Éxodo 24:10 - Kuna San Blas

¹⁰ Agi, amar Israel-e-Bab-Dummad daksamalad: E-nag-urbali, zafiro-akwabir-nuedyob, bela swilidik mogir-ara-ara-daklegedyob napa naid.

Éxodo 24:10 Iomraidhean Croise

Génesis 32:30

Geb Jacob a-nega Penielʼye onugsasad. Ar ade, Jacob soged: “Bab-Dummad-wagar nue an daksad, degite, amba an dula gudiid.”

Génesis 32:31

Jacob bato Penielʼgi nue-bangumaigua, dad-nakwialid. Ar ade, Jacob dikargi naibigussoggu, muya-muya nanagusad.

1 Reyes 22:19

Micaías sogdebalid: —Bab-Jehová-gayaburba nue be itogo: Bab-Jehová e-ologangi-sii an daksad. E-baliwitur-bila-onomalad e-dikarba e-argan-nuedsik, degi, e-argan-sapiledsik bukwa nanaed.

2 Crónicas 6:17

”Israel-e-Bab-Dummad-Jehováʼye, emisgi, be-mai-Davidʼga be igar-mesisadi, deyopira be imake.

Éxodo 24:11

Degite, wemar-Israel-girmar-dummagan Bab-Dummad-daksamar-inigwele, Bab-Dummaddi oakalossulid. Amba dula gudii gusmalad.

Éxodo 3:6

Bab-Dummad sogdebalid: —Ani an be-babgan-e-Bab-Dummadid. Ani an Abraham, Isaac, degi, Jacob-e-Bab-Dummadid. Geb degi, Moisés dobe-Bab-Dummad-wagar-dakedba na e-wagar edusad.

Éxodo 33:20

Bab-Jehová sogdebalid: —Degi-inigwele, an-wagardi be dakosulid. Ar dule bipisaale an-wagar dakosurguoed. Dule an-wagar daksale, bar dula-gudii guosulid, burgoed.

Éxodo 33:23

Geb an-argan an onirisale, an-yarganbi be dakoed. An-wagardi, be dakosurguoed.

Cantares 5:14

E-swidamardina, or-suarmar-daklegeyobid, akwa-nuegan egi nanaiyobid. Bela-e-abagan, elefante-nugar-daklegeyob, swilidikid dakleged. Akwa-nuegan-zafiroʼye-nugad, bela egi ebiris naiyobid.

Cantares 6:10

¿Ar we doawa, yeerdakleged? Ar bolegoedba neg-ainakwiardaeyobi, mutikidba nii-daarmakenaidaeyobi, dad-ibeler daarmakenaidaeyobi, niba niisgwamar gananaidaeyobi, ber yeer dakleged.

Lamentaciones 4:7

Jerusalén-e-dummagan, boobali bur sibudik daklenanaenad, moli-nunisba bur sibudik daklenanaenad. E-abagan akwa-bisgi-ginnigwadba bur bule gisii daklenanaenad, akwa-nued-zafiroʼyob daklemalanad.

Ezequiel 1:1

Dakleargua, birga-dulagwen-gakambegwadgi gaka nii-walabakegwad-ibataledgine, dulemar-gales-selesmalad-abargi Quebar-diwar-gakaba-sii, nibneg argade an dakalid. Agine, Bab-Dummad anga negburgan oyosad.

Ezequiel 10:1

A-sorbali, baliwiturmar-querubinʼye-nugmalad e-nono-birgi neg-olloled-dummad nai an daksad. A-neg-olloled-nibali akwa-zafiroʼye-nugadyob ibmar siid, rey-ganyob dakleged.

Daniel 10:17

Degisoggu, ¿igi an bebo sunmakosunna? Ar ade, an bela-bela nolloo itoged, ar uunnila an bunnogwisbalid.’

Números 12:8

Moisés-anbo asabin-asabin an sunmaked, odukuar an ega ibmar sogdasulid. Moisés, an-dakleged-e-wilub dakdaed. Emide, ¿ibiga an-mai-Moisésʼgi be isdar sunmakmala?”

Mateo 17:2

Jesús amar-asabin yar-birgi-gwichi, Jesús-e-san-dakleged gwagdegusad, na e-wagar dad-ibeler-gaeyobi gadegusad, degine, e-mormala, bela ise-sipumakar, bela dagudik, gwallubayobi daklenaded.

Juan 1:18

Dule gwen Bab-Dummad dakdisulid. Unnila Bab-Dummad-Machi-Wargwennagwad, e-Babba-mesa-gudiid, a, anmarga Bab-Dummad-osanalononikid.

Juan 14:9

Jesús, abin-sogded: —Felipe, an bemar-abargi dikasurgus an gudiidde, ¿amba be aku an-dakde? Ar dule an-daksale, a-dule bato an-Bab-daksado. ¿Ibiga be anse egise, Bab be anga oyoye?

Juan 6:46

”Dule-wargwensaar Bab-daksaye an sogsulid. Unnila dule-Bab-Dummadgi-danikidbi Bab-daksad.

1 Timoteo 6:16

Ar unnila Bab-Dummadbi geg burgwed, neg-meegwad-dule-geg-ese-warmakedgi maid. Dule-wargwensaale, Bab-Dummad-dakdisulid, degine, dakosurgumarbaloed. A-e-gangued-degisadeguad geg bergued. A-e-nug anmar odummomarsun. Ar deyobdo.

1 Juan 4:12

Ar dule bipisaale Bab-Dummad-gwen-dakdisulid. Ar anmar na muchub-muchub sabgumalale, Bab-Dummad anmargi maido, degine, E-sabgued bur bule anmargi oyolemaido.

Apocalipsis 1:16

E-argan-nuedsik niisgwa-gwagugle (7) ganibalid, e-gaya-yaba es-suid isedar-swiswimakaled nugar-abinbela-nikad nogwichid. E-wagar, dad-ibe isedar-daarmakar-gaedyob dakleged.

Apocalipsis 21:11

A-neggwebur, Bab-Dummad-yeerdaklegedyob daklemogad. E-gaedi, akwa-nuedi, akwa-garged-jaspeʼyobi gaed, degine, isbe-daledyob swilidik dakleged.

Apocalipsis 4:3

Dule-a-ologanagi-siid, e-daklegedi akwa-nued-jaspeʼye-nugadyob dakleged, akwa-cornalinaʼye-nugadyob daklebalid. Degine, sue ologana-ebiris maid, akwa-esmeraldaʼye-nugadyob-dakle dakarmakmaid.