Éxodo 32:12 - Kuna San Blas

¹² Ar ibiga Egipto-dulemar-weyob-sogega be imakoe: ‘Emide be dake, Bab-Dummad Egipto-yargi we-dulemar-onosad, yala-imbaba-oburgwega onosad. Bela we-napneggi-obelogega onosad.’ Melle be sae-itoge. Melle we-dulemar-obelogedgi binsae.

Éxodo 32:12 Iomraidhean Croise

Génesis 6:6

Degisoggu, Bab-Jehová ulubgi nue bukib-binsaedba, sogded: “Dulemar an we-napneggi urbissulina, bur nabirinad.”

1 Reyes 8:51

Ade, Israel-dulemar be-dulamar-gued, na begadid. Ar ade, be, Israel-dulemar-soo-dummad-abargi-bukwayob, Egipto-yargi-bukwa be onosad.

Esdras 10:14

”Degisoggu, anmar sogsundo, dule e-neggweburga-dummadga-gudimalad, e-sordagan-ular, wegi beoye, adi, amar-ular sunmakegar. Geb dulemar-omegan-Israel-dulesulid-nikusmalad iba-sogedba nonimaloed. Wemar dule-dummagan-abargi, dule-igar-nabiromalad-abargi, degi, e-neggwebur-e-neggwebur-iliba wese nonimaloed. Adi, Bab-Dummad anmar egi-isgusad-ular anmarse-urwemaidi, melle bar anmarse urwegar.”

Salmo 106:45

e-dulamarbo-igar-mesisad ebinsaded. Sabbarsoggua, wile dakded.

Salmo 74:18

Bab-Jehová, nue be ebinsao: Be-isdarad begi ulusad. Dule-galagwensurdamalad be-nug isdar-daksamalad.

Salmo 78:38

Degi-inigwele, Bab-Dummaddi wemar-wiledaksad, e-isgusad ega elisad, wemar-obelossurgusad. Bab-Dummad, gannar-gannar na e-urwed-barganai gusad, e-urwedba ibmar-imaknai gussulid.

Salmo 85:3

Bab-Jehová, be-sae-itoged bela be osulosad, be-urwed na be bargasad.

Salmo 90:13

Bab-Jehová, gwae be anmarse dage. Ar anmar be-dulamar gued. ¡Be-maimar be wile dake!

Éxodo 32:14

Geb degine, Bab-Dummad e-dulemar-obelogoye-sogsagusadi, emisgi sogdesunnad, bar obelogosurye.

Éxodo 33:13

Ar degite, begi-nueddae be an-dakedde, emigindi, an bese wilesakwaa egissundo, be-ibmar-abeged be anga oyodo. Adi, an begi mer benguegar, nued be an-dakegar. Be insao, we-dulemar be-dula gumalad.

Isaías 64:7

Dule-wargwensaale, be-nug obarsulid, begi-bendakleged-amiegala gwen gandik-imaksurmarbalid. A-ulale, be-wagar be anmar-idu odukusad, degi, anmar-isguedba-berguega be anmar-imaksad.

Isaías 64:8

Degi-inigwele, Bab-Jehová, bee be anmar-Babad. Anmar napsa gumalad. Bedi napsa-sobedga gued, bela be anmar-obinnisad.

Jeremías 28:16

A-ulale, Bab-Jehová weyob soged: ‘Be we-napaneggi an be-osulogoed. Ar be angi-gwisguar dulemarga sunmaksad, degisoggu, we-birgagi be burgoed.’

Ezequiel 20:14

Degi-inigwele, an-nug-dummarba-guedi melle isguega, an sabsur-odurdaksasulid. Degiile, dulemar-yar-baid-baidginmaladi, an-nug oichogo itole. Ar we-dulemala, Egipto-yargi Israel-dulemar-onosad an-daksamalad.

Ezequiel 20:22

Ar degi-inigwele, an-nug-dummarba-gued-ular, an weyob imaksasulid, adi, dulemar-yar-baid-baidgi-bukwamalad mer an-nug oichomalaga, ar wemar, an Egipto-yargi Israel-dulemar-onosad an-daksamalad.

Ezequiel 20:9

Degi-inigwele, an-nug-dummarba-gued melle isguega, an sabsur-odurdaksasulid. Degiile, Israel-dulemar dulemar-bamalad-abargi-gudiidgi, an-nug oicholegodole. A-ulale, an Israel-dulemar obelossulid. Ar we-dulemar-bamaladi daksamalad, igi an Israel-dulemar Egipto-yargi-noega imaksa.

Joel 2:17

Bab-Dummad-neg-yawagak-siid, degi, ibmar-ukleged-aila-siid, amar-imbagi, dule-irwa-Babse-gormalad Bab-Jehováʼga-arbamaladi, be bomala. Weyob sognanai be gumala: “Bab-Jehováʼye, be wile be-dulamar dake. Mer be-dulamar-nug-oichogega be imake, mer dulemar-yar-baid-baidgi-bukmalad be-dulamargi dodogega be imake. Ibiga dulemar-yar-baid-baidgi-bukmalad sogmaloe: ‘¿Ar bia e-Bab-Dummad nadsunna?’ ”

Amós 7:3

Degidgine, Bab-Jehová wiledakde, sogded: —Degir nabir, an deyob neg imakosulid.

Amós 7:6

Degidgine, Bab-Jehová wiledakde, sogded: —Degir nabir, an deyob neg imakosulid.

Jonás 3:9

Abakale, Bab-Dummad, wile anmar-dakalile. Bela-bela sabsur-anmar-odurdaksokalidgi, bar sabsur-anmar-odurdakarsulile, adi, melle anmar burgwemalagar.”

Zacarías 8:14

Ar Bab-Jehová-Bela-Gangued-Nikad weyob soged: “Ar be-dadgan an-oulus-gusmargua, bar an wiledaksuli obelogedgi an binsasgusad. Ani Bab-Jehová-Bela-Gangued-Nikad deyob soged.

Números 14:19

Ar be-sabgued dummarbasoggu, wilesakwaa an bese egised, we-dulemar-begi-nosad-e-isgued ega be elie. Ar igi Egipto-akar we-Israel-dulemar-begi-nosale, be, ies-imakdanidae, deyob be imake.”

Números 16:21

—¡Bemar, we-dulemar-abargi be bangumar! Emiskwaa bela we-dulemar an obelogoed.

Deuteronomio 13:17

”We-ibmar-obelolegega-ukabsalesad bipisaale be suosulid. Deyobi, be-Bab-Dummad-Jehová bar urwosulid. Geb degine, Bab-Jehová bemar-dadganga ise-sogar-sogsayobi, nue bemar-sabguoed, nue-wile bemar-dakoed, degine, gatik bemar-omelomai imakoed.

Deuteronomio 32:36

”Ar Bab-Jehová e-dulemar-gargangued-sate-dakalir, bendaknonikoed. Bab-Jehová maimar-bergus-dakalir, degine, dule-maiga-gudisurmalad-bergus-dakalir, Bab-Jehová e-dulemar-wile dakdoed.

Deuteronomio 9:28

Adi, melle anmar-onolesgusad-yargi, dulemar weyob sogmalagar: Ar Bab-Jehová ega yar-ukoye-sogsadse, a-dulemar-odossur gusye. Ar Bab-Jehová a-dulemar-sae-daksoggu, a-ular, Egipto-yargi onosye, adi, nega-dulesulidganba amar-oburgwegarye.

Josué 7:26

Geb Acán-birgine akwamar-ichesuli urbismalad. Emi we-garda narmaklenaidse, amba deyobi akwamar ichesuli bukwad. A-ulale, a-negde Acor-nebaye nugad. Weyobi Bab-Jehová na e-urwed bogi imaksad.

Josué 7:9

Canaán-dulemar wisgudamaloed, degidbali, anmargi bila-onodamalagala dulemar-a-yargi-bukmaladse gormaloed. Geb bela anmar-ebiris bukunonimaloed, bela anmar-ogilomaloed. Be-nug-dummarba-gued-ulale, ¿ibu be imakosunna?

1 Samuel 12:22

Bab-Jehová na e-nug-dummad-gued mer isguegala, isdar e-dulemar-dakosulid. Ar Bab-Jehová na yeer-itogedba e-dulemarga bemar-susad.