Éxodo 32:7 - Kuna San Blas

⁷ Geb degine, Bab-Jehová Moisésʼga sogded: —Be nae, be aidena. Ar be-dulemar, Egipto-yargi be onosadi, nue-isgudmalad.

Éxodo 32:7 Iomraidhean Croise

2 Crónicas 27:2

Jotam, Bab-Jehováʼga ibmar-nueganbi imakdii gusad, bela e-bab-Uzías-ibmar-imaksayobi, imaksamogad. Degi-inigwele, Jotamʼdi, Bab-Jehováʼse-goled-negyaba dogsasur gusad. Dulemardina, bur bule igar-isganaba nanabukwa gusad.

Salmo 78:36

Ar Israel-dulemar e-gayaginbi, e-gwabin-dukuginbi, gakansaar Bab-Dummad-nug-odummodii damalad,

Éxodo 19:24

Bab-Jehová Moisésʼga sogdebalid: —Be nae, be aidenae. Aarónʼga be sogna, beba yar-birse nakwedaye. Dule-irwa-anse-gormaladdi, degi, dulemar-baigandi, melle anse nakwedgi binsamaloye. Ar nakweye-sogmalale, anse sabsur-imaklemaloed, anse ogilolemaloed.

Éxodo 32:1

Israel-dulemar dakdegu, Moisés yar-birgi-gudiid gwen aidedasuli, Aarónʼse nade gusmalad. Ega sogdemalad: —¡Aarón! Be anmarga bab-dummagan sobe, adi, anmar-idu-nadap gumalagar. Ar Moisés-Egipto-yargi-anmar-onosad, anmar wissulid, wede igi-gusa.

Éxodo 32:11

Geb degine, Moisés e-Bab-Dummad-Jehová-urwed-bargaegala, ega sogded: —Bab-Jehová, ¿ar ibiga sae-itogedba be-dulamar be obelodagoe? ¿Ar na be Egipto-yargi be-gangued-dutusulidba onossursi?

Éxodo 32:4

Aarón bela we-ormar abingasad. Geb soogi or dusad. Binna-binna sobe-sobe imaksad, moli-bebe-nikad-sapingwagwadga obinnisad. Geb degine, bela sogdemalad: “¡Israel-dulemar! Wemar be-bab-dummagan-dake. Wemar, Egipto-yargi bemar-onosad-dake.”

Éxodo 33:1

Geb Bab-Jehová Moisésʼga sogded: “Emigindi, wegi be nae. Be Egipto-yargi-dulemar-onosadmala be nae. Abrahamʼga, Isaacʼga, degi, Jacobʼga an ise-sogar-sogsad, ‘we-yala an be-waganga ukedseye’, a-yarse be namala.

Isaías 1:4

”Dulemar-nue-isgus-bukwamalad, ¡ibitosmar! Dule-nue-isguedgi-bipirmaksa-bukwamalad, ¡ibitosmar! Dule-ibmar-isgana-imakmalad-e-wagan-bukwad, ¡ibitosmar! Dule-gwage-isgus-gudimalad-e-mimmigan-bukwad, ¡ibitosmar!” Ar bemar, ¡Bab-Jehováʼgi bangudmalad! ¡Israel-e-Bab-Dummad-Isligwaled isdar dakdemalad! ¡Gannar sorsik aibiridmalad!

Daniel 9:24

” ’Be-dulemar, degi, be-neggwebur-islidikid, isgued mer bar imakmalaga, igar-maidgi-gwisgudiid mer bar egi gwisguega, itoged-dulapaa-gakambe (70) nasiklesad. Degi, e-ibmar-isgana-imaksad Bab-Dummad ega eliega, igar-inniki-imakleged degisadegu mesmalaga, itoged-dulapaa-gakambe (70) nasiklesad. Negburgan-daklesad, degi, ibmar-yoedse-guoed-soglesadguega, degi, Bab-Dummadse-Goled-Bur-Neg-Islidikid swilidik-imakmalaga, itoged-dulapaa-gakambe (70) nasiklesad.

Oseas 9:9

Bemar Gabaaʼgi-dulemar-gusmaladyobi, nue bela-belad be isgudmalad. Ar Bab-Dummadi, be-isgued iegosulid, be-isguedba sabsur-bemar-odurdakoed.”

Deuteronomio 31:29

Ar an wisid, bemar an-burgwisad-sorbali, bela-bela be isgudmaloed. An-bemarga-Igar-uknaidgi be bangudmaloed. Degine, ar bemar Bab-Jehová-asabin ibmar-isgana-imakdemaloed-ular, bela bega ibmar isgudmaloed. Ar ade, bela-bela be isgudoed-ular, bemar Bab-Jehová-nue-ourwemaloed.”

Deuteronomio 32:5

”Israel-dulemar, be dule-isganamalad, Bab-Dummadgi be nue-dummad-yolesmalad, bemar bar e-mimmiganga gusurmalad, ar ade, bemar na dukin nug-oichosmalad.

Deuteronomio 4:16

abakale, bemar yogasaar ibmar-e-wilubgan sobbarmalale: Machergan-e-wilubgandibe, omegan-e-wilubgandibe,

Deuteronomio 9:12

Deunni, Bab-Jehová anga sogsad: ‘We-yargi-gudiid gwae be aidege. Ar be-dulemar, be Egipto-yargi-onosadi, nue isgudmalad. Igargan-an-ega-uksadgi bato bangudmalad. Ibmar-sobmalaga, aka or-dudemalad, adi, e-bab-dummadga imakmalagar.’

Deuteronomio 9:8

Bemar Horeb-yargi Bab-Jehová-oulusmalad. Agi, Bab-Jehová bemar-obelogegala, bela-bela bemargi ulud gusad.

Jueces 2:19

Ar dummagan-igar-naboged-burgwisale, Israel-dulemar e-babganba bur bule isguddamalad, aka dule-baigan-e-bab-dummaganse gotedamalad, degi, ega ibmar-imakdedamarbalid, degine, e-nug odummoddamarbalid. Degidbali, e-isgumaladgi gwen bangudasurmalad, gannar igar-isgana-imakdedamalad.