Éxodo 39:6 - Kuna San Blas

⁶ Akwamar-óniceʼye-nugad-nue-sobsamaladi, or-birgi sismalad. Agine, wilub-nasikega-imakdamaladyob imaksamalad. Agi Israel-masmala-e-nug nasiksamalad.

Éxodo 39:6 Iomraidhean Croise

Job 28:16

We-napneggi amba or-Ofir-bukwadgi binsaed-nuegan gege bakleged. Amba akwa-nued-óniceʼye-nugadginbela gege bakleged, akwa-nued-zafiroʼye-nugadginbela gege baklebalid.

Éxodo 25:7

Akwamar-nuegan-óniceʼye-nugmalad, degi, akwa-nuegan-bamalad, mor-efodʼye-nugad-birgi nasikegar, degi, mor-binasgargi-nasiklegedgi nasikegar.

Éxodo 28:11

Dule-orgi-arbaedi we-nugmar we-akwamar-birgi narmakoed, igi wilub-nasikega imakdamala, deyob imakoed. We-akwamar-dikargi or be nasikoed, adi, akwamar agi galegegar.

Éxodo 28:12

We-akwamar-gwabogwad mor-efodʼye-nugad-gukinmargi be nasikoed. Weyob, Aarón, Israel-dadgan-warambe-gakabogwad-e-nug (12) an-asabin nai gudioed, adi, ani Bab-Jehová, an we-dulemar insaegar.

Éxodo 28:9

”Degine, akwa-óniceʼye-nugad gwabo be suoed. A-akwa-gwabogwadgi Israel-masmala-warambe-gakabogwad-e-nugmar (12) be narmakoed.

Éxodo 35:9

Akwa-nuegan-óniceʼye-nugmalad, akwa-nuegan mor-efodʼye-nugad-birgi nasikegar, degi, mor-binasgargi-nasiklegedgi nasikegarbar.’ ”

Éxodo 39:5

Mor-molidubga-gunaidi, mor-efodʼba-baka-mesa naid. We-mor-molidub amba deyob we-dubmargi imakarmogad: Ordubgi, nirbadub-aradgi, nirbadub-suir-akwagiidgi, nirbadub-ginnidgi, degine, linoʼdub-nuedgi imakaled. Igi Bab-Jehová Moisésʼga sogsagusa, deyob imaksamalad.

Ezequiel 28:13

Bab-Dummad-nainu-Edénʼye-nugadgi, be galagwensuli-akwamar uniryeerdaklemalad, a yeerdaklemalad-nai gudii gusanad: Akwa-Cornerinaʼye-nugad, akwa-Topacioʼye-nugad, akwa-arad-Jaspeʼye-nugad, akwa-Crisólitoʼye-nugad, akwa-Beriloʼye-nugad, akwa-Óniceʼye-nugad, akwa-Zafiroʼye-nugad, akwa-Carbuncloʼye-nugad, akwa-Esmeraldaʼye-nugad, degine, ormar. We-akwa-nuegan-nai be aibirdii gusanad. Be-dukargi-nagued, be-sakwagi-nagued, degi, be-uaduki-nagued bela orgi soblesadbiid. Be-obinnilesad-akale, we-ormar bega guagwar-dakles bukwa gusad.