Éxodo 3:4 - Kuna San Blas

⁴ Bab-Jehová dakdegu, Moisés e-dakega ese warmakdaniki, agi sapi-bula-abargi Moisésʼse goted: —¡Moisés! ¡Moisés! Moisés Bab-Dummad-abin sogded: —Degite, wegi an be-itogwichi.

Éxodo 3:4 Iomraidhean Croise

Génesis 22:1

Undar birgamar nasadgine, Bab-Dummad Abraham-wilub-dakesokalid, bule egi nue bensurdibeye. Bab-Dummad nugba Abrahamʼse gornonikid: —¡Abraham! Abraham Bab-Dummad-abin sogded: —Na, degite, an be-itomai.

Génesis 22:11

Bab-Jehová-e-baliwitur niba ese gollalid: —¡Abraham! ¡Abraham! Abraham Bab-Jehová-e-baliwitur-abin sogded: —Degite. Wegi an gunai.

Génesis 28:16

Jacob gabdakmaid-ataksagua, binsaded: “Nue-napiragwad. Bab-Jehová wegi gudiid an wissulinad.”

Génesis 46:2

A-mutikidba Bab-Dummad Israelʼga gabdakedba sunmaksad. Jacobʼse e-nugba gornonikid: —¡Jacob! Jacob Bab-Dummad-abin sogded: —Wegi an be-itomai.

Salmo 62:11

Bab-Dummad weyob-ilagwen-sunmaksagusadi, ilabo an itosgusad: Bab-Dummadgi gangued daniye.

Éxodo 19:3

Agine, Moisés Bab-Dummadbo-abinguega yar-birse nakwisad. Agi, Bab-Jehová ese goted, ega sogded: “Weyob Jacob-e-waganga be sogoed, Israel-dulemarga:

Éxodo 3:2

Agi Bab-Jehová-e-baliwitur sapi-bula-abargi, soo-gwabunye-gwichidgi, Moisésʼse magarosad. Moisés sapi-bula nue-nuu dakdegu, dakalid, sapi-bula gummakgwichi, degite, bergusuli.

Éxodo 33:12

Moisés Bab-Jehováʼga sogded: —Emide be anga sognagu: ‘We-dulemar be sedye.’ Degite, be anga sogsulid, doa be anba barmidoe. Emide be anga sogbalid: ‘An be-wisi be doa-gue, yeer an be-dake, be angi nueddae.’

Éxodo 4:5

Bab-Jehová Moisésʼga sogded: —Weyob be imakoed-ulale, Israel-girmar-dummagan be-benguosurmalad, be-dadgan Abraham, Isaac, Jacob, amar-e-Bab-Dummad-Jehová, bese magarosye.

Levítico 1:1

Bab-Jehová dulemarbo-ambikued-neg-akar Moisésʼse gochad. Agi ega sunmaksad, ega sogsad:

Gusmalad 10:13

Degi, dule ega soge itoalid: —Pedro, gwisgu, ibmar-dula oburgwe, be gunne.

Gusmalad 10:3

We-dulede, sedo wachi-irbaagi gabdakeyobi negburgan dakded. Cornelio Bab-Dummad-baliwitur ise-dakaled. Baliwitur Cornelio-maidse dognonikid, ega sognonikid: —Cornelio.

Gusmalad 9:4

Agi, napase aimukud gusad. Geb nibneggi dule ega soge itoalid: —Saulo, Saulo, ¿ibiga be an-baregindii?

Deuteronomio 33:16

Napagi ibmar-sanmakmalad bur-nuegan nikusun, degi, sapi-bipi-zarzaʼye-nugadgi-gusadid egi nued binsasun. Bela we-ibmar-nuegan José-waganga uklesun. We-José-wagande, na e-gwenadgan-abargi bur sulealidid.

1 Samuel 3:10

Geb Bab-Jehová, Samuelʼse gannar gornonikid: —¡Samuel! ¡Samuel! Samuel abin-imakded: —Dummad, soge, an be-itomai.

1 Samuel 3:4

Degidgine, Bab-Jehová, Samuelʼse gollalid: —¡Samuel! Geb Samuel abin-sogded: —¡Degite!

1 Samuel 3:6

Degine, Bab-Jehová gannar Samuelʼse gornonikid: —¡Samuel! Geb Samuel gwichibinne-imaksad, Elí-maidse abarmakded. Ega sogdapid: —Naa, ¿ibiga be anse gole? Elí abin-sogded: —Machi, an bese gochasuli. Gannar be megnae.

1 Samuel 3:8

Bab-Jehová gannar Samuelʼse gollarbalid: —¡Samuel! Geb Samuel gannar gwichibin-imaksad, Elí-maidse abarmakded. Elíʼga sogdapbalid: —Naa, ¿ibiga be anse gole? Geb Elí magar-itononikid, Bab-Jehová, Samuelʼse gornaid.