Éxodo 32:1 - Kuna San Blas

¹ Israel-dulemar dakdegu, Moisés yar-birgi-gudiid gwen aidedasuli, Aarónʼse nade gusmalad. Ega sogdemalad: —¡Aarón! Be anmarga bab-dummagan sobe, adi, anmar-idu-nadap gumalagar. Ar Moisés-Egipto-yargi-anmar-onosad, anmar wissulid, wede igi-gusa.

Éxodo 32:1 Iomraidhean Croise

Génesis 19:14

Geb degine, Lot e-sapinganga-gumaloed daknaded. Amarga sogdapid: —¡Gwisgumar, be nomar, ar ade, Bab-Jehová we-neggwebur obelosokalid! Ar e-sapingandi Lot-ega-ibmar-soged baisur-itosmalad.

Génesis 21:26

Abimelec Abraham-abin sogded: —An wissulid wede doa deyob imaksa. Ar bede anga sogsasulid. Ar emi geb an itogwichid.

Génesis 39:8

Joséʼdi yapa gusad. José, ome-abin sogded: —An-dummad bela-ibmar-nikad ega-dakega an-nug-imaksad. Emigi, an-wegi-gudiidgi an-dummad bar gwen dogdar ibmargi bukib binsadisulid.

Génesis 44:15

Ar Joséʼdi amarga sogded: —¿Ar igi be anga gudmala? ¿Ar bemar wissurmarsi, dule-anyobidi Bab-Dummadse-idakedba sunna ibmar wisgued?

Génesis 44:4

José-e-gwenadgan neggweburgi amba itakasaar-nadapidgine, José ega-neg-akwedga sogded: “We-machergan-naded be bareginna. Be bargasale, ega be sogo: ‘¿Ibiga dule-ibmar-nued-bega-imaksadgi be isdar binsasmala? ¿Ibiga be e-mani-nog atursasmala?

Salmo 106:19

Anmar-dadgan, Horeb-yargi, moli-bebe-nikad-sapingwagwad e-bab-dummadga-imakegala, sobsagusmalad. Bormo-sobaled-asabin dulluu imaknanai gusmalad.

Éxodo 13:21

Ibgine, Bab-Jehová mogir-bubawaryob-gwichidba Israel-dulemar-idu-nadap gusad, adi, ega igar-oyonadap guegar. Mutikdina, soo-bubawaryob-gwichid-gwabunyemaidba idu-nadap gusad, adi, ega neg-mee saegar. Aga, nabir sunna ibginedba, degine, mutikidba, Israel-dulemar nadap gusmalad.

Éxodo 14:11

Geb Moisésʼga sogdemalad: —¿Ar wede Egipto-yargi neg-uande sursi? Emide, nega-dulesulidganba anmar-oburgwega weba be anmar-onosgu. Ar wede, ¿ibiga deyob be anmar-imaksa? Ar wede, ¿ibiga Egipto-yargi be anmar-onosa?

Éxodo 16:3

Israel-dulemar sogdemalad: “Ar Bab-Jehová Egipto-yargi anmar-oburgwismalana bur nabirinad. Webardi, anmar bormo-ebiris bormo san-ena, nue-immelegedse mas-gundaenad. Ar emidi, bemar we-nega-dulesulidganse bela ukudba-anmar-oburgwega be anmar-nialid.”

Éxodo 20:23

Melle bemar orgi-ibmar-sobaled, manigi-ibmar-sobaleddibe, be-bab-dummadga anyob be imakmalo.

Éxodo 24:12

Geb degine, Bab-Jehová Moisésʼga sogded: “Yar-birse anse be naknao, agi be an-edarbo. Agi an-Igarmar, degi, anba-bemar-nanamaloed-Igar an bega akwa-matargwagi-narmakar ukoed, adi, a-Igarmargi be dulemar-odurdakegar.”

Éxodo 24:18

Moisés mogir-imbaba dogded, yar-birse nakwided. Moisés yar-birgi iba-dulabo (40) ibginedba, degi, mutikidba gudii gusad.

Éxodo 32:11

Geb degine, Moisés e-Bab-Dummad-Jehová-urwed-bargaegala, ega sogded: —Bab-Jehová, ¿ar ibiga sae-itogedba be-dulamar be obelodagoe? ¿Ar na be Egipto-yargi be-gangued-dutusulidba onossursi?

Éxodo 32:22

Aarón Moisés-abin sogded: —Dummad, mer be anse urwe. Ar be wisid, we-dulemar unnila isguedginbi binsadidamalad.

Éxodo 32:23

Ar we-dulemar anga sokarmalad: ‘Anmar-idu-nadap-guegala anmarga bab-dummagan be sobye. Ar ade, anmar wissuliddeeye, we-dule-Moisés Egipto-yargi-anmar-onosadi, igi-gusdibeye.’

Éxodo 32:7

Geb degine, Bab-Jehová Moisésʼga sogded: —Be nae, be aidena. Ar be-dulemar, Egipto-yargi be onosadi, nue-isgudmalad.

Éxodo 33:3

”Yar-gadi-ibmar-sanmakedse, napa-nuedse, be nao. Andi an bemarba barnaosulid. Ar bemardi uaya-gwen-niksurmaladsoggu, abakalegi igarba an bemar-obeloalile.”

Ezequiel 20:8

”Ar we-Israel-dulemar uayasuli gusmalad. An-sogedba ibmar imaksasurmalad. Ar wargwensaale, na e-bab-dummadyob-ibmar-imaklemalad gwen missurmalad, deginbali, Egipto-e-bab-dummadyob-ibmar-imakleged-imadaklemalad gwen iessurmarbalid. A-ulale, Egipto-yargi-bukwamargu, an bela-bela sae-itogedba sabsur-odurdaksokalinad.

Oseas 12:13

Bab-Jehováʼdi, Egipto-yargi Israel-dulemar-onogegala, degi, amar-akwebaligala, dule-e-gayaburba-barsoged ebusgusad,

Miqueas 6:4

Ar ani an Egipto-yalagi bemar-onosadid, maigagudiid-yalagi an bemar-ollor-imaksadid. Ani an bemarga Moisés, Aarón, María, barmisgusadid, adi, amar bemar-idumalagar.

Números 14:22

an bega soged: ‘We-dulemar Egiptoʼgi, degi, nega-dulesulidgangi an-ibmar-imaksad-daksamaladi, degine, an-gangued-yeerdakleged daksamarbalidi, bipisaale wargwensaale yar-an-ega-ukoye-sogsad dakosurmalad. Amar bali-bali nega-dulesulidganba an-wilubdakdani gusmalad, an-sogedba ibmar imaksasurmalad.

Mateo 24:43

Ar wedi be nue wismalad, ar dule-neg-ibed wisina igi-wachigi dule-ibmar-atursaed danikoe, dule-neg-ibed edarbisaled. Ar ei-ibmar-atursaega imaksasuliled.

Mateo 24:48

Jesús sogdebalid: “Ar mai-isganadi, na e-gwagegi binsaded: ‘An-dummad amba yoggumaid.’

Gusmalad 17:29

”Ar anmar Bab-Dummad-mimmigan guedde, anmar binsaewilubsulid, Bab-Dummadi or-sobaled guye, mani-sobaled-guye, akwa-sobaled guye, deyob anmar binsaewilubsulid. Ar unnila we-ibmarmarde dulemar na ibmar-wisidba, e-binsaedba sobsamalad.

Gusmalad 19:26

Ar emide, we-Pablo dulemar-binsaed-gadiid be dakdimalad, degi, be nue itodimarbalid. Unnila Éfesoʼginbisulid, bela Asia-yalaganba dulemar-binsaed-gadiid. Wede sogdiid: ‘Dulemar-yamo-e-argangi-ibmar-sobmaladi, Bab-Dummadsurye.’

Gusmalad 7:40

Aga Aarónʼga sogdemalad: ‘¡Aarón! Be anmarga bab-dummagan sobe, adi, anmar-idu-nadap gumalagar. Ar Moisés-Egipto-yargi-anmar-onosad, anmar wissulid, wede igi-gusa.’ Éxodo 32:1

Deuteronomio 31:8

Bab-Jehová-sunnad be-idunadapi guoed, beba gudigu guoed, walagwen be-metosulid, begi banguosulid. Degisoggu, melle be dobguo, melle be galakuo.”

Deuteronomio 9:1

Moisés Israel-dulemarga sogdebalid: “Israel-dulemar, nue itomar: Emi-ibagi, bemar-idu-neggweburmar-bukwad-sumalagala, bemar, Jordán-diwar obakesokalid. A-yargi, dulemar bur-bemarba ichesur-bukwad, bemarba bur dutusurmalad. E-neggweburmar dummagan nanaed, e-galu-matusulid-mamaid nibnegse-warmaknanaid.

Deuteronomio 9:9

”Bab-Jehová-bemar-ebo-Igar-Mesisadi, akwa-matabogwadgi-narmakar-naid-abingaega, an Horeb-yar-birse nakwisgusad. Deunni, iba-dulabo-wilub (40), bane-bane, degi, mutik-mutik, mas-gunsuli an yar-birgi gudii gusad, dii-gobsuli an gudii gusbalid.

Josué 7:13

¡Josué, be gwisgue! ¡Israel-dulemar-swilidik be imake! Ega be sognae: ‘Banedse an-asabin-bukunonimaloed-iduale, na be gwage-swilidik imakmarye. Ani an Israel-e-Bab-Dummad-Jehová soged: Israel-dulemar, bemar-abargine ibmar-obelolegoye-soglesad selediid. Ar we-ibmar-obelolegoye-soglesad bemar-abargi be osulosurmalale, bemar be-isdarmaladgi be nakosurmalad.’

2 Pedro 3:4

Amar Bab-Dummad-Igargi-dodogar weyob sogdamaloed: “Wede Bab-Jesús we-napnegse-gannar-danikoye-soglesadde, ¿igi gudsunna? Ar anmar-dadgan-burgwisad-akar, gebesaila-napneg-nagusadyob amba gannar napneg naid, amba yoo napneg gwen-gwage naid.”