Éxodo 36:1 - Kuna San Blas

¹ Moisés sogdebalid: “Degisoggu, Bezaleel, Aholiabʼbogwa, Bab-Jehová-sogsagusadba Bab-Dummadse-goled-neg-sunna-selegedgi ibmar-ebulemalad bela imakmaloed. Deginbali, bela dulemar, Bab-Jehová nue-wisi-ibmar-sobega-imaksamarmogadi, degi, ega baisursunna-ibmar-imakega-imaklesbalidi, Bab-Dummadse-goled-neg-sunna-seleged-sobega, wemar-ebogwadba arbamarmogoed.”

Éxodo 36:1 Iomraidhean Croise

1 Reyes 7:14

Hiramʼde, ome-ei-sui-burgwisad-e-machid. We-omede, dad-dummad-Neftalí-e-wagwad. Hiram-e-babdi, Tiro-neggweburginedinad. Hiram-e-babdi, esgoro-gordikid-sobed-dule gusad. Degisoggu, Hiram nue-ibmar-wisidid, ibmar-sobed-buledid. Hiram gurgin-nued nikad, esgoro-gordikid-sobedgi nergualed. Agi, Hiram Rey-Salomón-asabin nonigusad. Geb Salomón-ega-sogsadba bela ibmar-imaksad.

1 Crónicas 2:20

Hurʼdi, machi-nikusad, Uriʼye nugad. Uriʼdi, machi-Bezaleel-nikunonimogad.

1 Crónicas 28:21

”Degine, dule-irwa-Bab-Dummadse-gormalad, Levita-dulemar, wegi guakwa bukwamalad. Wemar, Bab-Dummadse-goled-neg-sobedgi arbamaloed. Wemar, be-bendakegala, bela ibmar-soblegedgi be-walik gudimaloed. Deginbali, dule-bela-ibmar-soblegedgi-nergumalad be-bendakmarbaloed. Girmar-dummagan, degi, bela dulemar, be-sogedba ibmar-imakdii gumaloed.”

Salmo 119:6

Bela Be-Igar-Islidik-Mesisadba an nanaele, an binge-itogosulid.

Éxodo 12:28

Agi, geb nadmalad. Igi Bab-Jehová Moisésʼga, degi, Aarónʼga igar-uksa, aba bela deyob imaksamalad.

Éxodo 25:8

Geb anga anse-goled-neg be sobmalo. ”A-abargine an gudii guoed.

Éxodo 28:3

Bela dulemar-mormaked-wisimaladbo be sunmako. We-dulemar Aarónʼga mor-makmalaga an ega gurgin-nuegan uksad. Deyobi, Aarón dule-irwa-anse-goledga an nug-imakegar.

Éxodo 31:11

Olivo-gwallu-magega-ebuleged, degi, ina-wawadikid Neg-Islidikidgi-ebuleged sobegarbar. Wemala, Bezaleel, degi, Aholiab-ebogwa bela sobmaloed. ”Ar igi bela an bega sogsa, deyob sogedba imakmaloed.”

Éxodo 36:2

Moisés, we-dulemarse gochad: Bezaleelʼse, Aholiabʼse, degi, bela dule-ibmar-nue-wisi baisursunna-ibmar-imakmaladse gochad. We-dulemar na e-itolegedba arbaega nonimalad.

Éxodo 38:23

Ahisamac-machi-Aholiab, Bezaleel-bendakega gusad. Aholiab, dad-dummad-Danʼgi danikidid. Aholiabʼde, esgorogi-ibmar-sobed-duled, nabir-ibmar-akar-akar-onogedbalid. Deginbali, nabir we-dubmargi ibmar-sobedbalid: Nirbadub-aradgi, nirbadub-suir-akwagiidgi, nirbadub-ginnidgi, degi, linoʼdub-nuedgi mor-yeerdakle sobedid.

Éxodo 39:1

Dule-irwa-Bab-Dummadse-gormalad-mormar nirbadub-aradgi, nirbadub-suir-akwagiidgi, nirbadub-ginnidgi, mor sobsamalad. We-mor-yoi, Bab-Dummadse-goled-negse dogdedamalad. Amba deyobi, Aarónʼga mor-islidikid imaksamarbalid. Igi Bab-Jehová, Moisésʼga sogsagusa, deyob imaksamalad.

Números 7:9

Moisés, Coat-wagangardi we-ibmarmar uksasulid, ar ade, wemala e-gukingi ibmarmar-Bab-Dummadgadga-gusadi, semamai gumaloed.

Mateo 28:20

An bemar-odurdaksadba bela eba nue-nanamaloye be amar-odurdako. Napira an bemarga soged, an emi bemarba we-napneg-berguedse, bane-bane an gudiguoed. Be itogua.

Lucas 1:6

Emide, ebobela, Bab-Dummad-asabin igar-innikigwadba damaladid. Bab-igar-uksadba, degine, Bab-Dummad-sogsadbali nanamalad-dulemalad. Agala, Bab-Dummad egi ibmar akarsoged sated.

Hebreos 8:2

We-dule, Bab-Dummad na ese-goled-neg-islidikid-sobsadgi, dule gwen a-neg-sobsasulidgi, arbaedid.