Éxodo 27:2 - Kuna San Blas

² Degine, moli-bebegii aila-e-dikar-abingunanaid-birgi be ogwisbaloed. We-moli-bebegiidmala, ailagi bato eba-mese-sobale be imakoed. Anga-ibmar-ogumakar-ukleged-aila-birgi, esgoro-gordikid be nasikoed.

Éxodo 27:2 Iomraidhean Croise

1 Reyes 1:50

Adoníasʼdina, Salomón-dobguded. Geb ibmar-ogumakar-ukleged-ailagi moli-bebeyob-gwichidgi akas nagusad.

1 Reyes 2:28

Joab, Absalónʼba nai gussulid, degi-inigwele, Adoníasʼbardi nai gusad. Degisoggu, Joab wisgunonigu, Adonías burgwisye, agi, Joab Bab-Jehováʼse-goled-dordonegse wakite gusad. Geb ibmar-ogumakar-ukleged-ailagi moli-bebeyob-gwichidgi akas nagusad.

1 Reyes 8:64

A-ibagine, Rey-Salomón, Bab-Jehováʼse-goled-neg-imba-naid, Bab-Jehováʼga nug-imaknai gusad. We-neg-imba, Bab-Jehová-e-neg-asabin naid. A-neg-imba-naidgi, ibdurgan ogumakar uknai gusad, ibmar-gwag-gulleged uknai gusbalid, degi, gwenatigwar-guega ibdurgan-e-gwallu ogumakar uknai gusbalid. Ar ibmar-ogumakar-ukleged-aila-esgoro-gordikidgi-sobaled, Bab-Jehová-e-neg-asabin-siid senisoggu, unnisulid. Ar ade, ibmar-ogumakar-ukleged ichesulid. Deginbali, dogdar-nuedye-sogleged-ibmar-ukleged ichesurbalid.

2 Reyes 16:14

A-sorbali, Acaz ibmar-ogumakleged-aila esgoro-gordikidgi-sobaled Bab-Jehováʼse-goled-neg-asabin-siiddi, onirisad, geb Bab-Jehováʼga-ibmar-ogumakleged-aila-bini-sobarsiid, a-argan-nuedsik osisad. Degisoggu, Bab-Jehováʼse-goled-neg-asabin, Bab-Jehováʼga-ibmar-ogumakleged-aila bini sigisad.

2 Crónicas 4:1

Salomón ibmar-ogumakar-ukleged-aila esgoro-gordikidbi sobsabalid. E-suguedi, daliatar (5) sugued. E-matardungueddi, daliatar (5) madardungubalid. E-nibgueddi, dalibo-gaka-negabar nibgued.

Salmo 118:27

Bab-Jehová, Bab-Dummadid. Anmarga gwallu-meegwadyobi gued. Igarba bipirmaknamalo, sapi-e-anagan semamai gumalo, Bab-Jehováʼga-ibmar-ogumakar-ukleged-ailagi moli-bebeyob-nonaidse sedmalo.

Éxodo 27:3

”Deginbali, bela ibmarmar-we-ailagi-ebuleged esgoro-gordikidgi be soboed: Buru-simalad-bormomar. Buru-weemalad-wesar-dummagan, Abe-bomied-nog-dummagan. San-obin-obin-saed-iko-dummagan. Soo-seed-bormomar.

Éxodo 29:12

Geb we-moli-e-abe be suoed. Degine, we-abe be-googi anga-ibmar-ogumakar-ukleged-ailagi moli-bebegiid-gwichidgi be mage-mage imakoed. Geb degine, Abe-gwabgusaddi, bela ibmar-ogumakar-ukleged-aila-nagaba be eogoed.

Éxodo 38:30

We-esgoro-gordikidgi Bab-Dummadse-goled-neg-sunna-seleged-e-yawagak-siged, degine, Bab-Dummadga-ibmar-ogumaker-ukleged-aila, sobsamarbalid. Agine, san-nared-saki-sakid sobsamarbalid, degine, a-ailagi-ibmar-ebulemalad bela sobsamarbalid.

Ezequiel 43:15

Birgi, bia ibmar-durgan-ogumaklege, adi, daligwen nibgued, geb agi e-gakuli-abingunanaidgi, ibmar-bebe warbake gwichid.

Levítico 16:18

An-asabin ibmar-ogumakar-ukleged-aila-gwichid-urukega nodagoed. Moli-bebe-nikad-sapingwagwad-e-abe, degi, sibad-machered-e-abe weoed. Geb ibmar-ogumakar-ukleged-aila-dikarba moli-bebeyob-gwigwismaladgi magoed.

Levítico 4:18

Geb sorbali, dule-irwa-Bab-Dummadse-goled, we-abe ichesaar ibmar-ogumakar-ukleged-ailagi moli-bebeyob-gwigwichidgi magoed. We-galu, Bab-Dummad-dulemarbo-ambikued-neggi, Bab-Jehová-asabin siid. Geb bela abe-gwabguoedi, Bab-Dummad-dulemarbo-ambikued-neg-yawagak-dogedgi ibmar-ogumakar-ukleged-aila-siid-nagagi eogoed.

Levítico 4:25

Geb degine, dule-irwa-Bab-Dummadse-goled we-sibad-e-abegi e-goo owardikuoed. Geb we-abe ibmar-ogumakar-ukleged-ailagi-moli-bebeyob-gwigwichidgi mage-mage imakoed. Geb bela abe-gwabguoedi ibmar-ogumakar-ukleged-aila-siid-nagagi eogoed.

Levítico 4:7

Geb sorbali, dule-irwa-Bab-Dummadse-goled, we-abe Bab-Dummadga-ina-wawadikid-obupurmakleged-ailagi moli-bebeyob-gwigwichidgi magoed. We-galu, Bab-Dummad-dulemarbo-ambikued-neggi, Bab-Jehová-asabin siid. Geb bela abe-gwabguoedi, Bab-Dummad-dulemarbo-ambikued-neg-yawagak-dogedgi ibmar-ogumakar-ukleged-aila-siid-nagagi eogoed.

Levítico 8:15

Geb degine, Moisés moli-bebe-nikad-e-dukar egwachad. Geb e-googi moli-abe-wesgua, ibmar-ogumakar-ukleged-ailagi moli-bebeyob-gwigwichidgi, degi, aila-dikarmargi moli-abe mage-mage imaksad, adi, a-aila, swilidik imakegar. Abe-gwabgusaddi ibmar-ogumakar-ukleged-aila-nagagi eosad. Weyobi, ibmar-ogumakar-ukleged-aila swilidik gunonikid, degi, unnila Bab-Dummadgarbi ebulegega gunonikid.

Zacarías 9:15

Bab-Jehová-Bela-Gangued-Nikad na e-sordamar-bendaknonikoed. E-sordamar, e-isdarmalad-e-gingimar bela obelogoed. Vino-gobeyobi ablis gobmaloed abali, mummu-gunanaiyobi, allenanaioed. Igi ablis ibmar-ogumakar-ukleged-ailagi-eolegega nogmargi enoledae, deyobi, ablisbi-moodo gudimaloed.

Números 3:31

Coat-wagan we-ibmar-imakmalaga gumalad: Bab-Dummad-Israel-Dulemarbo-Igar-Mesisad-Ulu-dakedga. Mese-dakedga. Gwallumar-sied-dakedga. Ibmar-ogumakar-uklemalad-ailamar-dakedga. Bab-Dummadse-goled-neggi-ibmar-ebulemalad-dakedga. Mor-dummagan-dakedga. Degi, bela agi ibmarmar-ebulesiid dakedga gumalad.

Hebreos 6:18

Yoedse-ibmar-imakoye-sogsadba, degi, ise-sogar-sogsadba, imaksad. We-ibmar-sogbogwad-geg-gwagedgi, Bab-Dummad sogsad. Degisoggu Bab-Dummad geg gakansaed. Bab-Dummad-anmar-edarbed-abediidgi anmar-gwage nue ogannosmarsunnad.