Éxodo 3:16 - Kuna San Blas

¹⁶ Moisés be nae, Israel-girmar-dummagan-ebo be ambikuo, ega be sogo: ” ‘Bab-Jehová, be-dadgan Abraham, Isaac, degi, Jacob, amar-e-Bab-Dummad anse magarosad. A-Bab-Dummad anga sogsad, ede bemar-daksaye, degine, bemar-itosbarye, igi Egipto-yargi bemar-wiobukmala.’

Éxodo 3:16 Iomraidhean Croise

Génesis 1:7

Deyobi, Bab-Dummad neg-olloled-dummad nasiksad. Neg-ollor-dummad-birgi dii nagunonikid, degi, neg-ollor-dummad-urba dii nagunonibalid. Deyob gunonikid.

Génesis 21:1

Bab-Jehová e-sogsadba Saraʼgi ise-nued binsasad. Saraʼga ise-sogar-imaksadba ega ibmar imaknonikid.

Génesis 28:13

Jacob daksabalid, Bab-Jehová arsan-birgi gwichi. Bab-Jehová ega sogded: “Ani, an Bab-Jehová, be-dad-Abraham-e-Bab-Dummad, be-bab-Isaac-e-Bab-Dummad. Begala, degine, be-wagangala, be-gabmaid-napanega an ukoed.

Génesis 48:15

Geb degine, Jacob Joséʼgi ise-nued-binsaedgi ega sogded: “Bab-Dummad-sogedba, an-dad-Abraham, degi, an-bab-Isaac, nanadii gusad. A-Bab-Dummad, an gwalulesad-akar an-edarbediguad.

Génesis 50:24

Ibagwengine, José e-gwenadganga sogded: “An-burgwed warmaksad. Bab-Dummaddi bemar-bendakdanikoed, we-yargi bemar-onogoed. Bab-Dummad bia Abrahamʼga, Isaacʼga, degi, Jacobʼga yar-ukoye-sogsagusadse bemar-sedoed.”

Salmo 102:21

Bab-Jehová, dulemar Sión-yargi-e-nug-barsogmalagala, napneg-naid nue-dakded. Jerusalén-neggweburgi e-nug-odummomalagala, napneg-naid nue-dakded.

Salmo 33:18

Bab-Jehová dule-e-dobee-nanadimaladgi nue nakuledaed, dule-e-sabgued-edarbedimaladgi nue nakuledaed.

Salmo 8:4

Bab-Dummad, an binsaddaed: “¿Wede, dule ibusunna, egi be binsanonigu? ¿Wede, dule ibusunna, be akwenonigu?”

Éxodo 1:8

Undar birgamar nasad-sorba, Egipto-yargi rey-baid megnonikid. A-rey wissulid, José doa-dule gusa. A-reyde e-dulemarga sogded:

Éxodo 13:19

Deyobi, Israel-dulemala guakwaa urwenadapiyob Egipto-yargi noarmalad. Moisés, eba José-garmar sesa gusad. Ar ade, José burgwesokargu, Israel-dulemar-ega-ise-sogar-sogega imaksad, anmar be-garmar sededseye. Deunni, José, Israel-dulemarga weyob sognai gusad: “Napiragwad, Bab-Dummad bemar-bendaknonikoed. Ar deyob gunonikile, bemar an-garmar bemarba sedmalo.”

Éxodo 15:14

Dulemar-yar-baid-baidgi-bukmalad wisguarmalale, wawanmakdemaloed. Filistea-dulemar sulibinsa itodmaloed.

Éxodo 17:5

Bab-Jehová Moisés-abin sogded: —Israel-dulemar-idu be nae. Israel-girmar-dummagan gwenna-gwenna beba be sedoed. Nilo-diwar-bibyosad-gaapoled, be sedbaloed. Emigi be nadeen.

Éxodo 18:12

Agi, Jetro ibdurgan-wargwen Bab-Dummadga-ogumakar-ukega susa gusad. Deginbali, Bab-Dummadga-ukbaliga, ibmar-baigan senonibalid. Geb a-sorbali, Aarón, degi, bela Israel-girmar-dummagan, Moisés-e-sakaba Bab-Dummad-asabin mas-gunnadmalad.

Éxodo 2:25

Agine, Bab-Dummad Israel-dulemar-dakded, degine, nue mag itosbalid, igi-Israel-dulemar wilebukwa.

Éxodo 24:11

Degite, wemar-Israel-girmar-dummagan Bab-Dummad-daksamar-inigwele, Bab-Dummaddi oakalossulid. Amba dula gudii gusmalad.

Éxodo 3:2

Agi Bab-Jehová-e-baliwitur sapi-bula-abargi, soo-gwabunye-gwichidgi, Moisésʼse magarosad. Moisés sapi-bula nue-nuu dakdegu, dakalid, sapi-bula gummakgwichi, degite, bergusuli.

Éxodo 3:6

Bab-Dummad sogdebalid: —Ani an be-babgan-e-Bab-Dummadid. Ani an Abraham, Isaac, degi, Jacob-e-Bab-Dummadid. Geb degi, Moisés dobe-Bab-Dummad-wagar-dakedba na e-wagar edusad.

Éxodo 4:1

Geb degi, Moisés Bab-Dummad-abin sogded: —Israel-dulemar an-itogosurmalad, an-bengumaloed. Anga bur sogdamaloed: ‘Bab-Jehová bese magarossuli.’

Éxodo 4:29

Geb degi, Moisés, Aarónʼbogwa Israel-girmar-dummagan-ebo ambikunaded.

Éxodo 4:31

Dulemar Aarón-ega-ibmar-sogsad bengussurmalad. Emar itoarmargu, Bab-Jehová nue e-itosmarye, degi, na e-wilebukmalad e-daksamarbarye, bela na e-nono napase dulluu imakdemalad, oyogega, Bab-Jehová-e-nug emarde odummomarye.

Éxodo 4:5

Bab-Jehová Moisésʼga sogded: —Weyob be imakoed-ulale, Israel-girmar-dummagan be-benguosurmalad, be-dadgan Abraham, Isaac, Jacob, amar-e-Bab-Dummad-Jehová, bese magarosye.

Mateo 26:3

Degine, dule-irwa-Bab-Dummadse-gormalad-e-dummagan, Garda-Narmaked-Dulemar, Judíoʼmar-girmar-dummagan-neggwebur-sedimalad, bela amar danar dule-irwa-Bab-Dummadse-goled-bur-dummad-Caifásʼye-nugad-neg-imbase ambikunonimalad.

Lucas 1:68

“Israel-dulemar-e-Bab-Dummad-nug odummomarsun, ar ade, e-dulamarse na ataknonikid, degine, isguedgine, e-dulamar-onononikid.

Lucas 19:44

Degi, geb napagi be-omukumaloed, be-dulamar-oburgwemaloed, degine, akwamar be-birgi-bubukwad bar be-birgi ambikuosurmalad. Bab-Dummad be-abonogega bese-atakleapid-iba aku be daksad-ular, deyob be guoed.”

Gusmalad 11:30

Degisoggu, gwenadgan-bendakega Sauloʼba, degi, Bernabéʼba, gwenadgan-idudimalad-Judeaʼgi-bukwamaladga ibmar barmismalad.

Gusmalad 15:14

Simón-Pedro anmarga sogsad, igi gebesaila, Bab-Dummad, Judíoʼsurmalad e-dulemarga-gumogaga na susmoga.

Gusmalad 20:17

Pablo Mileto-neggwebur-akar, Jesúsʼba-nanaimalad-e-idumalad-Éfesoʼgi-bukwadbina gochad.

1 Pedro 2:12

Gwenadgan, bemar dule-Bab-Dummad-wissurmalad-abargi nued-nanadii be imakmar. Adi, gakansaar-dule-isganaye-begi-sunmakdimaladi be ibmar-nuegan-imakedbali, a-dulemar, Bab-Dummad-bela-dulemarga-igar-nabodanikid-ibagi, Bab-Dummad-nug odummomalagar.

1 Pedro 5:1

Bemar-abargi Jesúsʼba-nanaimalad-e-idumalad-gudimaladse wilesakwaa an goled. Ani an amaryob Jesúsʼba-nanaimalad-e-idumogadid. An-sunnagwad an Cristo-wilesad daksamogad. Deginbali, yoo Cristo-e-nug-ogannolealir, an eba nug ogannolemogoed.

Rut 1:6

Degine, Noemí wisgunonikid, Bab-Jehová e-dulemargi nued binsanoniye, ukud-dummad-naid bergusye, Bab-Jehová mas-bukib ukdeeye. Geb degidbali, Noemí e-balamarmala, Moab-yargi-mai armarsunnad.