Éxodo 23:6 - Kuna San Blas

⁶ ”Dule-wilegedga igar-nabolenaidgi, ega igar-maidba be imako, melle egi be yogasaar yoledii guo.

Éxodo 23:6 Iomraidhean Croise

2 Crónicas 19:7

Degisoggu, Bab-Jehová-dobee be gudii gumalo. Degine, ibmar be imakarmalale, nue-itoakwaa imakmalo. Ar ade, anmar-Bab-Dummad-Jehová igar-isgana-imaked abesulid. Deginbali, Bab-Jehová dule-wargwensaar obansulid, emarbi dule-daked. Degine, manigi dulemarse geg binsaed-galeged. Degisoggu, nue salakarmalo.”

Job 31:13

”An-maiga-gudimalad anga sognonimalale, be anga igar-maidba imaksasurye, an ega igar nudakedsedaed.

Proverbios 18:5

Dule-ibmar-oakalosad ibmar-oakalossuliyob-imakedi, ibnuedsulid. Dule-ibmar-oakalossulidga ega igar-innikigwad-imaksulile, ibnuedsurbalid.

Proverbios 22:22

Melle dule-wileged-ibe be ibmar-atursae, ar wede, dule-wilegedid. Melle igar-naboleged-neggi dule-ibmar-sate-gudiid be sabsur-imakbalo.

Proverbios 31:5

Abakale, mumgudedgi, igar-maid iedmalale, dule-wilemaladgi bar binsasuli gudmalale.

Eclesiastés 5:8

Yar-gwensakgi, dule-dummad dule-wileged-sabsur-imake be dakalile, degi, dulemarga igar-nabolegedi innikigwadba imaksuli be dakalile, mer be geger dako. Ar weyob ibmar-gued, ade, dule-dummad eba-bur-dummad-e-bendaked nikad. Deginbali, dule-baid-eba-bur-dummad, eba-bur-dummagan-e-bendaked nikamogad.

Isaías 5:23

Bemar dule-baiganse-manigi-baklegar, dule-ibmar-isgana-imaksad-galessiid-onodamaladi, ¡duledar-wilesmar! Bemar dule-ibmar-oakalossulid-obanagwar-imakdimaladi, ¡dule-wilesmar!

Jeremías 5:28

Be wardungudmalad, san-dummarbaa be gudmalad. Bemar-ibmar-isgana-imakmaladi gege bergued. Dule-babgan-satemalad nabir-nued-gudigumalaga ega be igar nabosurmalad. Dule-wilegana-e-ibmar-nikue-wilubmogad be bendaksurmarbalid.”

Jeremías 6:28

Bela we-dulemala uayasulidamalad, gakansaedbi dakdimalad. Na dule-nuedga san-imakmar-inigwele, bela dule-isganamarbiid.

Jeremías 7:6

Deginbali, be dule-be-neggweburginedsulid-sabsur-imaksurmalale, degi, sergan-satemalad be mesagwar-imaksurmarbalile, degi, ome-ei-sui-burgwisad be mesagwar-imaksurmarbalile, an wile bemar-dakoed. Degi, we-yargi be dule-ibmar-oakalossulid-binsa-gindaksasurmalale, deginbali, bab-dummad-baiganba be isgumalaga bar be nanasurmarbalile,

Levítico 19:15

Igar-nabolenaile, igar-innikigwadba be imako. Melle dule-wilegedba be nai guo. Deginbali, melle dule-mani-nikadba be nai gubalo. Dulemarga igar-innikigwadba be igar-nabogo.

Malaquías 3:5

Bab-Jehová-Bela-Gangued-Nikad soged: “Degisoggu, an bemarga igar-nabogega an bemarse warmaknonikoed. We-dulemargi-ibmar-sogega an guagwar danikoed: Ina-isgana-imakdimaladgi, abirgunagwarsuli negsichigi galagwensuli-nanadimaladgi, gakansaar ise-sogar ibmar-sogmaladgi, ega-arbamalad-sabsur-imakdimaladgi, siamar-ei-sui-burgwismalad-sabsur-imakdimaladgi, dule-sergan-sated-sabsur-imakdimaladgi, degi, gwen an-dobsuli, dule-yar-baidsikmalad-sabsur-imakdimaladgi, amargi dobsulidba-gwisguega an danikoed.”

Deuteronomio 16:19

Igarmar-Mamaidgi melle be annadii gumalo. ”Degine, melle dule-wargwenba be nagumarbalo, bela emarbi be dako. Dulemarga igar-nabogegala, melle dulemarse bakledii be gumalo, ar ade, dulemarse-baklemaladi, dulemar-binsaed-ibegan-e-binsaed-gaega imaked, degine, dulemar-nuegan-ichogega imaked.

Deuteronomio 27:19

‘Dule-gwensak Israel-dulesulidga, dule-sergan-satedga, degi, ome-ei-sui-burgwisadga, igar-mamaidba ibmar-egadmogad ega nabosulile, we-dule, sabsur-odurdaklesun.’ Bela dulemar abin-sogoed: ‘Eye, sabsur-odurdaklesun.’

1 Samuel 8:3

Ar Samuel-e-machimaladi e-bab-daedba gwen nanassurmalad, igar-innikigwadba ibmar-imaksurdamalad. Unnila maniginbi bur bule binsadidamalad. Degisoggu, dule-ega-mani-ukoed bur bendakdedamalad.