Éxodo 24:1 - Kuna San Blas

¹ Bab-Jehová Moisésʼga sogded: “An-maidse anse be nakweda. Beba be Aarón, Nadab, degi, Abiú be sedago. Degi, Israel-girmar-dummagan-dulapaa-gakambe (70) beba be sedabalo. Wemar angi bannaba ambikumaloed, agi yokorgi-sindigar ambikumaloed.

Éxodo 24:1 Iomraidhean Croise

1 Crónicas 6:3

Amram-e-mimmigandi, wemarmogad: Aarón, Moisés, María. Aarón-e-masmaladi, wemarmogad: Nadab, Abiú, Eleazar, degi, Itamar.

Éxodo 1:5

Jacob-e-gwenadgan bela dulapaa-gakambe-mergu (70), Egiptoʼse nonimalad. Joséʼdi bato Egipto-yargi maid.

Éxodo 19:20

Bab-Jehová bur Sinaí-yar-matusulidse aidenonikid. Geb degine, Bab-Jehová Moisésʼga sogded, we-yar-matusulidse ese dagye. Agi, Moisés nakwisad.

Éxodo 19:24

Bab-Jehová Moisésʼga sogdebalid: —Be nae, be aidenae. Aarónʼga be sogna, beba yar-birse nakwedaye. Dule-irwa-anse-gormaladdi, degi, dulemar-baigandi, melle anse nakwedgi binsamaloye. Ar nakweye-sogmalale, anse sabsur-imaklemaloed, anse ogilolemaloed.

Éxodo 19:9

Agi, Bab-Jehová ega sogded: “Nue be an ito, an bese mogir-guduregedba nonikoed, adi, an-bebo-sunmaknaid dulemar itogega. Adi, deyob dulemar degisadegu begi bensuli gumalagar.” Moisés dulemar-ega-sogsad gannar Bab-Jehováʼga sognai gusad.

Éxodo 20:21

Israel-dulemardi, Moisés mogir-guduregedgi-Bab-Dummad-maidse-nadedi bannabaa dakbuk gusad.

Éxodo 24:15

Geb degine, Moisés yar-birse-nakwidgua, a-yala mogir-ena signonikid.

Éxodo 24:2

Bebi unnila be anse warmakoed. Israel-dulemar-selearsurmaladdi, nakosurmalad, degi, anse warmakosurmarbalid.”

Éxodo 24:9

Moisés, Aarón, Nadab, Abiú, amar yar-birse nakwidmalad. Wemarba Israel-girmar-dummagan-dulapaa-gakambe (70) eba yar-birse nakwidmarmogad.

Éxodo 28:1

Bab-Jehová Moisésʼga sogdebalid: “Be-ia-Aarón, degi, e-machimala Nadab, Abiú, Eleazar, Itamar, amala bese warmaked be imako. Wemar, anga Israel-dulemar-abargi dule-irwa-anse-gormaladga gumaloed.

Éxodo 3:5

Geb degine, Bab-Dummad Moisésʼga sogded: —Melle anse be warmako. Degine, be-naggi nag-uka-yoid be unge. Ar be napa-annagwichidi, napa-nuedid, nega-isligwaled-napad.

Éxodo 34:2

Degisoggu, banedse wakudaryalaba be Sinaí-yar-bur-birise naknao. A-yar-birse be anse nonikoed.

Éxodo 6:23

Aarónʼdi, Elisabet nikusad. Elisabetʼde Aminadab-e-sisgwad, Naasón-e-bunad. Geb Aarónʼga, degi, Elisabetʼga machimala-uklenonikid: Nadab, Abiú, Eleazar, Itamar.

Ezequiel 8:11

Israel-girmar-dummagan dulapaa-gakambe (70) bab-dummaganyob-ibmar-imakleged-asabin gwichi, ega e-nug-odummonanai an daksad. Amar-abargine, Safán-machi-Jaazanías gwichimogad. War-wargwena sianar ganimalad. Agine, ina-wawadik-yapanmalad bupurmakbukwad an daksad.

Números 11:16

Geb degine, Bab-Jehová Moisésʼga sogded: “Israel-girmar-dummagan dulapaa-gakambe (70) be anga onmako. Be girmar-dummaganga-gudidiid-wisidi, degi, dule-dummaganga-mamaid-wisbalidi be sedago. A-girmar-dummagan dulemar-anbo-ambikued-negse be sedago. Agi, be an-edarbemaloed.

Lucas 10:1

Deyob we-ibmar-gusad-sorba, Jesús e-sapingan-baigan e-dulapaa-gakambe (70), bela na e-naoed-neggweburmarse ebo-ebo e-iduar barmisad.

Lucas 10:17

Jesús e-dulapaa-gakambe-barmisadi (70), gannar nonimargu, ise-weligwar-ito nonimalad, Jesúsʼga sognonimalad: —Dummad, niamarse-bakar, be-nuggine anmar-sogedba ibmar imaksamalad.

Deuteronomio 1:15

”Degisoggu, bemar-dadgan-warambe-gakabogwad-abargi (12), an dule-nue-binsaed-nikamalad, degi, dule-ibmar-nue-wismalad sunonikid. Wemar, bemar-dummaganga an onugsasad: Dule-miliba-mergued-e-dummadga (1,000), dule-dulatar-mergued-e-dummadga (100), dule-dulabo-gakambe-mergued-e-dummadga (50), degine, dulemar-e-ambe-mergued-e-dummadga (10). Deginbali, dadgan-danar-danar-bukwad-e-dummaganga an onug-imaksabalid.”