Éxodo 4:15 - Kuna San Blas

¹⁵ Aarónʼga bela be sogoed, igi sunmakoe. Bemar sunmakalile, ani an be-bendakoed, degine, ani an Aarón-bendakbaloed, adi, bemar nuekwaa sunmakmalagar. Degine, an bemarga sogoed, igi bemar ibmar imakmaloe.

Éxodo 4:15 Iomraidhean Croise

Isaías 51:16

Be-gwabindukugine, an-gayaburba an nasiksad. An-ganguedbali an be-anar gwisgusad. Ani an mogir-billi nasiksad, ani an napneg nasiksad. Degine, Sión-yalagi-bukmaladga an weyob sogsad: ‘Be an-dulamar guye.’ ”

Lucas 21:15

Ar ani an bega binsaed-nued ukoed igi be sogoe. Bela dulemar-begi-gwisgudimalad begi obinosurmalad, ar ade, geg be-abinsae gumaloed.

Deuteronomio 18:18

Agala, an, an-gayaburba-barsoged-beyobidi be-gwenadgan-abargi gwensak an ega barmidagoye. A-dulegala an-gayaburba an ega ukoye. A-dule, ar igi an ega sogoe, bela bemarga sogmogoye.

Números 23:16

Agine, Bab-Jehová Balaamʼse magarononikid. Ega gayaburba ukded. Ega weyob sogded: “Balac-gwichidse be nae, an bega-ibmar-sogsad ega be sogna.”

Números 23:12

Balaam, Balac-abin sogded: —Unnila Bab-Jehová-anga-ibmar-sogedbarbi an sunmakergebed.

Números 23:5

Bab-Jehová Balaamʼga gayaburba ukded, ega weyob sogded: —Balac-gwichidse be nae, an bega-ibmar-sogsad ega be sogna.

Jeremías 1:9

Geb agine, Bab-Jehová e-argan anse-oyoalid, geb an-gakuli ebusad. Agine weyob anga sogded: “Be-gwabindukugi an bega, an-gayaburbamargi-sunmakoed an nasiksad.

Isaías 59:21

”An bemarbo igar mesed, An-Burba bemargi maigu guoed. Be-gwabindukugine, an bega an-gayaburba-nasiksadi, bar begine alliosulid. Degi, be-mimmigangine, be-wagangine, bar an-gayaburba alliosulid, emi-ibadse degisadegu guoed.”

Mateo 28:20

An bemar-odurdaksadba bela eba nue-nanamaloye be amar-odurdako. Napira an bemarga soged, an emi bemarba we-napneg-berguedse, bane-bane an gudiguoed. Be itogua.

2 Samuel 14:3

Agi, geb Joab, Rey-Davidʼse ome-barmisad. A-iduale, omega sunmaknai gusad, igi Rey-Davidʼga sunmakdapoe.

Números 22:38

Balaam, Balac-abin sogded: —Emidi bato an bese nonikid. Degi-inigwele, an-ibmar-sogoedi, unnila Bab-Dummad-anga-ibmar-sogoedbi an bega sogoed.

Éxodo 4:12

”Degisoggu, be nae. Be sunmakder, ani an beba gudiguoed. Degine, be-ibmar-sogoed, ani an be-odurdakoed.”

1 Corintios 11:23

Bab-Jesús-sunnad igi an-odurdaksa, deyobi, an bemar-odurdaksamarmogad: Dummad-Jesús, darba-uklegoed-mutik madu susagusad.

Deuteronomio 5:31

Bedina, wegi an-walik be beoye. An bega bela Igarmar-Mamaid an bega ukoye, adi, a-Igarmargi be Israel-dulemar-odurdakoye. Adi, bemarga-yar-uklesokalidgi, a-Igarmar-Mamaid-sogedba be nanadii gumalagarye.’

1 Corintios 15:1

Gwenadgan, emigindi an bemarga Bab-Dummad-Gayaburba-Nuedgi-sunmakapid bemar ebinsamarsun. A-gayaburba-nued bemar abingasmalad, abali, amba bemar galakusuli nanadimalad.

Éxodo 3:12

Bab-Dummad Moisés-abin sogded: —Ani an beba gudiguoed. Wegi be dakoed, ani an be-barminaid: An-dulamar-Egipto-yargi-bukwad be onosale, bela bemala we-yargi be an-nug-odummobukwa gumaloed.

Éxodo 4:28

Geb degine, Moisés Aarónʼga bela ibmar sogsad, igi Bab-Jehová ega ibmar-sogoye sogsadba. Degine, ega sogsabalid, ibmar-gegerdaklemalad-imakega e-barmiarbarye.

Éxodo 4:30

Geb degine, Aarón bela Israel-girmar-dummaganga sogded, igi Bab-Jehová Moisésʼga sogsa. Deginbali, Moisés dulemar-asabin Bab-Jehová ega imakoye sogsadba ibmar-gegerdaklemalad imaksabalid.

Números 16:28

Agine, Moisés dulemarga sogded: —Wegine geb bemar wisguoed, bela-we-ibmarmar-imakega Bab-Jehová an-barmialid. Wargwen an-na-ibmar-imakbiedba an imaksasulid.

1 Samuel 16:3

Isaíʼse be golo ibmar-ogumakar-uklegoedse dagegar. Geb agine, an bega sogoed ibu be imakoe. An bega dule-oyogoed. A-dule, be anga reyga nug-imakoed.

Salmo 51:15

Bab-Dummadye, an be-nug odummogega, ibmar-biega be an-imake.

Jeremías 36:32

Geb degi, Jeremías garda-suid-bipirmakaled-baid amisad, geb garda-narmaked-Nerías-machi-Barucʼga uksad. Geb Baruc bela Jeremías-ega-ibmarmar-sogsad narmaksad. Garda-idualed Rey-Joacim-ogumaksadyobsaale, narmaklesad. De-ukinbali, napi ibmar-baigan bukidar emar-emarsaar narmaklesbalid.

Salmo 25:12

Bab-Jehová, dule-e-dobee-nanadiidga oyogoed, biti-igarba nanaoe.