Éxodo 27:8 - Kuna San Blas

⁸ Anga-ibmar-ogumakar-ukleged-aila be ollor imakoed, degine, we-aila urgomargi be soboed. Ar igi bega yar-birgi oyolesa, deyob dakle be soboed.”

Éxodo 27:8 Iomraidhean Croise

1 Crónicas 28:11

Degidgi, David e-machi-Salomónʼga neg-soblegoed-garda uksad: Bab-Dummadse-goled-negyaba e-ubeb-soblegoed-garda. E-negmar-soblegoed-garda. Ibmar-nuegan-saboleged-neg-soblegoed-garda. Neg-aila-nika-soblegoed-garda. Negyaba-dulemar-ambikued-soblegoed-garda, degi, Bab-Dummad-dulemarbo-igar-naboged-neg soblegoed-garda. David, a-gardamar e-machi-Salomónʼga uksad.

1 Crónicas 28:19

David sogded: “Bela we-ibmar-soblegoed, Bab-Jehová-e-ibmar-sogedba narmaklesad. Adi, ibmar-soblegoed magar-ito an-imakegar.”

Éxodo 25:40

”Nue be dako, be imakoedi, igi yar-birgi bega e-dakleged oyolesa, a-sunnagwad be imakoed.”

Éxodo 25:9

Ar igi bela an bega oyogoe, a-sunnagwad be dulemar-anse-goled-neg-sunna-seleged be soboed, degi, a-yagi bela ibmar-ebuleged a-sunnagwad be sobbaloed.”

Mateo 15:9

Ar binsa asginbi an-nug odummodimalad. E-igar-maid odurdakedi, dulemar-igar-mesisadba bur odurdakmalad.’ ” Isaías 29:13

Gusmalad 7:44

”Nega-dulesulidganba anmar-dadgan bipirmakdigu, Babse-goled-neg-sunna-seleged-nika gusmalad. A-neg Bab-ebo na igar-mesisad mag-daklegega anmar-dadganga uklesad. We-negde, igi Bab-Dummad Moisésʼga oyosa, deyob Moisés neg-sobsagusad.

Hebreos 8:5

Neg-Islidikidgi, dule-irwa-Babse-gormalad-e-arbamaladi, Bab-Dummad-neggi-ibmar-imaklegedyobsulid. Unnila nibneggined-e-wilubgan gued. A-ular, Moisés Bab-Dummadse-goled-neg-sobesokargu, Bab-Dummad Moisésʼga sogsagusad: “Nue be dako, be imakoedi, igi yarbirgi bega e-dakleged oyolesa, a-sunnagwad be imakoed.” Éxodo 25:40