Éxodo 32:22 - Kuna San Blas

²² Aarón Moisés-abin sogded: —Dummad, mer be anse urwe. Ar be wisid, we-dulemar unnila isguedginbi binsadidamalad.

Éxodo 32:22 Iomraidhean Croise

Deuteronomio 9:24

An bemar-dakdanikid-akale, bemar, Bab-Jehováʼgi yoledigumalad.

1 Samuel 15:24

Saúl magar na itosadba sogded: —Samuel, napira be soged. Bab-Jehováʼgi nue an nosad. Anga igar-uksadba an ibmar-imaksasulid. Be anga ibmar-sogsadba an ibmar-imaksasurbalid. Ar an-sordamar angi aibinbiguarmaladba an ibmar-imaksad.

Éxodo 16:20

Degi-inigwele, dulemar abala Moisés-sogedba imaksasurmalad, abar banedga sabosmalad. Banedga-sabosmaladi, ei nusbiin gusad, bela nunu-yapan oiboalid. Geb degine, Moisés amargi nue-sae-itoded, ese uluded.

Éxodo 15:24

Dulemar Moisésʼgi ichakwa sunmakarmalad, sognanai guarmalad: “¿Ar wede ibi anmar goboe?”

Éxodo 14:11

Geb Moisésʼga sogdemalad: —¿Ar wede Egipto-yargi neg-uande sursi? Emide, nega-dulesulidganba anmar-oburgwega weba be anmar-onosgu. Ar wede, ¿ibiga deyob be anmar-imaksa? Ar wede, ¿ibiga Egipto-yargi be anmar-onosa?

Proverbios 4:16

Dule-isganamar ibmar-isgana-imaksurmalale, geg gabdamalad, dule-oakalosurmalale, geg gabdamalad.

Salmo 36:4

Megidele, isgued-imakedginbi binsamegisdaed. Igar-nued-imakedgi gwen binsadasulid. Isguedgi bangugwelodeeye gwen binsadasulid.

Deuteronomio 31:27

Ar an bemar-wisid, bemar non-dutusurmaladid, bemar uayasurmaladid. Ar amba an emi bemar-abargi-gudiid-inigwele, degite, bemar Bab-Jehováʼgi yoledimalad. An-burgwisar-bule-sunna, bur bule bemar gudmaloed.

Deuteronomio 9:7

Moisés Israel-dulemarga sogdebalid: “Bemar ebinsamalo, melle iemalo, igi bemar nega-dulesulidganba be-Bab-Dummad-Jehová be oulusgusmala. Bemar Egipto-yargi-noalid-akale, emi-ibadse bemar-senonikidse, bemar, Bab-Jehováʼgi gwisgudanigumalad.

Éxodo 16:28

Geb degine, Bab-Jehová Moisésʼga sogded: “¿Ar wede sanagwadse an-igar-mamaidba, an bemarga-ibmar-sogedba be nanamaloye soge?

Génesis 44:18

Geb degine, Judá Joséʼse naded, ega sogded: —Dummad, bese wilesakwaa an egised, begarbi an sogbied. Dummad, ar be Faraón-sunnadyobmosoggu, mer be anse urwo.

Éxodo 32:21

Geb Moisés Aarónʼga sogded: —¿Igi we-dulemar be-imaksa? Emide be, we-dulemar dummad-isguega be imaksad.

1 Samuel 15:15

Saúl abin-sogded: —Sordamar Amalec-yargi we-ibdurgan searmalad. Be-Bab-Dummad-Jehováʼga-ukega sibad-wawaadmar-bur-nuegan, moli-bebe-nikad-omegan-bur-nuegan dula obesmalad. Ar bela ibmar-bamaladdi anmar obelosad.

1 Samuel 15:21

Ar sordamardi Amalec-dulemar-e-sibad-wawaad-nuegan, degi, e-moli-bebe-nikad-omegan-nuegan senonimalad, adi, Bab-Jehováʼga Gilgalʼgi ogumakar ukegar.

Éxodo 32:1

Israel-dulemar dakdegu, Moisés yar-birgi-gudiid gwen aidedasuli, Aarónʼse nade gusmalad. Ega sogdemalad: —¡Aarón! Be anmarga bab-dummagan sobe, adi, anmar-idu-nadap gumalagar. Ar Moisés-Egipto-yargi-anmar-onosad, anmar wissulid, wede igi-gusa.