, Bab-Jehová, bede soged: “Dule-e-bendaked-satemalad mesagwar-imaklediid-ular, an gwisguoye. Dule ibmar-sate-gudimaladba bela-belad-bodimalad, an bendakoye.”

Salmo 14:1

Dule-binsaedsulidaed, weyob e-gwagegi sogdiid: “Bab-Dummad maisulid.” Dulemar nue-isgus gudimalad, unnila ibmar-isganabi imakdimalad. Dule-wargwensaale, ibmar-nued-imaked gudisulid.

Éxodo 3:19

”Degi-inigwele, ar an nue-wisid, Egipto-e-rey baisursunnagwadgi bemar-onogosulid. Ar Egipto-e-rey ise-gandikidgi geb bemar-onogoed.

Éxodo 7:17

emigi be wisguoye, ani an Bab-Jehová guye.’ ”Moisés, emide, we-gaapoled-argangi-ganikidgi be diwar bibyodele, dii abega binyidoed. Agi Faraón wisgusunnoed, ani an Bab-Jehová gued.

Proverbios 30:9

Ar an mani-ibedga gudele, abakar na be-iealile, abakale an sokalile: ¿Ar doa wede Bab-Jehováʼye? Degine, an wiledibalile, abakar ibmar-atursaarbalile, degidbali, an be-nug-ichoge dakledagoed.

Jeremías 42:13

Ani Jeremías sogdebalid: Ar bemar, bemar-Bab-Dummad-Jehová-sogedba ibsasulile, weyob be sogmalale: “Anmar we-yargi ambikuosurmala,

Jeremías 48:26

”Be Moab-dulemar-omumsamar ar Bab-Jehováʼba uayasuli nanasmalad. Moab-dulemar e-agedgi bindumakega be samar. Moab-dulemargi dodolegega gusun.

Daniel 3:15

Emigindi, Bemar guakwagwa gar-trompeta, gar-flauta, gar-cítara, gar-salterio, gar-arpa, gar-zampoña, degi, bela gar-gormalad gote-itodele, an ibmar-duleyob-orgi-sobaled sobsagusad-asabin, napase wagar dullu-imaked, degi, e-nug odummoged. Ar deyob bemar imaksulile, soo-ginnitibi-gasiid-yagi yog-mellear bemar guoed. Weyob an bemar-imakoedgi, ¿ar doa-bab-dummad be-bendakmaloe?

Juan 16:3

We-dulemar Bab-wissulidba, degine, aku an-dakedba, deyob be-imakmaloed.

Romanos 1:28

Deginbali, we-dulemar Bab-Dummad-amideeye bar binsasurmarsoggu, Bab-Dummad, we-dulemar na e-galagwensuli-binsaed-imakega imaksad, adi, ibmar-isgana-imakedsulid imakmalagar.

2 Tesalonicenses 1:8

Bab-Jesús, dulemar-aku-Bab-Dummad-dakdimalad-sabsur-odurdakega, degi, dulemar-anmar-Dummad-Jesucristo-e-Gayaburba-Nuedba-nanadisurmalad sabsur-odurdakega, danikoed.

Jueces 2:10

Degi, Israel-dulemar Josué-ibagangi-gudigusmalad bela burgwismarmogad. Geb sorba, wagan-baigan-ambikunonikiddi aku Bab-Jehová-daksamalad, degi, Bab-Jehová-Israel-dulemarga-ibmar-nuegan-imaksad wissurmarbalid.

1 Samuel 2:12

Elí-masmala, dule-isganad, gwen Bab-Jehová-dobsuli gudii damalad.

1 Samuel 25:10

Ar Nabalʼdi, weyob abin-imaksad: —¿Ar Davidʼde, doa-dule? ¿Ar Isaí-machide, doasunna? Ar emi-iba, bukidar maimar na e-dummadgi wakindidamalad.