Éxodo 3:9 - Kuna San Blas

⁹ ”Israel-dulemar nunmak-itodimaladba bobukwad an itosad. Degine, an daksabalid, Egipto-dulemala dogdar sabsur-Israel-dulemar imakbukwad.

Éxodo 3:9 Iomraidhean Croise

Génesis 16:11

Bab-Jehová-baliwitur sogdebalid: “Be bonigwar-gudiidi, susugwa be nikuoed. Bab-Jehová be-wilediid itossoggu, we-machigwa Ismaelʼye be onugsaoed.

Génesis 31:12

Geb degine, Bab-Dummad-e-baliwitur anga sokalid: ‘Nue be dako. Be dakena, sibad-machergan omegi-nakwenanaid bela bara-bara-nanaed, gutu-gutu-nanaed, degine, mata-mata-nanaed. Ar ade, an bela wisid, igi Labán be-imakdii.

2 Reyes 13:4

Degi-inigwele, Joacaz, Israel-dulemar bendakega bela-belad Bab-Jehováʼse gochad. Degidbali, Bab-Jehová, Joacaz-ese-goled itosad, ar ade daksad, igi Israel-dulemar Siria-dulemar-e-reyse wilebukwa.

2 Reyes 20:5

“Ezequías an-neggwebur-e-dummadga-negsemaidse, gannar be nae, ega be sogo: Bab-Jehová be-dad-dummad-David-e-Bab-Dummad weyob sogye: Anse be gochadi, bela an be-itosad, degi, be-ibyanis-ariosad an daksad. Degisoggu, an be-ogwisguoed. Ibapaasega Bab-Jehováʼse-goled-negse be nao.

Nehemías 9:9

” ’Anmar-dadgan-Egipto-yargi-wilebukwa-gusadi, be daksad. Demar-Ginnidye-nugad-gakaba bese binnasur gotemargu, be itosad.

Salmo 12:5

Emide, Bab-Jehová, bede soged: “Dule-e-bendaked-satemalad mesagwar-imaklediid-ular, an gwisguoye. Dule ibmar-sate-gudimaladba bela-belad-bodimalad, an bendakoye.”

Salmo 9:14

adi, Jerusalén-neggwebur-dogedgi, dulemarga an be-nug-odummogega, degine, be an-bendakedgi an weligwar-itogegar.

Éxodo 1:11

A-ulale, Egipto-dulemar dummagan-onugsasmalad, adi, Israel-dulemar arbaed-dutusulidgi oarbamalagar. Egipto-dulemala Faraónʼga-mas-sabogega neggweburmar-sobega Israel-dulemar-imaksad. We-neggweburmarde, Pitónʼye, degine, Ramesésʼye nugad.

Éxodo 1:22

Ar Faraónʼdi na e-dulemarga igar-mesisad: “Hebreo-dule-gwalulesale, machigwadibe, bela diwarse metemalo. Bunolordina, melle oburgwemalo.”

Éxodo 1:8

Undar birgamar nasad-sorba, Egipto-yargi rey-baid megnonikid. A-rey wissulid, José doa-dule gusa. A-reyde e-dulemarga sogded:

Éxodo 2:23

Birgamar naded, geb Egipto-e-rey burgwenonikid. Degi-inigwele, Israel-dulemardi amba maiga gudidimalad-ular, naibi-itodidimalad. A-ular, bodidimalad. Geb degine, Bab-Dummad we-Israel-dulemar-bodidimalad itosad.

Éxodo 2:25

Agine, Bab-Dummad Israel-dulemar-dakded, degine, nue mag itosbalid, igi-Israel-dulemar wilebukwa.

Éxodo 3:7

Ar Bab-Jehováʼdi Moisésʼga sogdebalid: —Ar nue an daksad, igi an-dulamar Egipto-yargi nue wilebukwa. Ar ade, Egipto-dulemar sabsur an-Israel-dulemar-wiodidimalad, na e-bodidimalad, na nunmak-itodidimalad, an itosbalid.

Eclesiastés 4:1

An dakdebalid, we-napneggine, dule-mesagwar-imakledimalad yaisulid. Dule-mesagwar-gudimaladi bodidii an daksad, dule-gadi-gadi-e-gwage-imakedi sate gudimalad. Dule-mesagwar-gudimaladi, dule-gadi-gadi-e-gwage-imakedi sate gudimalad. Dule-wemar-mesagwar-imakdimaladi, gangued nikamalad.

Eclesiastés 5:8

Yar-gwensakgi, dule-dummad dule-wileged-sabsur-imake be dakalile, degi, dulemarga igar-nabolegedi innikigwadba imaksuli be dakalile, mer be geger dako. Ar weyob ibmar-gued, ade, dule-dummad eba-bur-dummad-e-bendaked nikad. Deginbali, dule-baid-eba-bur-dummad, eba-bur-dummagan-e-bendaked nikamogad.

Amós 4:1

Bemar, omegan-Samariaʼginmalad, an bega ibmar-sogoed be itomar: Bemar, Basán-yalagi moli-bebe-nikad-ome-wardummaganyob gumalad. Bemar, dule-wilegana sabsur-wiobukmalad, ise-mesagwale, be dule-wilegana imakbukmalad. Be-suimargarbela be sogbukwadamalad: “Vino anga sedaye.”

Deuteronomio 26:7

Geb anmar-dadgan e-Bab-Dummad-Jehováʼse, anmar binnasuli gotemalad. Geb Bab-Jehová anmar-ese-goled itosad. Degine, anmar-wilebukwad, anmar-arbaed-bipisuli-imaknaid, Egipto-dulemar-sabsur-anmar-imaknaid, Bab-Jehová anmar-daksad.

1 Samuel 9:16

“Oibosale, we-wachigi, dule-Benjamín-yargined an bese barmidagoed. A-dule, Israel-dulemar-e-dummadga be nugsaoed, adi, Filistea-dulemar-sabsur-negsemaidgi Israel-dulemar-ollor-imakegar. Ar Israel-dulemar na wiles-gorbukwad anse warmaksasoggu, an wiledaked.”