Éxodo 24:2 - Kuna San Blas

² Bebi unnila be anse warmakoed. Israel-dulemar-selearsurmaladdi, nakosurmalad, degi, anse warmakosurmarbalid.”

Éxodo 24:2 Iomraidhean Croise

Éxodo 19:12

”Melle dulemar yarse nakwemalaga, yar-dikarba be galu bela ebiris nasikoed. Deginbali, ega be sogo, we-yargi nue-binsaed-nikaa be damaloye, degine, melle a-yarse nakwemarbaloye, degine, melle a-yar-walikaa namaloye. Ar doa-dule a-yarse warmaksale, oburgwelegoye.

Éxodo 20:21

Israel-dulemardi, Moisés mogir-guduregedgi-Bab-Dummad-maidse-nadedi bannabaa dakbuk gusad.

Éxodo 24:1

Bab-Jehová Moisésʼga sogded: “An-maidse anse be nakweda. Beba be Aarón, Nadab, degi, Abiú be sedago. Degi, Israel-girmar-dummagan-dulapaa-gakambe (70) beba be sedabalo. Wemar angi bannaba ambikumaloed, agi yokorgi-sindigar ambikumaloed.

Éxodo 24:13

Geb degine, Moisés, Josué-ebo Bab-Dummad-yarse nakwid gusad. Josuéʼde Moisés-bendakedid.

Éxodo 24:15

Geb degine, Moisés yar-birse-nakwidgua, a-yala mogir-ena signonikid.

Éxodo 24:18

Moisés mogir-imbaba dogded, yar-birse nakwided. Moisés yar-birgi iba-dulabo (40) ibginedba, degi, mutikidba gudii gusad.

Éxodo 24:3

Moisés nade gusad. Bab-Jehová-bela-ega-ibmar-sogsad, degi, igarmar-ega-uksabalid, bela dulemarga sogdapid. Bela dulemala dule-wargwennayobi Moisés-abin-imakdemalad: “Bela Bab-Jehová-ibmar-sogsadba anmar ibmar imakmaloye.”

Jeremías 30:21

Bab-Jehová soged: “Bemar-abargi, bemar-iduged nodagoed, a-dulegine, bemarga-negseed danikoed. An-walikaa-guega an imakoed, anba gudii guoed. Degite, ¿doa an-walikaa anse-dagega guakwasunna?

Jeremías 49:19

”Achumigur Jordán-diwar-bulaganba, gagan-nuegan-naidse nodanidaedyobi, ukiagwale, an Edom-dulemargi gwichigudagoed. Edom-dulemargi an dule-nug-imaksadi dummadga an mesoed. Ar ade, ¿doa anyobsunna? ¿Doa angi obinosunna? ¿Biti-sibad-edarbed angi gwisguosunna? Dule angi obinosuli.

Números 16:5

Geb degidgine, Moisés Coréʼga, degi, Coréʼba-nanaimaladga sunmakded, amarga sogded: —Oibosale, Bab-Jehová sogoed, ede doa-susa, doa-egadi, doa sunna ese warmakoe. Ar Bab-Jehová na dule-suoedi, a-dulebi, Bab-Jehováʼga nabir-ibmar-uke guoed.

Hebreos 9:24

Ar Cristo, dulemar-argangi-Bab-Dummadse-goled-neg-sobsadse dogsasulid. Dulemar-argangi-neg-sobaleddi unnila nibneggined-e-wilubgan gued. Cristo nibneg-sunnadse-dogsad, anmar-irwa emigindi Bab-Dummad-asabin gwisgudasunnad.