Éxodo 23:8 - Kuna San Blas

⁸ ”Melle dulemarse manigi be binsaed galego. Ar ade, manigi-bakleged be-binsaed gaoed, bar inniki-binsae be-imakosulid. Deginbali, dule-igar-nabomalad, igar-itonaidgi, dule-ibmar-oakalossulidgi-aibinega imakbalid.

Éxodo 23:8 Iomraidhean Croise

Salmo 15:5

Dule, dule-baidga mani-uksale, e-gaka egi-onosulid. Dule, dule-ibmar-oakalossulidgi-aibinega dule-baiganse manigi-bakledisulid. Ar dule weyob-daedi, bipisaale gwen galakuosulid.

Salmo 26:10

Ar unnila, we-dulemar ibmar-isganabi imakdimalad, emar-yardakedginbi binsadimalad, manigi emar-binsaed-gaed gudimalad.

Proverbios 15:27

Dule-ibmarbina-suli-binsa-itogedi e-neguyaga boni-uked. Dule manigi-binsaed-galeged-isdarsun-dakeddina, nued-gudii gued.

Proverbios 17:23

Dule-isgana dukuar dule-baidse manigi binsaed galeged. Agala, ibmar-galagwensuli-imakleged geg bergued.

Proverbios 17:8

Dule manigi-emar-binsaed-gaed-gudiidi, na binsadaed, ede, ina-nika-gudiiye. Ar deyobi, yogasaar ibmar-amididaed.

Proverbios 19:4

Dule, ibmar-nuegan-nikadba bukidar aimar-nikuega gued. Ar dule-wilegeddi, na e-aise-bakale, egi bangued.

Eclesiastés 7:7

Sabsur-ibmar-imakleged dule-binsaed-ibed-oichoged. Ibmargi-bennuklegar-binsaed-galeged, dule-binsaed-ibed-e-gwage oichobalid.

Isaías 1:13

Melle bar be anga ibmar-ukleged-gwen-igarga-gusulid sedamalo. Ar ina-wawadikid anga ibmar-isganaga gued. Nii-binidgi, iba-onoleged an budar dakgusad, obunnoged-ibagi, iba-onoleged an budar dakgusad, dulemar-bular-onmaknonidamalad an budar dakgusad, be-an-nug-odummomalad, aka bur an-ourwe damalad, bar an itobisulid.

Isaías 1:23

Be-dummagan-neg-dakmamaid dulegi-gwisgumaladid. Amarde, dule-ibmar-atursamalad-e-sordamalad. Manigi-dule-binsaed-gaedgi bela na yeer itodamalad, dulemar-ega-ibmar-uked unnila abedamalad, dule-sergan-sated-ular sunmakdasurmalad, siamar-ei-sui-burgwismalad-e-igar gwen bai dakdasurmalad.

Isaías 33:15

Unnila dule-igar-innikigwadba-nanadiidbi, degi, napiragwadba-sunmakdiidbi, nibneggi mai guoed. Dule ibmar-isganagi-mani-onodisulidbi, dule emarse-manigi-bakledisulidbi, nibneggi mai guoed. Dule emar-gindakmaladba ibsadisulidbi, ibmar-isgana-imakleged dakbidasulidbi,

Isaías 5:22

Bemar vino-gobedsik-bulegan-gudimaladi, ¡be duledar-wilesmar! Bemar inna-gagbid-sobedsik-bulegan-sogdimaladi, ¡dule-wilesmar!

Isaías 5:23

Bemar dule-baiganse-manigi-baklegar, dule-ibmar-isgana-imaksad-galessiid-onodamaladi, ¡duledar-wilesmar! Bemar dule-ibmar-oakalossulid-obanagwar-imakdimaladi, ¡dule-wilesmar!

Ezequiel 22:12

Deginbali, be-abargi dulemar-wegiimalad gudidibalid: Dule-gindakega manigi-bennuklemalad. Dule bese mani-egichisadgi e-gaka be bipisur gaed. Sabsur-imakedgi dule-baid-ibe be ibmar-sued. Degidbali ¡be an-ieded! Ani an Bab-Jehová-Bela-Gangued-Nikadi weyob soged.

Oseas 4:18

Ar Efraín-dulemar sisa-gobed ei bergudele, gambasaedgine burguddamalad. Ar e-dummagan-yar-semaladbela, igar-isgana-imakedbina sogdamalad,

Amós 5:12

Bemar-ibmar-isgana-yaisur-imaksad an wisid, be-isgumalad-yaisulid an wisid. Bemar, dule-innikigwad ibgwensur imaked, igar-nabolemaladgi emarse be manigi baklemalad. Degine, igar-nabolegedgi dule-wileganagi be gwisgumalad.

Miqueas 7:3

Ibmar-isgana-imakedgi dule gwen egi obinsulid. Dule-dummagan-negsemamaid, degi, dule-igar-nabomalad, dule-bamaladse manigi-baklegar, igar nabomalad. Dule-gandikmalad e-itolegedba ibmar egismalad, e-ibmar-abegedba ega ukdamalad.

Deuteronomio 10:17

Ar ade, be-Bab-Dummad-Jehová, bab-dummaganba bur Bab-Dummadid, degine, dule-dummaganba bur-Dummadid. Bab-Jehová bur dule-dummadid, bur dule-dutusulidid, bela dulemar dobdamalad. Bab-Jehová bela dulemar-emarbi-daked, degine, dule-baiganse geg manigi binsaed-galeged.

Deuteronomio 16:19

Igarmar-Mamaidgi melle be annadii gumalo. ”Degine, melle dule-wargwenba be nagumarbalo, bela emarbi be dako. Dulemarga igar-nabogegala, melle dulemarse bakledii be gumalo, ar ade, dulemarse-baklemaladi, dulemar-binsaed-ibegan-e-binsaed-gaega imaked, degine, dulemar-nuegan-ichogega imaked.

1 Samuel 12:3

Wegi an bemar-abargi gwichidgi, bemar Bab-Jehová-asabin, degi, e-rey-onugsasad-asabin be an-barsogmar. ¿An doa-ibe moli-bebe-nikad-alugwasualed an atursadii gusa? ¿An doa-ibe moli-uayasuid an atursadii gusa? ¿An doa-yardakdii gusa? ¿An doa ibgwensur-imakdii gusa? ¿An doase manigi binsaed-galedii gusa? An deyob ibmar-imakdii gusale, be an-barsogmardo, adi, an gannar sogedba bennukoed.

1 Samuel 8:3

Ar Samuel-e-machimaladi e-bab-daedba gwen nanassurmalad, igar-innikigwadba ibmar-imaksurdamalad. Unnila maniginbi bur bule binsadidamalad. Degisoggu, dule-ega-mani-ukoed bur bendakdedamalad.