Éxodo 28:3 - Kuna San Blas

³ Bela dulemar-mormaked-wisimaladbo be sunmako. We-dulemar Aarónʼga mor-makmalaga an ega gurgin-nuegan uksad. Deyobi, Aarón dule-irwa-anse-goledga an nug-imakegar.

Éxodo 28:3 Iomraidhean Croise

1 Reyes 7:14

Hiramʼde, ome-ei-sui-burgwisad-e-machid. We-omede, dad-dummad-Neftalí-e-wagwad. Hiram-e-babdi, Tiro-neggweburginedinad. Hiram-e-babdi, esgoro-gordikid-sobed-dule gusad. Degisoggu, Hiram nue-ibmar-wisidid, ibmar-sobed-buledid. Hiram gurgin-nued nikad, esgoro-gordikid-sobedgi nergualed. Agi, Hiram Rey-Salomón-asabin nonigusad. Geb Salomón-ega-sogsadba bela ibmar-imaksad.

Éxodo 35:10

Moisés Israel-dulemarga sogdebalid: “Bela Bab-Jehová-ibmar-sogsad-sobmalaga, bela dulemar bemar-abargi nue-ibmar-wisi-sobemalad nonimalo.

Éxodo 35:25

Deginbali, omegan-ibmar-nue-wisimalad, e-argangi-dub-sobsamaladi, Bab-Dummadga senonimalad: Nirba-dub-aradgi-sobsamalad, nirbadub-suir-akwagiidgi-sobsamalad, nirbadub-ginnidgi-sobsamalad, degi, linoʼdub-nuedgi-sobsamalad, senonimalad.

Éxodo 35:30

Geb degine, Moisés Israel-dulemarga sogded: “Nue be an-itomalo. Bab-Jehová, Uri-machi-Bezaleel onugsasad. Bezaleelʼde, Hur-e-wagwad. E-dad-dummad-Judáʼgi danikidid.

Éxodo 35:31

Bab-Dummad Bezaleelʼga E-Burba uksad, nue-binsaed-nikaa guegar, nue-ibmar-mag-ito guegar, nue-ibmar-wisi guegar, degi, ibmar-akar-akar-obinyegar.

Éxodo 35:35

Bab-Dummad Bezaleelʼga, degi, Aholiabʼga, we-gurginmar uksad: Nabir baisursunna-ibmar-imaked, nabir-ibmar-onoged, nabir nirbadub-aradgi-ibmar-sobed, nabir-nirbadub-suir-akwagiidgi-ibmar-sobed, nabir-nirbadub-ginnidgi-ibmar-sobed, nabir-linoʼdub-nuedgi-ibmar-sobed-gurgin, uksabalid. We-dulemala, ibmar-yeerdakle sobmaladid, mormargi arbamaladid, degi, nabir na-e-itolegedba sunna ibmar-akar-akar onomaladid.”

Éxodo 36:1

Moisés sogdebalid: “Degisoggu, Bezaleel, Aholiabʼbogwa, Bab-Jehová-sogsagusadba Bab-Dummadse-goled-neg-sunna-selegedgi ibmar-ebulemalad bela imakmaloed. Deginbali, bela dulemar, Bab-Jehová nue-wisi-ibmar-sobega-imaksamarmogadi, degi, ega baisursunna-ibmar-imakega-imaklesbalidi, Bab-Dummadse-goled-neg-sunna-seleged-sobega, wemar-ebogwadba arbamarmogoed.”

Éxodo 36:2

Moisés, we-dulemarse gochad: Bezaleelʼse, Aholiabʼse, degi, bela dule-ibmar-nue-wisi baisursunna-ibmar-imakmaladse gochad. We-dulemar na e-itolegedba arbaega nonimalad.

Proverbios 2:6

Ar Bab-Jehováʼbi binsaed-nikagued uked, Bab-Dummadbi nue-ibmar-wisi be-imaked.

Isaías 11:2

A-dulegi Bab-Jehová-E-Burba megoed: Nue-binsaed-nikagued ega ukoed, nue-ibmar-magar-itoged ega ukoed, binsaed-nued-uke imakoed, degi, gangued-nika imakoed, gurgin-nikarba imakoed, degi, Bab-Jehová-dobee-nanadii imakoed.

Efesios 1:17

Anmar-Dummad-Jesucristo-e-Bab-Dummad, Bab-Gandikid-Yeerdakleged, ase an bemarga egisdaed, bemarga ibmar-burbar-mag-itoged ukegar, adi, bemar mag itogegar, doa Bab-Dummad-gue.

Deuteronomio 34:9

Dakargu, Moisés Josué-e-nonogi e-argan mesisgussoggu, Nun-machi-Josué, nue binsaed-nikaa gusad. Degidbali, Bab-Jehová-Moisésʼga-igar-uksadba, Israel-dulemala, Josué-sogedba nanadii gusmalad.

Santiago 1:17

Bela ibmar-nuegan, degi, ibmar-innikimalad, Bab-Dummadgi nibneggi danikid. Bab-Dummad-nibneggi-gwallumar-obinnisadgi danikid. We-Bab-Dummad niisgwamar-gwagdedaeyob gwagsulid, degi, burbamaryob bergusulid. Degisadegu maid.