Éxodo 3:12 - Kuna San Blas

¹² Bab-Dummad Moisés-abin sogded: —Ani an beba gudiguoed. Wegi be dakoed, ani an be-barminaid: An-dulamar-Egipto-yargi-bukwad be onosale, bela bemala we-yargi be an-nug-odummobukwa gumaloed.

Éxodo 3:12 Iomraidhean Croise

Génesis 15:1

Weyob-gusad-sorbali, Abram negburgan-daksad. Agi, Bab-Jehová ega sunmakded, ega sogded: “Abram, melle be dobguo, ar sigu-abgaedyobi, an be-irwa gwisgudioed. Degine, bega-ibmar-nued-uklegoedi, bega ibmar-dummadga guoed.”

Génesis 15:8

Abram Bab-Jehová-abin sogded: —Bab-Jehová-Bela-Negsemaid, degite, ¿igi nue an wisguosunna, we-yarde nue angadga guoe?

Génesis 26:3

Ar emigindi, wegi sikwas be mego. An beba gudii guoed, degine, ise-nued an begi binsaoed. Ar ade, begala, degine, be-wagangala we-yar an ukoed. Ar igi be-bab-Abrahamʼga ise-sogar an sogsa, deyob an imakedsegad.

Génesis 31:3

Geb degine, Bab-Jehová Jacobʼga sogded: “Be-babgan-yarse, be-gwenadgan-bukwadse be nae. Ani, an beba gudii guoed.”

2 Reyes 19:29

Isaías, Ezequíasʼga sogdebalid: “We-ibmarmar bega e-wilubga guoed: We-birgagine, ibmar-gwag walagwen-ainiardaedi be gunmaloed. Geb baid-birgasedi, ibmar-gwag-babatoed-sanmakoedi be gunmaloed. Geb birgapaasedina, be ibmar-gwag digmaloed, degi, weemarbaloed. Uva be digmaloed, degi, e-sanmakoedi be gunmaloed.

1 Crónicas 9:20

Wemar-iduale, Eleazar-machi-Finees, yawagak-dakmalad-e-iduedga gudii gusad. Degine, Bab-Jehová eba-gudii gusad.

Salmo 86:17

Bab-Dummad, an-isdarmalad dakmalaga, an-isdarmalad bingegumalaga, be-sabgued be angi oyoge. Ar be Bab-Jehová, be an-bendakedid, be an-gwage-armakedid.

Éxodo 18:5

Moisés nega-dulesulidganba Bab-Dummad-yar-walik dulemar-oambikudapid. Ase, Jetro, Moisés-e-ome, degi, e-masmala-warbogwad nade gusmalad.

Éxodo 3:1

Moisés e-saka-Jetroʼga sibad-wawaad edarbediid. Jetroʼde, Madiánʼgi dule-irwa-Bab-Dummadse-goledid. Ibagwengine, Moisés nega-dulesulidganba sibad-wawaadmar sesagusad. Bab-Dummad-yar-dummadse modapid. A-yar-dummadde Horebʼye nugad.

Éxodo 3:13

Ar Moisésʼdi, Bab-Dummad-abin sogded: —Israel-dulemarse an naele, an ega sogele: Be-dadgan-e-Bab-Dummad bemarse an-barmiarye, Israel-dulemar anse egisdamaloed: ‘¿Ar Bab-Dummadde igi nugsunna?’ Degite, ¿igi an abin-sogosunna?

Éxodo 33:14

Bab-Jehová Moisésʼga sogded: —An-sunnad an beba gudioed. Ani an baisur-ito-gudii be-imakoed.

Éxodo 4:12

”Degisoggu, be nae. Be sunmakder, ani an beba gudiguoed. Degine, be-ibmar-sogoed, ani an be-odurdakoed.”

Éxodo 4:15

Aarónʼga bela be sogoed, igi sunmakoe. Bemar sunmakalile, ani an be-bendakoed, degine, ani an Aarón-bendakbaloed, adi, bemar nuekwaa sunmakmalagar. Degine, an bemarga sogoed, igi bemar ibmar imakmaloe.

Éxodo 8:27

Anmar nega-dulesulidganba, ibapaa-nanaedse anmar naergebed. Agi, anmar-Bab-Dummad-Jehováʼga ibmar-ogumakar anmar ukoed. Ar igi anmarga Bab-Dummad-Jehová sogoe, aba anmar ibmar ukoed.

Isaías 37:30

Isaías, Rey-Ezequíasʼga weyob soged: “Rey-Ezequías, we-ibmarmar bega e-wilubga guoed: We-birgagine, ibmar-gwag-gwen-diglessuli-ainiardaed be gunmaloed. Baid-birgasega, ibmar-gwag-diglessulid-sanmakoedi amba be gunmarbaloed. Geb birgapaasedina, sunna ibmar-gwaggi be arbamaloed, degi, nabir be weemarbaloed. Sunna uvaʼgi be arbamaloed, degi, geb nabir e-san be gunmaloed.

Isaías 41:10

Melle be gwayo. An beba gudiguad. Melle be suli-suli-itogo. Ani an be-Bab-Dummadid. An be-ogannogoed, an be-bendakoed, an-sakwa-gandikid-nuedsikidgi an be-ganikioed.

Isaías 43:2

Be dii-obaknaile, an beba nadapmogoed. Be diwar-obaknaile, be gundilegosulid. Soo-birgi be nadapile, gwen be gummakosulid. Soo-duurmakedi gwen begi naguosulid.

Isaías 7:14

A-ulale, Bab-Jehová-sunnagwad ibmar-guoed-e-wilub oyogoed: Yagwa-wargwen gurgin-nika guoed, degi, goe nikunonikoed. Emanuelʼye onugsaoed.

Jeremías 1:8

Ani an Bab-Jehová-guedgi bega soged: Melle be dulemar-abin gwayo. Ani an be-bendakega beba gudii guoed.”

Números 16:28

Agine, Moisés dulemarga sogded: —Wegine geb bemar wisguoed, bela-we-ibmarmar-imakega Bab-Jehová an-barmialid. Wargwen an-na-ibmar-imakbiedba an imaksasulid.

Números 23:21

”Bab-Dummad Jacob-wagan-isgusye sogsulid. Bab-Jehová Israel-dulemar nosa gwen daksulid. Ar Israel-dulemarba Bab-Dummad-Jehová gudiid. Israel-dulemar na sogmalad, Bab-Dummad e-reyye.

Mateo 28:20

An bemar-odurdaksadba bela eba nue-nanamaloye be amar-odurdako. Napira an bemarga soged, an emi bemarba we-napneg-berguedse, bane-bane an gudiguoed. Be itogua.

Marcos 16:20

Jesús-sapingan nadmargu, bela neggwebur-iliba Bab-Dummad-Gayaburba-Nuedgi sunmakdemalad. Bab-Jesús nue amar-bendaksad, degi, ibmar-wilubgan-dakledisurmalad-imakdemaladba Bab-Jesús oyosad, e-sapingan e-Gayaburba-napiragwadgi sunmakdimarye.] Be itomargua.

Gusmalad 11:21

A-gwenadganba Bab-Dummad-gangued nue-gudigusoggu, bukidar Bab-Jesúsʼgi bengussurmalad, Bab-Jesúsʼba nagusmalad.

Gusmalad 7:7

”Bab-Dummad weyob-ega-sogsabalid: ‘Dulemar-be-wagan-maiga-imakoedi, ani, an sabsur-odurdakoed. Agi be-wagan ainidamalogu, we-yargi an-nug-odummobukwa gumaloed.’ ” Génesis 15:14

Romanos 8:31

Degite, we-ibmar-soglesadgi, ¿igi-an bar sogmalosunna? Ar Bab-Dummad anmarba naile, ¿doa anmargi gwisguosunna? Dule anmargi gwisgued, sate.

Deuteronomio 31:23

Geb degine, Bab-Jehová Nun-machi-Josuéʼga, weyob igar-ukded: “¡Nue salakar, gatik gandik-sao! ¡Mer galakuo! Be, Israel-dulemar an yar-ega-ukoye-sogsadse be odogoed. An-sunnad, an beba-gudii guoed.”

Hebreos 13:5

Mer dogdar manibina be sogmar, na emi be ibmar-nikadgi yeer-itodii be gumar. Ar Bab-Dummad sogsad: “An be-iegosurye, an be-metosurye.” Deuteronomio 31:6

Josué 1:5

Be-dula-gudiidgi, dule bipisaale begi nakosulid. Ar an igi-Moisésʼba gudigusa, deyobi, an beba gudii gumogoed. An be-metosulid, walagwen an be-obegosurbalid.”

Jueces 6:12

Gedeónʼse Bab-Jehová-e-baliwitur ukiar magar-gunonigu, ega sogded: —Be-dule, bila-onogedgi-niga-nollosulidid, Bab-Jehová beba naid.

Jueces 6:16

Bab-Jehová ega sogded: —Napira an bega soged: Bee, be Madián-dulemar dule-wargwennagwadyob ogalakuoed, ar ani, an beba gudii guoed.

Jueces 6:17

Geb Gedeón abin-sogded: —Be dule-nued an-dakele, be anga ibmar-wilub-oyodo, adi, an magar-dakegar be-dule anbo-sunmaksadi.

Jueces 6:21

Geb Bab-Jehová-e-baliwitur e-gaapoledgi san ebusad, degi, madu-inasulid ebusbargu, yog akwa-birgi soo gaaled. Bela san-ogumaksad, degi, bela madu-inasulid-ogumaksabalid. Geb agine, Bab-Jehová-e-baliwitur Gedeón-wagab ukiar yogguded.

Jueces 7:11

Agi, dulemar-sunmaked nue be itogo. A-sorbali, na be Madián-dulemargi-gwichiguega niga-gannaledoed.” Degisoggu, Gedeón, e-mai-Fura-ebo Madián-dule-nakulemalad-bukwadse gwisgudapmalad.

1 Samuel 14:10

Ar anmarga sokarmalardina, be nakwedamarye, agi anmar ese naodo. Adi, anmarga oyolenaid, Bab-Jehová we-dulemargi-nakwega anmar-imakoye.