Éxodo 3:8 - Kuna San Blas

⁸ A-ulale, we-napnegse an aidenonikid, adi, Israel-dulemar Egipto-dulemarse-wilebukwadgi an onogegar. An-dulamar yar-nued-naidse, an sedoed. A-yarde, dummad-naid, napa-nuedid, gadi ibmar sanmaked. ”A-yargine, we-dulemar bukwad: Canaán-dulemar, Het-dulemar, Amorreo-dulemar, Ferezeo-dulemar, Heveo-dulemar, degi, Jebuseo-dulemar bukwad.

Éxodo 3:8 Iomraidhean Croise

Génesis 11:5

Geb Bab-Jehováʼdi, dulemar-neggwebur-dummad-sobnanaid, degine, dulemar-neg-matusulid-sobnanaid-dakega aidenonikid.

Génesis 11:7

A-ulale, anmar aidenaergebed, ei gaya oburnaegar, adi, na aku itomaloed.”

Génesis 15:13

Geb degine, Bab-Jehová Abramʼga sogded: —Nue be wisguergebed, be-wagan e-yarsulidgi gudii gumaloed. Agi maiganga gumaloed, degine, a-yargi birga-dulataled-ilabake (400) sabsuli be-wagan-wiomaloed.

Génesis 15:14

Dulemar-be-wagan-maiga-imakoedi, ani, an sabsur-odurdakoed. Agi, be-wagan ainidamalogu, ibmarmar-nuegan nue-nika ainidamaloed.

Génesis 18:21

Degisoggu, neggweburse an amar-daknadapid, ar bule anga nabir sogmala. Ar degisulile, an-sunnad an nue-dakoed.

Génesis 43:11

Geb degine, e-bab-Israel Judá-abin sogded: —Ar geg an oakalosoggu, ar weyob bemar imakmarsundo. Be-sagu-yaba macheredga binsa ibmar-ukega be sedmar. Bemar-ibmar-sedoedi, bur-ibmar-nuegan-we-yargi-nikad ega be sedmalo: Sapi-gunnugiid-wawadikmalad, achanis, gwallu-wawadikmalad, ina-wawadikmalad, nur-nuezʼgiimalad, degine, nur-almendroʼmar be sedmalo.

Génesis 46:4

Ani, an beba Egiptoʼse naoed, degi, an-sunnad gannar we-yarse-dagega an be-imakoed. Deginbali, be burgwiar-sogele, José be-dikarba-gwichi guoed.

Génesis 50:24

Ibagwengine, José e-gwenadganga sogded: “An-burgwed warmaksad. Bab-Dummaddi bemar-bendakdanikoed, we-yargi bemar-onogoed. Bab-Dummad bia Abrahamʼga, Isaacʼga, degi, Jacobʼga yar-ukoye-sogsagusadse bemar-sedoed.”

1 Crónicas 1:15

Heveoʼmar, Araceoʼmar, Sineoʼmar,

Nehemías 9:8

Be, Abraham-e-gwage-ulub be daksad, nue-inniki beba nanadii guo be daksad. A-ulale, Abraham-ebogwa be igar-mesisad, e-waganga we-yarmar ukoye be sogsad: Canaán-dulemar-yar, Het-dulemar-yar, Amorreo-dulemar-yar, Ferezeo-dulemar-yar, Jebuseo-dulemar-yar, degi, Gergeseo-dulemar-yar. We-yarmar, Abraham-waganga ukoye be sogsad. Bab-Dummad, be-ibmar-sogsad be imaksad. Ar ade, be dule-innikigwadid.

Salmo 12:5

Emide, Bab-Jehová, bede soged: “Dule-e-bendaked-satemalad mesagwar-imaklediid-ular, an gwisguoye. Dule ibmar-sate-gudimaladba bela-belad-bodimalad, an bendakoye.”

Salmo 12:6

Bab-Jehová-gayaburba isedar-swilimakaledid. Igi mani swilimakar-imaklegega, soo-yagi gannar-gannar ilagugle (7) dulege, aba bur bule Bab-Dummad-gayaburba swilidik gued.

Salmo 34:8

Bemar-sunnagwad be dakdamala, Bab-Jehová-ibidar-nuedid be dakmala. Dule, Bab-Jehováʼgi-bensurgudiid, egi nued binsalediid.

Salmo 91:15

Ar anse-gollalile, an abinsaoed, na surbinsa-itogedgi an eba gudiguoed, an ollor-imakoed, an e-nug odummogoed.

Éxodo 12:41

Birga-dulataled-ilabake gaka-dulagwen-gakambegi (430), Bab-Jehová-e-sordamar Egipto-yargi-bukwad danar-danar ainiarmalad.

Éxodo 12:51

A-ibagine, Bab-Jehová Egipto-yargi Israel-dulemar danar-danar onosad.

Éxodo 13:5

Ar Bab-Jehová bemar-dadganga ise-sogar sogsa gusad, we-yala an bemarga ukedseye: Canaán-dulemar-yar, Het-dulemar-yar, Amorreo-dulemar-yar, Heveo-dulemar-yar, degi, Jebuseo-dulemar-yar. A-yarmar napa-nuedid, gadi ibmar sanmaked. ”Degisoggu, Bab-Jehová we-dulemar-yarse bemar-odononikile, we-Abib-niigi bemar we-iba onomaloed.

Éxodo 3:17

Ega be sogbalo: ‘Bab-Dummad anga sogsabarye, ede bemar Egipto-yargi-wilebukwad bemar-onogoye. Degine, ede bemar-sedoye: Canaán-dulemar-bukwadse, Het-dulemar-bukwadse, Amorreo-dulemar-bukwadse, Ferezeo-dulemar-bukwadse, Heveo-dulemar-bukwadse, degi, Jebuseo-dulemar-bukwadse, amar-dulemar-yalaganse bemar-sedoye. ” ’A-yalagine napa-nuedid, gadi ibmar sanmakedid.’

Éxodo 34:11

”Emi an-bega-ibmar-sognaidba be nanadii guo. Be-asabinni an we-dulemar onogoed: Amorreo-dulemar, Canaán-dulemar, Het-dulemar, Ferezeo-dulemar, Heveo-dulemar, Jebuseo-dulemar, an onogoed.

Éxodo 5:23

Faraónʼse be-nuggi an sunmaknonikid-akar, we-Faraón bur bule be-dulamar-wioalid, degite, bedi be-dulamar gwen be bendaksulid.

Isaías 36:17

Geb sorba, bemargadyob-yar-daklegedse an bemar-nidoed, orosgi-dakleged-yalase an bemar-nidoed, vino-yalase, madu-yalase, degi, uvaʼmar-nainu-yalase, an bemar-nidoed.

Isaías 64:1

Anmar-Bab-Dummadye, bitigi be nibneg egasana gadin, bitigi be aidealina gadin. Ar be-abin yarmar giglimakdeled.

Jeremías 11:5

Ar be anba ibsamalale, bemar-dadganga an ibmar-ise-sogar-sogsad an imakoed. Deunni, an sogsagusad: Yala-nued-gadi-ibmar-sanmaked an bemarga ukmaloye. Ar emi bemar a-yalagi be bukwamalad.’ ” Geb agine, Bab-Dummadga an sogded: Bab-Jehová, ar deyobdo.

Jeremías 2:7

Napa-gadi-ibmar-sanmakedse ani an bemar-sealid, bemar agi ibmar-san gunmalagar, degi, e-ibmarmar-nuegan gunmalagar. Degi-inigwele, bemar an-yalase-nonimargua, be an-yala oichononimalad. Ib-isganaga be an-yala imaksamalad.

Jeremías 32:22

Israel-dulemarga yala-gadi-sanmaked be uksad, igi be, e-dadganga sogsagusa, deyob be imaksad.

Ezequiel 20:6

A-ibagi, an ega ibmar-ise-sogar sogsad: ‘An Egipto-yargi be-onomaloye, an bemarga-yar-amisadse be-nidmaloye. A-yargine moli-bebe-nikad-nunis, degi, achanis, obinebaka nikaye. ¡Bela yar-bamaladba bur yeerdakleye an bemarga sogsad!

Levítico 20:24

Ar bemargardi an sogdo: We-dulemar-be-idu-bukwad-e-yala bemargadga guoed, an bemarga ukoed, adi, degisadegu bemargadga guegar. A-yargi bela-bela ibmar-gulleged obinebaka nikad. ” ’Ani an be-Bab-Dummad-Jehová gued. Bemar an-dulamarga-guega, ani an dulemar-baigangi bachikii bemar-urbisad.

Amós 2:10

”Egipto-yargi-noega an bemar-imaksamalad. Nega-dulesulidganba birga-dulabo (40) an bemar-idudii gusad, adi, Amorreo-dulemar-bukwamalad-e-yala bemarga ukegar.

Números 13:18

Nue be yar argamalo, negde igidibe, dulemar-agi-bukmalad, bule nollosurmardibe, igi, nollomardibe, bule mergumardibe, igi, ichemardibe.

Números 13:19

Dule-bukmaladgi, neg nueddibe, igi neg ichakwadibe. E-neggweburmar-bukwadgi, galu-matusulid-dummagan mamaidibe, igi, galu-matusurmalad mamaisurdibe.

Números 13:27

Deginbali, Moisésʼga weyob sogsamarbalid: —Neg-argaega be anmar-barmisadse anmar modapmalad. Ar nue-napiragwad, inso agi gadi-ibmar-sanmaked, napa-nuedid. Bemar dakegala, sapi-san an bega senonimalad.

Juan 3:13

”Dule nibnegse gwen nakwissulid, unnila, ani Dule-Machibi nibneggi-mai aidenonikid.

Juan 6:38

”An-itolegedba ibmar-saega nibneggi an danisulid. Dule-an-barmialid-sogedba an ibmar-imakega nonikid.

Deuteronomio 1:25

Na sapi-sanmar-gwachamaladi anmarga senoni gusmalad. Anmarga weyob sognoni gusmalad: ‘Anmar-Bab-Dummad-Jehová anmarga-yar-uknaidi, yala-nuedye.’ ”

Deuteronomio 1:7

Degisoggu, be namar, be-ibmar be weemar. Amorreo-dulemar-yalaganba be namar, degine, bela Amorreo-dulemar-yalagan-dikarba-nanaidba be namar: Arabá-yar-naidba, yalaganba, nebagan-dad-argwanedsik-nanaidba, Neguev-yalaba, demar-gakaba, Canaán-dulemar-bukwadba, Líbano-yar-naidba, degine, diwar-dummad-Éufrates-maidse be namar.

Deuteronomio 27:3

A-akwagi, bela Igarmar-Mamaid be narmakoed. Be Jordán-diwar-obaksamalar, be-Bab-Dummad-Jehová-yar-bemarga-uksokalidse-dogsamalar, deyob be imakoed. Igi be-dadgan-e-Bab-Dummad-Jehová bemarga sogsagusadyob, we-yar, napa-nuedid, gadi-egi-ibmar-sanmakedid.

Deuteronomio 28:11

Bab-Jehová ibmar-bukidar bega ukoed: Mimmigan-bukidar-nikuega bemar-imakoed. Be-molimar-akar-akaled mimmigan-bukidar-nikuega, imakoed. Degi, be-nainugi ibmar-diglemalad-bukidar-sanmakega, imakoed. Ar igi be-dadganga sogsa-gusa, we-yala an bemarga-ukedseye, deyob guoed.

Deuteronomio 6:3

Israel-dulemar, degisoggu be nue-itomar, gatik Bab-Dummad-sogedba be nanadii gumar. Adi, yar-gadi-ibmar-sanmakedgine, yar-napa-nuedgine, be nued gudii gudmaloed, egi be dula-bukidar-nikumai gudmaloed. Igi be-dadgan-e-Bab-Dummad-Jehová bemarga-yar-ukedseye sogsagusa, deyob guegar.

Deuteronomio 7:1

Moisés Israel-dulemarga sogdebalid: “Be-Bab-Dummad-Jehová be-yar-susokarmaladgi bemargadga-guega bemar-odogoed. Bab-Jehová, bemar-idu dule-bukidar-bukwamalad onogoed: Het-dulemar, Gergeseo-dulemar, Amorreo-dulemar, Canaán-dulemar, Ferezeo-dulemar, Heveo-dulemar, degi, Jebuseo-dulemar-bukwad, onogoed. ”We-dulemar-sogagugle-gumaladi (7), bemarba bur-melu sordamar nikamalad. Degine, bemarba bur dutusurmarbalid.

Josué 5:6

Bab-Jehová Israel-dulemar-e-dadganga ise-sogar sogsagusad, an bega napa-mas-obinebaka-nikad, degi, gobed-obinebaka-nikad ukoye. Ar Israel-dulemar-Egipto-yargi-noargusmaladdi, Bab-Jehová-sogedba ibsassurmalad. A-ulale, Bab-Jehová ise-sogar sogsasunnad, we-dulemar a-yala dakosurmarye. Agala, Israel-dulemar yola-birga-dulabo (40), machergan-nabir-bila-onomalad-burgwismaladse, nega-dulesulidganba gaamakdii gusmalad.

Josué 9:1

Bela Het-reymar, Amorreo-reymar, Canaán-reymar, Ferezeo-reymar, Heveo-reymar, degi, Jebuseo-reymar, we-ibmarmar-gusadi itosmalad. We-reymar, Jordán-diwar-dad-argwanedsiki yalaganba, nebagangi, degi, bela Demar-Dummadye-nugad-gakaba, Líbano-yalaganse mamaid.

Josué 9:7

Israel-dulemala ega sogdemalad: —Bemar wegi-itakagwad gumarsua. Deyobile, anmar bemarbo geg igar-mesmalad.