Éxodo 4:12 - Kuna San Blas

¹² ”Degisoggu, be nae. Be sunmakder, ani an beba gudiguoed. Degine, be-ibmar-sogoed, ani an be-odurdakoed.”

Éxodo 4:12 Iomraidhean Croise

Salmo 105:26

Agine, Bab-Dummad, e-mai-Moisés-susagusadi, Aarón-susagusadi, Egipto-yarse barmiargusad.

Salmo 143:10

Be-sogedba-ibmar-imakedgi be an-odurdake, ar be an-Bab-Dummadid. Be-Burba-nued neg-bonigan-satedba an-idue.

Salmo 32:9

Igi moli, degi, moli-uayasuid, ibmar-akusunna itodamala, deyob melle be dao. Ar wemardi, bese warmakmalaga, e-dukargi, dub-nasiklegergebed, e-gayagi, e-gaya-bargaed nasiklegergebed. Degisulile, bese warmakosurmalad.”

Éxodo 3:12

Bab-Dummad Moisés-abin sogded: —Ani an beba gudiguoed. Wegi be dakoed, ani an be-barminaid: An-dulamar-Egipto-yargi-bukwad be onosale, bela bemala we-yargi be an-nug-odummobukwa gumaloed.

Éxodo 4:13

Moisésʼdi sogdebalid: —¡Dummad, yeergangu-itole! An bega guosulid. Bese wilesakwaa an egise, bur be dule-baid barmide.

Éxodo 4:15

Aarónʼga bela be sogoed, igi sunmakoe. Bemar sunmakalile, ani an be-bendakoed, degine, ani an Aarón-bendakbaloed, adi, bemar nuekwaa sunmakmalagar. Degine, an bemarga sogoed, igi bemar ibmar imakmaloe.

Éxodo 4:16

Aarón be-anar dulemarga sunmakoed, Aarónʼde bega be-gwabinyob guoed. Deginbali, be, Aarónʼga Bab-Dummadyobiyob ega be gumogoed.

Isaías 49:2

Es-suid-swiswidikidyobi an-gayaburba imaksad. E-argan-yaurgine an-odukusad. Sigu-daarmakaledyob an-imaksad, e-sigumar-saboged-yaba an-odukusad.

Isaías 50:4

Bab-Jehová binsaed-ibegan-sunmaked-gwabinduku anga uksad, adi, dulemar-geggus-gudimalad-e-gwage gadi-gadi-imakegar. Bab-Dummad bane-bane wakudaryalabali an-odaked, ibmar-itogega an-imaked, adi, dule-ibmar-durdaknaidyobi an ibmar durdakegar.

Jeremías 1:9

Geb agine, Bab-Jehová e-argan anse-oyoalid, geb an-gakuli ebusad. Agine weyob anga sogded: “Be-gwabindukugi an bega, an-gayaburbamargi-sunmakoed an nasiksad.

Números 16:28

Agine, Moisés dulemarga sogded: —Wegine geb bemar wisguoed, bela-we-ibmarmar-imakega Bab-Jehová an-barmialid. Wargwen an-na-ibmar-imakbiedba an imaksasulid.

Marcos 13:11

”Ar bemar-gasmalale, degi, bemarga igar-itolealile, mer bukib binsamalo, ibu an sogodibeye. Unnila Bab-Dummad-bega-binsaed-ukoed be sogmaloed. Ar ade, bemar sunmakosulid, Bab-Dummad-Burba-Isligwaled bemar-ular sunmakoed.

Lucas 11:1

Ibagwengi Jesús neg-soggwengi Bab-Dummadse-gorsiid-bergusgu, e-sapin-wargwen ega sokalid: —Dummad, Bab-Dummadse-goledgi be anmar-odurdake. Igi Diigi-dule-oged-Juan e-sapingan-odurdaksamoga.

Juan 14:26

Bab an-nuggi Dule-Gwage-Armaked barmidagoed. A-dule, Bab-Dummad-Burba-Isligwaledid. A bela bemar-odurdaknonikoed, degine, bela-an-ibmar-sogsad gannar insaega bemar-imakoed.

Efesios 6:19

Degine, be anga Bab-Dummadse gormarmogo, adi, Bab-Dummad-Igargi an sunmakdele, Bab-Dummad anga an-ibmar-soged ukegar, degine, an dobsuli e-Gayaburba-dule-sunna-abonoged-epenne-dukuar-maigusadgi an sunmakegar.

Deuteronomio 18:18

Agala, an, an-gayaburba-barsoged-beyobidi be-gwenadgan-abargi gwensak an ega barmidagoye. A-dulegala an-gayaburba an ega ukoye. A-dule, ar igi an ega sogoe, bela bemarga sogmogoye.