Éxodo 27:9 - Kuna San Blas

⁹ Bab-Jehová Moisésʼga sogdebalid: “Deginbali, anse-goled-neg-sunna-selegedga neg-imba be nasikbaloed. Dali-dulagwen-gakatar-sugu (25) guoed, dad-nakwed-argan-nuedsik be nasikoed. Degine, we-neg-imba-e-galugi lino-mor-nued naguoed.

Éxodo 27:9 Iomraidhean Croise

1 Reyes 6:36

Bab-Dummadse-goled-neg-dikarba neg-ollor-ebirnaid-e-galuga, akwamar-sobaled ile-sogapaa onakwisad, geb a-birgi, urwar-urgo-sommegan mesisad.

1 Reyes 8:64

A-ibagine, Rey-Salomón, Bab-Jehováʼse-goled-neg-imba-naid, Bab-Jehováʼga nug-imaknai gusad. We-neg-imba, Bab-Jehová-e-neg-asabin naid. A-neg-imba-naidgi, ibdurgan ogumakar uknai gusad, ibmar-gwag-gulleged uknai gusbalid, degi, gwenatigwar-guega ibdurgan-e-gwallu ogumakar uknai gusbalid. Ar ibmar-ogumakar-ukleged-aila-esgoro-gordikidgi-sobaled, Bab-Jehová-e-neg-asabin-siid senisoggu, unnisulid. Ar ade, ibmar-ogumakar-ukleged ichesulid. Deginbali, dogdar-nuedye-sogleged-ibmar-ukleged ichesurbalid.

2 Crónicas 33:5

Manasés Bab-Jehová-neg-imba-sogabo-naidgi bela niisgwamar-nanaidga ibmar-ogumakar-ukleged-ailamar sobsabalid.

2 Crónicas 4:9

Salomón dule-irwa-Bab-Dummadse-gormaladga neg-imba sobsabalid, degi, neg-imba-dummad sobsabalid, degi, e-yawagak guar-guar sobsabalid. Geb neg-yawagak-uki esgoro-gordikid nasiksabalid.

Salmo 100:4

Doggus-nuedye-sognai, ese-goled-negyaba be dogmala, Namakar e-nug-odummonai, e-neg-imbase be dagmala. ¡Ega be doggus-nuedye sogmala! ¡E-nug be odummomala!

Salmo 116:19

Bab-Jehováʼse-goled-neg-imbagi an imakoed, Jerusalén-neggwebur-abargi an imakoed. Aleluya, ¡Bab-Dummad-nug odummolesun!

Salmo 84:10

Magaba iba-miliba-gudiguedba, bur-nuedid, bese-goled-neg-imbagi ibagwen gudii gued. Dule-isganamar-abargi-gudiguedba, bur an an-Bab-Dummadse-goled-neg-yawagak edarbebied.

Salmo 92:13

Dule-nuegan, Bab-Jehováʼse-goled-neggi sapi-digar-gwichiyobi gumalad, anmar-Bab-Dummadse-goled-neg-imbagi dutuyobi achutemalad.

Éxodo 27:10

E-buarmardi, waladulagwen (20) nikuoed, degi, e-buar-sigmalad, amba gwadulagwenbar (20). Bela wemar-sobegala, esgoro-gordikid be ebugoed. E-gamalad-sobegala, degi, buar-e-nonomar-sobegala, mani be ebugoed.

Éxodo 35:17

”Sobmarbaloed: Bab-Dummadse-goled-neg-sunna-seleged-e-galugi mormar-dummagan-ebirmaloed, e-buarmar, e-sigmalad. We-neg-sunna-seleged-e-neg-e-galu-dogedgi mor-dummad-naguoed.

Éxodo 36:17

Geb a-sorba, mor-dummagan-goatar-gwadilealed-dikarba, gwadulabo-gakambe (50) e-uayamar nasiksamalad. Amba deyob baigan-gwadilesmalad-dikarba, gwadulabo-gakambe (50) e-uayamar nasiksamarbalid.

Éxodo 39:40

Mor-dummagan e-galugi naguoed, e-buarmar, egi-sigmaloed, degine, e-mor-dummad neg-imba-dogedgi naguoed. E-dubmar, e-bargamalad, degi, bela Bab-Dummadse-goled-neg-sunna-seleged dulemarbo-danar-ambikued-neggi ibmar-ebulemalad.

Éxodo 40:33

Geb napidgine, Moisés, Bab-Dummadse-goled-neg-sunna-seleged-e-galumar nasiksad, Bab-Dummadga-ibmar-ogumakar-ukleged-aila, degi, Bab-Dummadse-Goled-Neg-Islidikid, amar-ebilis we-galumar nasiksad. Degine, we-galu-dogedgi mor-dummad nasiksad. Weyob Moisés Bab-Dummadse-goled-neg-sunna-seleged sobsad. Bela Moisés weyob obelosad.

Éxodo 40:8

Geb napidgine, e-dikarba galu be imakoed. Geb a-galu-dogedgi mor-dummad be nasikoed.

Ezequiel 40:14

A-sorbali, neg-imba-siid wilubsasbalid. E-yaadunguedi, daliatar (5) dungued. Neg-ollorsiid, neg-imba-dummad-naidse-nomaid, we-neg-imba-dummad-naid bela ebirisnaid.

Ezequiel 40:17

A-sorbali, galu-matusur-maid-imbagi, neg-imba-dummad-magabalidse an-sesad. Neg-ollor-dummad-naid-ebiris, gwadurgwen-gakambe (30) gabednegmar bukwad. We-gabednegmar-dogedgi akwa aryogar maid. We-akwa-aryogarmaid bela neg-imba-dummad-naidgi aryogar maid.

Ezequiel 40:20

Dule, dad-nakwed-argan-sapiledsik neg-imba-dummad-doged-siid e-sugued, degi, e-yaadungued wilubsasad.

Ezequiel 40:23

Neg-imba-senigwad-naid-e-yawagak-gwagwen dad-nakwed-argan-sapiledsik-yawagak-siid-asabin argasiid, igi dad-nakwedsik yawagakmar bukwamalayob argasiid. Dule, yawagakmar-bangu-gwigwichid wilubsasad. E-banguedi, dali-dulagwen-gakatar (25) bangued.

Ezequiel 40:28

A-sorbali, dad-nakwed-argan-nuedsik yawagak-siidba neg-imba-senigwad-naidse we-dule an-sesad. Dad-nakwed-argan-nuedsik yawagak-gwichid wilubsasad, adi, bamalad-yawagakmar-gwigwichidyob dungumogad.

Ezequiel 40:32

Deginbali, dad-nakwedsik yawagak-siidba neg-imba-senigwad-naidse an-sesad, geb e-doged wilubsasad, bamalad-dogedyobi dungumogad.

Ezequiel 40:44

Neg-ollor-senigwad-naidgi, dulemar-namakmaladga gwardumar gwabo siid. Gwagwenaddi, dad-nakwed-argan-sapiledsik yawagak-yabasiid-dikarba siid, adi, dad-nakwed-argan-nuedsik argasiid. Baiddi, dad-nakwed-argan-nuedsik yawagak-yabasiid-dikarba siid, adi, dad-nakwed-argan-sapiledsik argasiid.

Ezequiel 42:3

Neg-ollor-senigwad-naidgi, daliatar-neg-matardungued-naid-asabin (5), degi, neg-imba-dummad-naid-akwa-aryoarmaid-asabin, neg ailapaa nika siid. Agi gwardumar asabin-asabin bukwad.

Números 3:26

Mor-dummad bela Bab-Dummadse-goled-neg, degi, ibmar-ogumakar-ukleged-aila-ebirnaid-dakedga. Degine, e-yawagakgi mor-dummad-naid, bela urdubmar-agi-ebulemaladse-bakar-dakedga gumalad.

Números 4:26

mor-dummagan-bela-neg-imba-ebirnanaid sedmarbaloed. Degi, ibmar-ogumakar-ukleged-ailase mor-dummagan warmaknaid, degine, anse-goled-neg-yawagakgi mor-dummagan-warmaknanaibalid sedmarbaloed. Geb a-e-dubmar, degi, bela agi-ibmarmar-ebulemalad sedmarbaloed.

Números 4:32

galu-ebirar buarwar-gwigwichid, e-sigmalad, e-bargamalad, e-dubmar, degi, bela e-ibmar-abelemalad sedmarbaloed. ”Dule-war-wargwenga be sogoed, ibu-ibmarmar sedmaloe.