Éxodo 32:11 - Kuna San Blas

¹¹ Geb degine, Moisés e-Bab-Dummad-Jehová-urwed-bargaegala, ega sogded: —Bab-Jehová, ¿ar ibiga sae-itogedba be-dulamar be obelodagoe? ¿Ar na be Egipto-yargi be-gangued-dutusulidba onossursi?

Éxodo 32:11 Iomraidhean Croise

Génesis 18:27

Ar Abrahamʼdi gannar Bab-Jehováʼga sogdebalid: —Dummad, bese nue-wilesakwaa an egised, ar bedi Dummadid, andi dule-binsaledid.

1 Reyes 8:51

Ade, Israel-dulemar be-dulamar-gued, na begadid. Ar ade, be, Israel-dulemar-soo-dummad-abargi-bukwayob, Egipto-yargi-bukwa be onosad.

Nehemías 1:10

”Bab-Jehová, anmar be-maiganad, degi, be-dulamarbalid, ar bela-bela be-ganguedba be anmar-abonosad.

Salmo 106:23

Ar Bab-Dummad Israel-dulemar-oburgwedgi binsasanad. Degi-inigwele, Moisés, Bab-Dummadgadga-nug-imaklesadi, wemar-irwa Bab-Dummad-asabin gwisgusad. Agala, Moisés wis Bab-Dummad-barganonikid, adi, Israel-dulemar, mer Bab-Dummadse ibitomalagar.

Éxodo 32:7

Geb degine, Bab-Jehová Moisésʼga sogded: —Be nae, be aidena. Ar be-dulemar, Egipto-yargi be onosadi, nue-isgudmalad.

Éxodo 6:6

“Degisoggu, Israel-dulemarga be sogna: ‘Ani, an Bab-Jehová gued. Egipto-dulemar-maiga be gubukmaladgi, sabsur be-imakdimaladgi an bemar-onogoed. An-gangued-nikadba an Egipto-dulemar sabsur-odurdakoed. Aba an be-bendakoed.

Éxodo 8:8

Geb degine, Faraón, Moisésʼbina, Aarónʼbina gochad, amarga sogded: —Bab-Jehováʼga be soge, anga, degi, an-sordamarga ammanoo osuloye. Geb degine, be-dulemar naega an imakoed, adi, Bab-Jehováʼga ibmar-ogumakar uknamalagar.

Isaías 63:17

Bab-Jehová, ¿ibiga be-igargi banguega be anmar-imake? Bab-Jehová, ¿ibiga be, mer be-dobgumalaga, anmar-gwage-dutusur imake? Be-maigan-sabed-ulale, be gannar dage. Be-dulamar-danar-danar-bukwad-sabed-ulale, be gannar dage.

Jeremías 15:1

Bab-Jehová anga sogsad: “Amba Moisés anse danidibe, Samuelʼdibe, Judá-dulemar-ular-sunmakega, amba an Judá-dulemar bendaksasuliled. ¡Judá-dulemar, angi be obane! Ega be soge, ‘¡be namarye!’

Lamentaciones 2:20

“Bab-Jehováʼye, be dake, nue be itogena: ¿Doa-dule be weyob imaksagusa? ¿Ar omegan na e-mimmigan gunmarsunnode? ¿Na e-mimmigan-egi-danimalad gunmarsunnode? Bab-Jehováʼse-goled-neggi, ¿ar dule-irwa-Bab-Dummadse-gormalad oburgwilemalode? ¿Ar Bab-Dummad-gayaburba-barsogmalad oburgwilemalode?

Ezequiel 20:9

Degi-inigwele, an-nug-dummarba-gued melle isguega, an sabsur-odurdaksasulid. Degiile, Israel-dulemar dulemar-bamalad-abargi-gudiidgi, an-nug oicholegodole. A-ulale, an Israel-dulemar obelossulid. Ar we-dulemar-bamaladi daksamalad, igi an Israel-dulemar Egipto-yargi-noega imaksa.

Daniel 9:15

” ’Anmar-Bab-Dummad, deun be-dulamar be Egipto-yargi onosgusgu, be-gangued be oyosgusad. Deyobi, a-iba-akale, emi-ibase be-nug dummarbaa gunonikid. Anmardi isgusad, degi, ibmar-isgana imaksad.

Joel 2:17

Bab-Dummad-neg-yawagak-siid, degi, ibmar-ukleged-aila-siid, amar-imbagi, dule-irwa-Babse-gormalad Bab-Jehováʼga-arbamaladi, be bomala. Weyob sognanai be gumala: “Bab-Jehováʼye, be wile be-dulamar dake. Mer be-dulamar-nug-oichogega be imake, mer dulemar-yar-baid-baidgi-bukmalad be-dulamargi dodogega be imake. Ibiga dulemar-yar-baid-baidgi-bukmalad sogmaloe: ‘¿Ar bia e-Bab-Dummad nadsunna?’ ”

Números 11:11

Agi, Moisés, Bab-Jehováʼga sogded: —Ande be-maid, degite, ¿ibiga be angi ichakwaa binsae? ¿Ibiga be bar an-bendaksuli? Emide, bela we-dulemar-niega be an-imaksad. Ar ade, we-dulemar-seleged dutusulid.

Números 14:13

Ar Moisésʼdi Bab-Jehováʼga sogded: “Bab-Jehová mer deyob be imake. Ar Israel-dulemar be obelogele, Egipto-dulemar be-wisgumaloed. Geb Egipto-dulemar Canaán-yargi-bukmaladga sogoed. Ar Canaán-dulemar bato wismalad bede Egipto-dulemar-abargine, we-Israel-dulemar be-gangued-nikadba be onosad.

Números 16:22

Moisés Aarón-ebogwa na e-wagar napase dulluu imakdemalad, geb sogdemalad: —Bab-Dummad, ar bee be, bela dulemarga san-burba-dulad-ukmaid. ¿Unnila dule-wargwenbi begi isgusad-ular, bela dulemar sabsur be odurdakode? Sulirgebed.

Números 21:7

Geb degine, Israel-dulemar Moisésʼse nadegusmalad, ega sogdapmalad: “Anmar begi, degi, Bab-Jehováʼgi sunmaksad-ular, anmar nue-isgusmalad. Bab-Jehováʼse wilesakwaa be egise, we-naibemar anmarga osuloye.” Moisés Bab-Jehováʼse dulemar-ular goted,

Números 27:4

¿Anmar-bab machimala-nikusulidba e-gwenadgan-abargi e-nugde elilegode? Adi sulirgebed. Ar anmar e-sisgan gued. Degisoggu, wis anmar-gilormarba be anmarga nainumar udabi an abemodo.”

1 Samuel 15:11

“An Saúl reyga-mesissulina bur nabirinad, ar ade, angi aibachad. An ega ibmar-sogsadba gwen ibsassulid.” Samuel, Saúlʼba bela-bela bukib-binsadedba Bab-Jehováʼse-gorsii oibosad.