Éxodo 4:13 - Kuna San Blas

¹³ Moisésʼdi sogdebalid: —¡Dummad, yeergangu-itole! An bega guosulid. Bese wilesakwaa an egise, bur be dule-baid barmide.

Éxodo 4:13 Iomraidhean Croise

Génesis 24:7

Bab-Dummad-Jehová-Nibneg-Dakmaidi an-bab-neggi an-onosad, degi, an-babgan-yalagi an-onosbalid. A anga sogsad: ‘Napira ise-sogar an bega sogye: Emi-be-maidgi we-yala an be-waganga ukoye.’ Degisoggu, a-Bab-Dummad e-baliwitur be-idu barmidoed, adi, weba an-machiga ome be sedagegar.

Génesis 41:35

Birga-nued-naguoedgi orosgi-dakleged-weemaloed bela danakwaa urbemaloed. Faraón, we-ibmar-urbilegoed, bee be dakoed, degine, neggwebur-dummagangi we-mas be sabogoed.

Génesis 48:16

Bab-Dummad-e-baliwitur bela bonigangi an-bendakdii gusad. A-baliwitur we-masmalagi ise-nued binsasun. We-masmalaba an-nug ebinsaledii gusun. Degine, Abraham-e-nug, degi, Isaac-e-nug ebinsaledii wemarba gumarsun. Wemala mimmigan-ichesuli nikumarsunno, degine, we-napneggi bemar dula-ichesur-mergu gumarsun.”

1 Reyes 19:4

Geb Elías nega-dulesulidganba ibagwen-dummad nanasad. Agine, sapi-senigwad-urba signonikid. Elías burgwebiedba weyob sogded: “Bab-Jehováʼye, an budar-itogusad, an-dadganba bur an ege gudiid. Degisoggu, be an-oburgwe.”

Éxodo 23:20

“Israel-dulemar, nue be itomalo. An-baliwitur bemar-iduega an barminaid, adi, igarba bemar-edarbenadapguega, degine, yar-guakwa-an-bemarga-nasiksadse bemar-sedegar.

Éxodo 4:1

Geb degi, Moisés Bab-Dummad-abin sogded: —Israel-dulemar an-itogosurmalad, an-bengumaloed. Anga bur sogdamaloed: ‘Bab-Jehová bese magarossuli.’

Éxodo 4:12

”Degisoggu, be nae. Be sunmakder, ani an beba gudiguoed. Degine, be-ibmar-sogoed, ani an be-odurdakoed.”

Éxodo 4:14

Geb degidgine, Bab-Jehová Moisésʼse uluded, ega sogded: —¿Ar ande Leví-wagwa-be-ia-Aarón, magar daksursi? ¿Ar a-dulede nued sunmaksursi? Deginbali, be-ia-Aarón be-abin nodagoed. Be-dakdagogua, Aarón ulubgi weligwar itogoed.

Jeremías 1:6

An weyob Bab-Jehová-abin sogded: “¡An duledar-wiles! Bab-Dummad-Jehová, amba an machi-swilid. An wissulid, igi an dulemar-abargi sunmakoe.”

Jeremías 20:9

An sogdibe: ‘Bar an begi binsaosurye, bar be-nuggi an sunmakosurye, aka bur bule be-gayaburba an-ulubgi soo-duurmaksiiyobi naddaed, an-galamarse-bakale, ebuged. Aisaar an-sunmaked na bargaye sogdaenad, degi-inigwele, gege an na bargaed.

Jonás 1:3

Ar Jonásʼdi Bab-Jehováʼba gwen ibsassulid. Bab-Jehováʼgi-wakinnegala aka Tarsis-neggweburse naedgi binsaali gusad. A-ular, Jope-neggweburgi urmar-naguedse nade gusad. Jopeʼse modapgua, Tarsis-neggweburse ur-nae-sognai dakdapid. Geb Jonás agi ur-bennuksad, eba naegar. Deyob Bab-Jehováʼgi dikasur-wakinnega Tarsis-neggweburse nadegusad.

Jonás 1:6

Agine, ur-seed Jonás-gabmaidse nonikid, geb ega sogded: —Ar bedi, ¿ibu be samai weyob be gabmaigu? ¡Gwisgue! ¡Be-Bab-Dummadse be gole! Ar abakale, be-Bab-Dummad wile anmar-dakalile, nabir anmar-bendakalile, adi, anmar burgosulid.

Mateo 13:41

Ar Dule-Machi na e-baliwiturmar-barmidagoed, e-negdakmaidgi dulemar-ibmar-ichodimalad, degi, ibmar-isgana-imakdimalad, soo-sailase-ogumaknaega, weenonikoed.

Juan 6:29

Jesús, abin-imakded: —Bab-Dummadga-ibmar-imaked wedo: Bab-Dummad-bemarga-dule-barmialidgi-bengusuli gued.

Jueces 2:1

Bab-Jehová-e-baliwitur Gilgal-neggwebur-akar nadegusad Boquim-neg-nugadse, adi, Israel-dulemarga gayaburba sogegar: “Ani an Egipto-yargi bemar-onisad, be-dadganga-yar-ukoye an ise-sogar-sogsadse, an bemar-senonikid. Deun, be-dadganga ise-sogar an sogsa gusad, bipisaale, an bemar-ebo-Igar-Mesisad bar an osulogosurye.