Éxodo 32:4 - Kuna San Blas

⁴ Aarón bela we-ormar abingasad. Geb soogi or dusad. Binna-binna sobe-sobe imaksad, moli-bebe-nikad-sapingwagwadga obinnisad. Geb degine, bela sogdemalad: “¡Israel-dulemar! Wemar be-bab-dummagan-dake. Wemar, Egipto-yargi bemar-onosad-dake.”

Éxodo 32:4 Iomraidhean Croise

1 Reyes 12:28

Jeroboam ega-binsaed-ukmaladse idaksagua, moli-bebe-nikad-orbiid walabo sobsad. Agine, Israel-dulemarga sogded: “Israel-dulemar, Jerusalén-neggweburse bar bemar nanasulir, akarsulid. Ar bemar-bab-dummagan wegi gwichid. We-bab-dummadgan, Egipto-yargi-bemar-gudigu, bemar-onosmaladid.”

1 Reyes 12:32

Geb Jeroboam nii-walabaabakgine, ibambe-gakatargi, iba-itoakwaa-onoleged onosad. Igi Judá-dulemar iba-itoakwaa-onoleged onoardamala, deyob onosad. Jeroboam, ibmar-ogumakar-ukleged-ailagi ibmar-ogumakar uknai gualid. Betel-neggweburgi, deyob imaksabalid. Moli-bebe-nikad-orbiidgala ibmar-ogumakar-uknai gualid. Dule-irwa-e-bab-dummadse-gormalad aila-matusurmaladgi neg-bipimalad-sobsadgi-arbaega-onugsanai gusbalid.

2 Reyes 10:20

Agi, Jehú sogded: “Baal-nug-odummogega dulemarse be gormar.” Degisoggu, deyob imaksamalad.

2 Reyes 10:29

Degi-inigwele, Jehúʼdi, gwen isguedgi bangussulid, ar igi Nabat-machi-Jeroboam, Israel-dulemar-isguega-imaksagusa, deyob, Jehú isgudii gusmogad. Ar ade, Jehú, amba Betelʼgi, degi, Danʼgi moli-bebe-nikad-orbimalad-nug-odummodii gusad.

2 Crónicas 11:15

A-ulale, Jeroboam aila-matusulidgi niamarse golega, degi, moli-bebe-nikad-burwigana-sobaledse gollebaliga, na egad dule-bab-dummadse-gormalad nug-imaksad.

2 Crónicas 13:8

Rey-Abías sogdebalid: “Emidi, bemar binsaed: ‘Anmar ichesurgussoggu, degi, moli-bebe-nikad-orbiid nikabarsoggu, we-ibmar-bab-dummadga-imakleged Jeroboam-anmarga-sobsadi, sunna Bab-Jehová-yar-Davidʼga-uksadgi anmar-obinega imakoye.’

Nehemías 9:18

” ’Ar moli-bebe-nikad-sapingwagwad-orbiid na ega imaksagua, na sogsamalad: We, anmar-bab-dummad-dake, Egipto-yargi anmar-onosmalad-dake. Anmar-dadgan begi bela-bela yolesmargua, begi nue-dummad-nosmalad.

Éxodo 20:2

“Ani an be-Bab-Dummad-Jehová gued. Bemar Egipto-yargi maiga-wilebukmargu, ani an bemar-onosadid.

Éxodo 20:23

Melle bemar orgi-ibmar-sobaled, manigi-ibmar-sobaleddibe, be-bab-dummadga anyob be imakmalo.

Éxodo 20:4

Melle be ibmar-wilubgan sobmalo, nibneggi ibmar-nikad-wilubgandibe, napneggi ibmar-nikad-wilubgandibe, demargi ibmar-nikad-wilubgandibe.

Éxodo 28:11

Dule-orgi-arbaedi we-nugmar we-akwamar-birgi narmakoed, igi wilub-nasikega imakdamala, deyob imakoed. We-akwamar-dikargi or be nasikoed, adi, akwamar agi galegegar.

Éxodo 28:9

”Degine, akwa-óniceʼye-nugad gwabo be suoed. A-akwa-gwabogwadgi Israel-masmala-warambe-gakabogwad-e-nugmar (12) be narmakoed.

Éxodo 32:1

Israel-dulemar dakdegu, Moisés yar-birgi-gudiid gwen aidedasuli, Aarónʼse nade gusmalad. Ega sogdemalad: —¡Aarón! Be anmarga bab-dummagan sobe, adi, anmar-idu-nadap gumalagar. Ar Moisés-Egipto-yargi-anmar-onosad, anmar wissulid, wede igi-gusa.

Éxodo 32:24

Geb degine, an ega sogdesunnad: ‘Dule or-nikadi, anga sedamalo.’ Agi anga or uksamarsunnad. Geb soogi an ormar meted. Geb degine, we-moli-bebe-nikad-sapingwagwad noarsunnad.

Éxodo 32:3

Geb degine, bela dulemar uaya-dukugi olua-nanaid unnusmalad, geb bela Aarónʼse senonimalad.

Éxodo 32:35

Geb deyobi, Bab-Dummad-Jehová Aarón-moli-bebe-nikad-sapingwagwad-sobsad-ular, Israel-dulemargi boni-dummad barmialid.

Éxodo 32:5

Aarón weyob dulemar-daksagu, moli-bebe-nikad-asabin ibmar-ogumakar-ukleged-aila sobsad. Geb binnasur sogded: “¡Oibosale, Bab-Jehováʼga iba-dummad anmar onomaloed!”

Éxodo 32:7

Geb degine, Bab-Jehová Moisésʼga sogded: —Be nae, be aidena. Ar be-dulemar, Egipto-yargi be onosadi, nue-isgudmalad.

Éxodo 32:8

An-ega-Igar-uksadgi bato bangudmalad. Emide, or dusmalad, moli-bebe-nikad-sapingwagwadyob sobsamalad. A-molise Bab-Dummadyob ese gornanaid, Bab-Dummadyob ega ibmar-ogumakar uknanaid. Sogdemalad: ‘Israel-dulemar, we be-bab-dummagan-dake, we Egipto-yargi bemar-onosad-dake.’

Isaías 30:22

Degisoggu, be-ibmar-sobarmalad-bab-dummadyob-imaklemalad-manibiidi, be-ibmar-wilubgan-orbimaladi, bela ibmar-isedyob be metemaloed. Be sogdemaloed: “Wegi-bukwad be nae.”

Isaías 46:6

Ar dulemar gwenna-gwenna, binsa e-or sagumargi-bukwadi, obelodamalad, e-manidi, nibirgi wilubsadamalad. Geb dule-ibmar-sobed amidamalad, adi, bab-dummadyob-imakleged sobegar. A-bab-dummadyob-imakleged-nug-odummogega, e-asabinni yokorgi-sindigar sigdamalad.

Ezequiel 23:8

Egipto-yargi gambanuchu-imakdigusadi, Ahola gwen-indaksasulid. Yagwad-akale, bukidar macherganbo-megdii gusad. E-mam-gannarba-gannarbagwad e-ibe niagwale bele-bele imaksamalad. Aholaʼgine bela-bela nialesmalad.

Oseas 10:5

Samaria-dulemar, Bet-Avén-yargi moli-bebe-nikad-sapingwagwad-orbiid-e-nug-odummodiidga bukib-binsanonimaloed. E-dulemar, a-ulale, na wiles itononimaloed, e-dule-irwa-ese-gormaladmoga bukib ega binsadmarmogoed, ar ade, e-ibe dikasuli yar-baidse sedmaloed.

Oseas 13:2

Degi-inigwele, amba bur bule isguedgi nanabukmalad. Dulemar-ega-ibmar-sobmaladga sogdedamalad: “Be anga bab-dummagan-imaklegoyob-manibiid be sobye.” Geb a-dulemar na e-dakedba ega sobdamalad. Degi, bab-dummadyob-imaklemalad-e-wagar-uddamalad, degine, dule-ogumakar-ukleged ega ukdedamarbalid.

Gusmalad 17:29

”Ar anmar Bab-Dummad-mimmigan guedde, anmar binsaewilubsulid, Bab-Dummadi or-sobaled guye, mani-sobaled-guye, akwa-sobaled guye, deyob anmar binsaewilubsulid. Ar unnila we-ibmarmarde dulemar na ibmar-wisidba, e-binsaedba sobsamalad.

Gusmalad 7:41

”Degisoggu, moli-bebe-nikad-sapingwagwadgiid sobsamalad, a e-bab-dummadga na imaksamalad. Geb aga iba-dummad onosmalad, ega ibmar-durgan bukidar oburgwismalad, na dukin ibmar-sobsamaladgi wergunai gusmalad.

1 Corintios 10:7

Degine, melle be-dadgan-abar-gusmaladyob bab-dummaganga-imaklegedse be gormalo. Bab-Dummad-Gardagi weyob narmakar naid: “Dulemar ambikusmalad, orgi-moli-sobaledga mas guchamalad, degi, ega gobsamalad, geb a-sorba ega dodonanai gusmarbalid.” Éxodo 32:6

Deuteronomio 9:16

Geb bemar Bab-Dummad-Jehováʼgi dummad-nonanai an bemar-dakded. Bemar or-dusa an daknonikid. Geb a-orgi be-bab-dummadga-imakega moli-bebe-nikad-sapingwagwad be sobsamalad. Bab-Jehová-bega-igar-uksadgi, baisursunna bemar bangudmalad.

Jueces 8:24

Sogdebalid: —An bemarse ibmar-soggwen egisdo: Bemar Ismael-dulemar-ibe-oluamar-susad gwa-gwagwen be anga udamalo.

Jueces 8:27

Gedeón we-ormargi efod-sobsad. We-efod-orbiid e-neggwebur-Ofraʼgi ogwichisad. Geb bela Israel-dulemar we-efod-orbiid Bab-Dummadyob dakdemaladba isgudmalad. Amba deyob Gedeónʼga, degine, e-gwenadganga ibmar-isganaga gunonimogad.