Éxodo 27:1 - Kuna San Blas

¹ Bab-Jehová Moisésʼga sogdebalid: “Anga-ibmar-ogumakar-ukleged-aila, be imakbaloed. A-aila, urgo-acaciaʼye-nugadgi emarbi yaa-dungu be imakoed. E-sugued, daligwen-gaka-achabo, e-matardungued, daligwen-gaka-achabobar. E-nibgueddi, bisgipaa.

Éxodo 27:1 Iomraidhean Croise

2 Samuel 24:18

Agine, Gad a-ibagi David-gunaidse nonikid, geb ega sogded: “David, be nae, Jebuseo-dule-Arauna e-ibmar-gwag-omukuleged-neg-naidse be nae. Agi Bab-Jehováʼga ibmar-ogumakar-ukleged-aila be sobo.”

2 Reyes 16:14

A-sorbali, Acaz ibmar-ogumakleged-aila esgoro-gordikidgi-sobaled Bab-Jehováʼse-goled-neg-asabin-siiddi, onirisad, geb Bab-Jehováʼga-ibmar-ogumakleged-aila-bini-sobarsiid, a-argan-nuedsik osisad. Degisoggu, Bab-Jehováʼse-goled-neg-asabin, Bab-Jehováʼga-ibmar-ogumakleged-aila bini sigisad.

1 Crónicas 6:49

Aarón, degi, e-waganmala, Bab-dummadga-ibmar-ogumakleged-ailagi ibmar-durgan-ogumakar ukdamalad. Degi, ina-wawadikid ogumakar ukdamarbalid. Deginbali, Neg-Ise-Islidikidyaba, Israel-dulemar-e-isgued-eliega, Bab-Dummadga ibmar-durgan-e-abe-ukedgi arbadamarbalid. Igi Moisés-Bab-Dummad-e-mai sogsagusa, deyob imakdamalad.

2 Crónicas 4:1

Salomón ibmar-ogumakar-ukleged-aila esgoro-gordikidbi sobsabalid. E-suguedi, daliatar (5) sugued. E-matardungueddi, daliatar (5) madardungubalid. E-nibgueddi, dalibo-gaka-negabar nibgued.

Esdras 3:2

Degidgine, dule-irwa-Bab-Dummadse-goled-Jesúa Josadac-e-machi, na e-gwenadgan-dule-irwa-Bab-Dummadse-gormaladbo, degi, Salatiel-machi-Zorobabel, na e-gwenadganmala, Israel-e-Bab-Dummadga ibmar-ogumakar-ukleged-aila sobdemalad. Adi agine, Israel-dulemar-e-Bab-Dummadga ibmar-ogumakar ukmalagar. Igi Bab-Dummad-e-mai-Moisés-e-Igar narmakar-mai, deyob gusad.

Éxodo 17:15

Agi, Moisés Bab-Jehováʼga-ibmar-ogumakar-ukleged-aila sobsad. A-aila, “Bab-Jehová an-banderye onugsasad.”

Éxodo 24:4

Geb degine, Moisés bela Bab-Jehová-ibmar-sogsadi narmaksad. Moisés wakudaryalaba gwisgualid. Yar-dummad-naba Bab-Dummadga-ibmar-ogumakar-ukleged-aila sobsad, degine, akwamar-islidikid-gwaambe-gakabo (12) urbisbalid. A oyonaid, gwa-gwagwenadi, Israel-dulemar-sogambe-gakabogwad-e-wilubgan (12) guye.

Éxodo 31:9

Anga-ibmar-ogumakar-ukleged-aila, geb bela-eba-ibmarmar-ebulemalad. Dii-sied-esgoro-gordikidgi-sobaled, geb bela e-malise-bakar, sobegarbar.

Éxodo 35:16

”Sobmarbaloed: Bab-Dummadga-ibmar-ogumakar-ukleged-aila, e-esgoro-gordikmalad-biir-biir-megoed, degi, e-suarmar, bela eba-ibmarmar-ebulegoed. Dii-sied-esgoro-gordikidbiid, degi, a-e-malimar.

Éxodo 39:39

Bab-Dummadga-ibmar-ogumakar-ukleged-aila esgoro-gordikidgi sobaled, esgoro-gordikidgi san-nared-saki-sakid sobaled, e-suarmar-walagana, degi, bela eba-ibmar-ebulemalad, E-dii-sied, degi, e-siged.

Éxodo 40:10

Deginbali, anga-ibmar-ogumakar-ukleged-aila, degi, bela e-ibmarmar, gwallu-wawad-magega-ebulegedgi be mage-mage saoed. Adi, deyob we-ibmarmar angadgarbi guoed.

Éxodo 40:29

Deginbali, Moisés, Bab-Dummad-dulemarbo-ambikued-neg-sunna-seleged-doged-asabin, Bab-Dummadga-ibmar-ogumakar-ukleged-aila sisbalid. Agi, Bab-Dummadga-ibmar-ogumakar uksad, degine, Bab-Dummadga-ibmar-gwagmar-ukleged uksabalid. Moisés, igi Bab-Jehová ega igar-uksa, sogedba imaksad.

Éxodo 40:6

”Geb a-sorbali, anse-goled-neg-sunna-seleged dulemar-anbo-ambikued-negye bilebalid, a-asabin, anga-ibmar-ogumakar-ukleged-aila be sioed.

Números 3:31

Coat-wagan we-ibmar-imakmalaga gumalad: Bab-Dummad-Israel-Dulemarbo-Igar-Mesisad-Ulu-dakedga. Mese-dakedga. Gwallumar-sied-dakedga. Ibmar-ogumakar-uklemalad-ailamar-dakedga. Bab-Dummadse-goled-neggi-ibmar-ebulemalad-dakedga. Mor-dummagan-dakedga. Degi, bela agi ibmarmar-ebulesiid dakedga gumalad.

Números 4:13

”Ibmar-ogumakar-ukleged-ailagi buru-bukwad weemaloed. Geb a-aila mor-suir-akwagiidgi anwemarbaloed.

Números 4:14

A-aila-birgi, bela e-ibmar-ebulemalad urbemarbaloed: Buru-weemalad, iko-san-obin-obin-imakmalad, sianarmar, degi, nog-dummagan. A-ibmarmar-birgine, ibdurgan-uka-nuegan oginmaloed, degine, nabir-sedmalaga suarmargi nasikmaloed.

Hebreos 13:10

Anmar Bab-Dummadga-ibmar-ukleged-aila nikad. Agine, Babse-goled-neg-sunna-selegedgi-arbamaladga, ibmar-uklemalad-e-san-gunned ega igar maisulid.