Éxodo 3:7 - Kuna San Blas

⁷ Ar Bab-Jehováʼdi Moisésʼga sogdebalid: —Ar nue an daksad, igi an-dulamar Egipto-yargi nue wilebukwa. Ar ade, Egipto-dulemar sabsur an-Israel-dulemar-wiodidimalad, na e-bodidimalad, na nunmak-itodidimalad, an itosbalid.

Éxodo 3:7 Iomraidhean Croise

Génesis 16:11

Bab-Jehová-baliwitur sogdebalid: “Be bonigwar-gudiidi, susugwa be nikuoed. Bab-Jehová be-wilediid itossoggu, we-machigwa Ismaelʼye be onugsaoed.

Génesis 18:21

Degisoggu, neggweburse an amar-daknadapid, ar bule anga nabir sogmala. Ar degisulile, an-sunnad an nue-dakoed.

Génesis 21:17

Bab-Dummad, machigwa bosiid itosad. Bab-Dummad-e-baliwitur nibneg-akar Agarʼse gornonikid, ega sogded: “¿Agar, igi be itoge? Mer be bukib itoge, ar Bab-Dummad be-machi-bosiid itosad.

Génesis 29:32

Lea bonigwar gunonikid. Bab-Jehová-machigwa-ega-uksadi, Rubénʼye onugsasad, ar ade, soged: “Bab-Jehová wile-itodiid an-daksad. Ar emigindi, an-sui an-sabguoed.”

Génesis 31:12

Geb degine, Bab-Dummad-e-baliwitur anga sokalid: ‘Nue be dako. Be dakena, sibad-machergan omegi-nakwenanaid bela bara-bara-nanaed, gutu-gutu-nanaed, degine, mata-mata-nanaed. Ar ade, an bela wisid, igi Labán be-imakdii.

Génesis 31:42

”Ar Bab-Dummad Abraham-e-Bab-Dummadga maid, degine, an-bab-Isaac a-Bab-Dummad-dobekwaa nanadii gusad. A-Bab-Dummad anba gudisulina, arganagwabi be an-barmialinad. Napira an bega soged: Ar Bab-Dummad, wile-an-itodiid magar-daksad, degine, an-arbadiid magar-daksabalid. A-ulale, mutik bese magarosad, ibmar binnasur bega sogsad.”

2 Samuel 22:28

Dule-na-san-bipi-imakdimaladi be bendaked. Dule-na-san-dummarba-imakmaladdina, san-bipii be imakoed.

2 Reyes 13:4

Degi-inigwele, Joacaz, Israel-dulemar bendakega bela-belad Bab-Jehováʼse gochad. Degidbali, Bab-Jehová, Joacaz-ese-goled itosad, ar ade daksad, igi Israel-dulemar Siria-dulemar-e-reyse wilebukwa.

2 Reyes 20:5

“Ezequías an-neggwebur-e-dummadga-negsemaidse, gannar be nae, ega be sogo: Bab-Jehová be-dad-dummad-David-e-Bab-Dummad weyob sogye: Anse be gochadi, bela an be-itosad, degi, be-ibyanis-ariosad an daksad. Degisoggu, an be-ogwisguoed. Ibapaasega Bab-Jehováʼse-goled-negse be nao.

Nehemías 9:9

” ’Anmar-dadgan-Egipto-yargi-wilebukwa-gusadi, be daksad. Demar-Ginnidye-nugad-gakaba bese binnasur gotemargu, be itosad.

Salmo 106:44

Bab-Dummad e-dulamar-surbinsa-itonanai-dakdegua, gormaknanaid-itononigua,

Salmo 12:6

Bab-Jehová-gayaburba isedar-swilimakaledid. Igi mani swilimakar-imaklegega, soo-yagi gannar-gannar ilagugle (7) dulege, aba bur bule Bab-Dummad-gayaburba swilidik gued.

Salmo 142:3

Bab-Dummad, an geggus-itogele, bato be an-daksabinnedaed. An bia nadele, abala dulemar an-yardakega, an-iduar ibmar-sisadamalad.

Salmo 145:19

Bab-Jehová, dule-e-sabee-gudimaladga ibmar-abemalad ukdaed. Amar-ese-ibmar-egisedi ega ukdaed.

Salmo 22:24

Bab-Jehová, dule-wileged-e-naibi-itodiid baisur-daksulid, wagar-biria daksulid. We-dule-ese-gollalile, abin-imaked.

Salmo 34:4

An Bab-Jehová-amidigua, an-abin-imaknonikid. An ibmar-dobgudiidgi, an-ollor-imaknonikid.

Salmo 34:6

Ani, an dule-wileged, an Bab-Jehováʼse-gochagu, an-itononikid, agine, bela bonigangi an-ollor-imaknonikid.

Salmo 35:22

¡Bab-Jehová, bela be daksad! ¡Mer be gayamaklege! ¡Mer be angi bangue!

Salmo 9:14

adi, Jerusalén-neggwebur-dogedgi, dulemarga an be-nug-odummogega, degine, be an-bendakedgi an weligwar-itogegar.

Éxodo 1:11

A-ulale, Egipto-dulemar dummagan-onugsasmalad, adi, Israel-dulemar arbaed-dutusulidgi oarbamalagar. Egipto-dulemala Faraónʼga-mas-sabogega neggweburmar-sobega Israel-dulemar-imaksad. We-neggweburmarde, Pitónʼye, degine, Ramesésʼye nugad.

Éxodo 1:8

Undar birgamar nasad-sorba, Egipto-yargi rey-baid megnonikid. A-rey wissulid, José doa-dule gusa. A-reyde e-dulemarga sogded:

Éxodo 22:23

Ar be amar sabsur-imakmalale, e-bendakega anse gollarmalale, an amar-bendakega ese naoed.

Éxodo 33:13

Ar degite, begi-nueddae be an-dakedde, emigindi, an bese wilesakwaa egissundo, be-ibmar-abeged be anga oyodo. Adi, an begi mer benguegar, nued be an-dakegar. Be insao, we-dulemar be-dula gumalad.

Éxodo 5:10

Dummagan-sabsur-dulemar-oarbananaimalad, degine, danar-danar-arbananaid-e-dummagan nadegusmalad, dulemar-arbananaimaladga sogdemalad: —Faraón apor igar-uksad, melle bemarga bula-dinnaganagiid bar ukmaloye.

Éxodo 5:6

Aka a-ibagine, Faraón dulemar-arbananaid-dummagan-e-dummaganga igar uksad. Degi, danar-danar-arbananaimalad-e-dummaganga igar uksabalid:

Isaías 63:9

Bab-Dummad dule-abonogega, dule-e-nuggi-sunmaked, degi, baliwitur, barmiarsulid, na e-sunnad dule-abonosad. E-sabedgine, degi, e-wile-dule-dakedgine, bendaknonikid. Gannarse ogwichisad, na e-ganguedba sesad. Epennegwadyobi deyob imaksad.

Números 20:16

Agine, Bab-Jehováʼse anmar gotegusmalad. Bab-Jehová anmar-itosad. Anmarga na e-baliwitur-barmiargusad. A-baliwitur Egipto-yargi anmar-onosgusad. ” ’Emigindi, anmar Cades-neggweburgi be-yar-abingunaid-dikarba bukwamalad.

Gusmalad 7:34

Emide, an nue-daksad, an nue-itosbalid, igi an-dulamar-Egipto-yargi-bukwadi wilebukwa. A-ulale, an-dulamar-bendakega an aidenonikid. Emide, an-dulamar-ononaega Egipto-yarse an be-barmidoed.’ ” Éxodo 3:5, 7-8, 10

Hebreos 4:15

Ar anmar-irwa-Bab-Dummadse-goled-bur-dummad anmar-sunna wilubdaklesmogad, degite, gwen isgussulid, a-ular, anmar-nollo-itogedgi nabir wile anmar-daksunnad.

1 Samuel 9:16

“Oibosale, we-wachigi, dule-Benjamín-yargined an bese barmidagoed. A-dule, Israel-dulemar-e-dummadga be nugsaoed, adi, Filistea-dulemar-sabsur-negsemaidgi Israel-dulemar-ollor-imakegar. Ar Israel-dulemar na wiles-gorbukwad anse warmaksasoggu, an wiledaked.”