Éxodo 32:5 - Kuna San Blas

⁵ Aarón weyob dulemar-daksagu, moli-bebe-nikad-asabin ibmar-ogumakar-ukleged-aila sobsad. Geb binnasur sogded: “¡Oibosale, Bab-Jehováʼga iba-dummad anmar onomaloed!”

Éxodo 32:5 Iomraidhean Croise

1 Reyes 21:9

We-gardamargi weyob sognaid: “Mas-gunsulid-iba nasikmalo, degi, dulemar-asabin, gan-bipigi Nabot-simarbalo.

2 Reyes 10:20

Agi, Jehú sogded: “Baal-nug-odummogega dulemarse be gormar.” Degisoggu, deyob imaksamalad.

2 Reyes 16:11

Geb degi, dule-irwa-Bab-Jehováʼse-goled-Urías, Bab-Jehováʼga-ibmar-ogumakar-ukleged-aila sobsad. Igi Rey-Acaz, ega aila-e-dakleged-sobar Damascoʼgi barmiargusa, deyob sobsad. Urías, Rey-Acaz-danikoed-idu, bela aila ogusad.

2 Crónicas 30:5

Degi, bela Israelʼgi gayaburba-wisgumalaga, Beerseba-akale, Dan-neg-nugadse gayaburba barmilesad. Adi, dulemar Israel-e-Bab-Dummadga, Israel-dulemar-Oburgwilegoenad-Iba Jerusalén-neggweburgi onodagegar. Ar ade, dikasurgus igar-maidba we-iba onodisurmalad.

Éxodo 10:9

Moisés Faraón-abin sogded: —Anmarba-namaloedi, wemalad: Anmar-mimmiganmar, anmar-serganmar, anmar-machimala, anmar-bunamala, anmar-sibad-wawaadmar, degi, anmar-moli-bebe-nikadmar. Ar ade, anmar, anmar-Bab-Jehováʼga iba-dummad onogoed.

Éxodo 12:14

” ’We-iba bemar insaewilubmalad. Bemar we-iba, iba-dummad Bab-Jehováʼga onogewilubmalad. Bemar igar mesoed, adi, be-waganmar, we-iba igar-maidba degisadegu onodii gumalagar.

Éxodo 17:15

Agi, Moisés Bab-Jehováʼga-ibmar-ogumakar-ukleged-aila sobsad. A-aila, “Bab-Jehová an-banderye onugsasad.”

Éxodo 32:4

Aarón bela we-ormar abingasad. Geb soogi or dusad. Binna-binna sobe-sobe imaksad, moli-bebe-nikad-sapingwagwadga obinnisad. Geb degine, bela sogdemalad: “¡Israel-dulemar! Wemar be-bab-dummagan-dake. Wemar, Egipto-yargi bemar-onosad-dake.”

Éxodo 32:6

Oibosgu, wakudaryalaba dulemar ailagi ibdurgan-ogumakar uksamalad, degine, gwenatigwar-guegala, ibmar uksamarbalid. Geb mas gutemalad, gobdemalad. Bela galagwensuli wergudmalad.

Oseas 8:11

”Efraín-dulemar, na be-isgued-eliegala, bemar bab-dummadyob-imaklemaladga ibmar-ogumakar-ukleged-aila-bukidar sobsamalad. Ar wede, unnila isgued-ailaga be obinnismalad.

Oseas 8:14

Israel-dulemar, ani an bemar-obinyedid, degite, bemar an-iedmalad. Nega-dummagan-yeerdaklemalad be sobdemalad. Judá-dulemar, neggwebur-galu-matusurmalad omelodmalad. Degi-inigwele, bela bergumalaga, e-neggweburmargi, e-galu-matusurmaladgi, soo an odegoed.”

Levítico 23:2

“Israel-dulemarga be weyob sogo: ‘Bab-Jehová we-itoakwaa-ibamar-onoleged mesisad. Bemar Bab-Jehová-nug-odummogega, a-ibamar islidikid-onmakedye bimaloed. Bab-Jehová we-ibamar omesisad.’ ”

Levítico 23:21

” ’A-ibagi, bela bemar Bab-Jehová-nug-odummogega islidiki danar ambikunonimaloed. A-ibagi, bemar bipisaale arbaosurmalad. Be-wagan bia maimardibe, we-igar degisadegu ega maigu guoed.

Levítico 23:37

” ’We-ibamala Bab-Jehováʼga iba-itoakwaa-onolemaladid. A-ibagi, Bab-Jehová-e-nug-odummogega bemar islidiki danar ambikunonimaloed, adi, Bab-Jehováʼga we-ibmarmar-ogumakar ukegar: Ibdurgan-ogumakar-ukleged, ibmar-gwagmar-ukleged, ibmarmar-ukleged, degi, vino-ukleged. We-ibmarmar e-ibagan-uklegoed-maidba be ukmaloed.

Levítico 23:4

Bab-Jehová, Moisésʼga sogdebalid: “Israel-dulemarga be weyob sogo: ‘Bab-Jehová we-itoakwaa-ibamar-onoleged mesisad. Bemar Bab-Jehová-nug-odummogega we-itoakwaa-ibamar-onolegedgi islidikidgi onmaknonimaloed. An bemarga iba-mesnaid-sekalaagi, bemar na onmaknonimaloed:

1 Corintios 5:8

Degisoggu, anmar Oburgwilegoenad-Iba onomarsun. Anmar-isguedi madubur-ina-seredyobi gued. Degisoggu, madubur-ina-seredyob, binsaed-isganagi, degi, galagwensurdaedgi, iba onogosurmalad. Bemar madubur-inasulidyob, nued-binsaedgi, nue-napiragwadgi, be iba onomalo.

1 Samuel 14:35

A-sorbali, Saúl Bab-Jehováʼga ibmar-ogumakar-uklegegala aila sobsad. Saúl, we-aila, agi gebe sobsagusad.