Éxodo 23:1 - Kuna San Blas

¹ “Mer gakansaar be ibmar sogo. Emargi gakansaar yolegega melle dule-isgana-ebo be igar nabogo.

Éxodo 23:1 Iomraidhean Croise

Génesis 39:17

Geb degine, ome dule-baiganga-sogsadyob e-suiga sogdebalid: “Hebreo-mai-be-anmarga-senonikidi, angi dodogega an-gabedyaba dogsad.

2 Samuel 16:3

Rey-David, Sibaʼse egisded: —¿Be-dummad-Saúl-e-wagwadina? Siba abin-sogded: —Jerusalén-neggweburgi besa. Ar ade, binsaed: ‘Emi-iba, e-dad-negsemaigusad gannar ega uklegoye.’

2 Samuel 19:27

Degisoggu, Siba bega ibmar-sognagua, an-ogakansanai gusad. Rey, be an-dummadid. Bab-Dummad-baliwituryob be gued, be-sogedba be an-imako. Be-dakedba be an-imako.

Salmo 101:5

Dule dule-baidgi-arbak-sunmaked an obelogoed. Dule-san-dummarba-saed, anse-warmaked an imakosulid. Dule-baigangi-obinye-soged, anse-warmaked an imakosulid.

Salmo 120:3

Dule-yardakmalad, ¡be dule-wilesmar! ¿Ar ibu bemarga uklegoe? ¿Ar ibu egi bemar nikuoe?

Salmo 15:3

Dule-baidgi-wissur-gakansaed, dule-aimar-naibi-imakdisulid, dule-emar-mesagwar-imakdisulid.

Salmo 27:12

Bab-Jehová, an-isdarmaladga mer be an-urmake, ar gakansaar-emar-barsogmalad, emar-sabsur-imakmalad, angi gwisgunanaid.

Salmo 35:11

Dule-barsogmalad-isganamar angi gwisguarmalad, an-ibmar-wissulid anse egismalad.

Éxodo 20:16

Melle be gakansaar aimargi sunmako.

Éxodo 23:7

”Binsa-dulemargi-gakansaar-yolemaladgi be bangumar. ”Degine, melle binsa dule-ibmar-oakalossulid-oburgwega be imako. Degi, melle dule-nued-daed okalobalo. Ar ade, dule-ibmar-oakalosad an sabsur-odurdakedsegad.

Proverbios 10:18

Dule-gakansaerbadi, sae-emar-daked odukued. Dule-emargi-isdar-sunmakedi, binsaedsuli gued.

Proverbios 12:17

Dule-inniki-gudiid ibmar-napiragwad sunmaked, dule ibmar-gusad-gakansaar-barsogeddina, unnila gakanbi-sunmaked.

Proverbios 14:5

Dule-ibmar-gusad-barsoged-innikigwad, wissur-gakansaed. Dule-ibmar-gusad-barsoged-napiragwadsuliddi, unnila gakangi sunmaked.

Proverbios 17:4

Dule-isgana, dulemar-gaya-isgana-sunmakedba ibsaed. Dule-gakansaegwa, dule-gaya-isgana-sogedba gudiid.

Proverbios 19:28

Dule-ibmar-daksad-gakansaar-soged igar-nabolenaidgi dodoged. Dule-isgana ibmar-isganaginbi sunmaked.

Proverbios 19:5

Dule-ibmar-daksad-gakansaar-sogedi, sabsur-odurdaklegosuli guosulid. Dule-gakansili na gwen san-onogosulid.

Proverbios 19:9

Dule-ibmar-daksad-gakansaar-sogedi, sabsur-odurdaklegosuli guosulid. Dule-gakansaar-sunmakedi, na burgwed-amioed.

Proverbios 21:28

Dule-ibmar-daksad-gakansaar-soged burgoed. Dule, a-duleba-ibsaeddi, deyob guedsemogad.

Proverbios 24:28

Melle be ibmar-daksasuli dule-baidgi sunmako, melle be egi gakansabalo.

Proverbios 25:18

Dule, e-aigi gakansaar-sunmakedi, akwa-mamaredyob gued. Es-suidyobi, degi, es-swiswidikidyob gubalid. Emar-wioged.

Proverbios 25:23

Dii-burwa-goledbali dii-wied danidaed. Gaya-isgana-sunmakedbali, neg-urwed noardaed.

Proverbios 6:19

dule-ibmar-daksad-gakansaar-ibmar-soged, gwenadgan-gwenadgan-ourwed-dule. We-ibmarmar, Bab-Jehová isdar daked.

Jeremías 20:10

Dule-bukidar sabsur-uasogagwar-sunmake an itoged.’ Weyob sogmalad: ‘¡Bela gwayed-dummad neg-naiye!’ Weyob sogmarbalid: ‘¡We-dulegi anmar gwisgunamala! ¡Anmar dummaganga barsognamala!’ An-aimar-nueganbela begi-isguega an-imakbimalad, amarbela weyob sogmalad: ‘Sunna Jeremías anmarse binsaed galeged. Deyobile, anmar egi obinoed, anmar buged-mai imakoed.’

Levítico 19:11

Melle ibmar be atursao. Melle be gakansao. Melle na be muchub-muchub yardakmalo.

Levítico 19:16

Melle be dulemargi yogasaar sunmako. Melle dule-baid-oburgwedgi be binsao. Ani an Bab-Jehová gued.

Mateo 19:18

Dule abin-sogded: —¿Igid-igarmala? Geb Jesús abin-sogded: —‘Melle be dule-oburgo. Melle be be-abirginsulid-ebo galagwensuli nanao. Melle be ibmar-atursao. Melle be gakansaar aimargi sunmako.

Lucas 19:8

Geb degi, Zaqueo gwisgusgu, Jesúsʼga sogded: —Dummad, emide, wegi an-ibmar an-na-nikadi, negabar dule-wileganaga an ukoed. Ar dule-gwensak-ibe an ibmar-atursasale, an ega ilabake bur-melu ukoed.

Lucas 3:14

Degine, suar-ibmala ese egichiarmarmogad: —Anmardi ¿ibi imakmarmogoe? Juan, abin-sogded: —Mer emar-annik gannadba mani suo, degine, mer binsa aimar-ogakansao. Ar bemar na be-bennuklegedgi, gusbin be itomalo.

Juan 7:51

—Anmar-igar-maidgi, sunna dule-wargwenga amba yoo igar-itoged-iduar bato soglesi, ¿be dummad-nosye, bega sabsur-odurdakleged-igar maiye? Suli, degisulid.

Romanos 3:8

Ar ibiga geg weyob soglesunna: Anmar ibmar-isgana imakmarye, adi, ibmar-nued nikuegarye.” (Weyobi dulemar gakansaar anmargi sunmakdimalad, anmarde, weyob odurdakdiiye). Ar Bab-Dummad igar-innikigwadba-ibmar-imakedsoggu, innikigwadba dulemar-degi-anmargi-sunmakdimalad-sabsur-odurdakoed.

Efesios 4:25

Degisoggu, be gakansaed mimarsun, unnila be igar-napiragwadgi na ga be sunmakmarsun, ar ade, anmar bela Cristoʼgi unnila san-wargwennaa gumalad.

Deuteronomio 5:20

Melle be gakansaar aimargi sunmako.

2 Timoteo 3:3

Dule-sabed-gwen-niksurmalad. Dulemar egi yolesar, geg-na-san-bargamalad. Gadi-gakan-berbemalad. Wissur-na-san-bargamalad. Sabsur-aimar-imakmalad. Ibmar-nuegan-isdar-dakmalad.

1 Pedro 3:16

Be a-dulemar-abin-imakder, mer na san-odummogar be sunmako. Nue na san-bargaagwar be a-dulemar abinsaoed. Ulubgi-gwen-isgudisuli-itogedgi be abin-imako, adi, be Cristo-sorda-guedgi dulemar-begi-binsa-gakansaar-sunmakmalad obingegsaegar.

Apocalipsis 12:10

Geb nibneggi gayaburba binnasur gole an itosad. Weyob soged: “Emigindi, anmar-Bab-Dummad-e-abonoged-igar nonisun. Anmar-Bab-Dummad-e-gangued nonisun. Anmar-Bab-Dummad-e-negsemaid nonisun. E-Cristo-e-gargangued nonisun. Ar ade, nia-saila, Bab-Dummad-asabin anmar-gwenadgangi mutikidba, ibginedba, isdar-sunmakdidaedi, onolessunnad.