Éxodo 22:9 - Kuna San Blas

⁹ ”Dulemar-ebogwad sogmalale, we-ibmar angadye: Moli-bebe-nikad-alugwasualeddibe, moli-uayasuiddibe, sibad-wawaaddibe, mordibe, ibi-ibmar-yoggusaddibe. We-dulemar-ebogwad, dummagan-igar-nabomalad-asabin namaloed. Ar doa bur ibmar-atursas dakledagoe, a-dule, ilabo-wilub dule-baid-bennukoed.

Éxodo 22:9 Iomraidhean Croise

Génesis 31:39

Ibmar-durgan-sapurbarmalad bei sibad-oburgwisale, an bennukewilubsulinad, aka an bur bennukdedaed. Mutikidbardibe, ibginedbardibe, bei-sibad-aturimaklesale, be angi mani gadaed.”

1 Reyes 8:31

”Dule-gwensak e-gwenadgi yolesdibe, we-dulega soglesdibe, bese-goled-neg-dummadse nonikoye, agi Bab-Dummad-e-aila-asabin ise-sogar-sogdibe, an egi yolessurye,

2 Crónicas 19:10

”Be-gwenadgan neggweburmar-baiganginmalad, boni-nika bese danimalale: Na ablis-eosmaladgindibe, Moisés-Igar-Maidgindibe, Bab-Dummad-Igar-odurdaklemaidgindibe, ega be we-Igarmargi sunmakoed, ega weyob be sogoed: ‘Mer Bab-Jehováʼgi be isgumarye.’ Adi, mer Bab-Jehová-sae-itogedgi bemar odurdaklegegarye, degi, be-gwenadgangi mer yolebaligarye. Ar deyob be imakmalale, begi ataklegosulid.

Éxodo 22:10

”Dule-wargwen bensulidgi dule-baidga ibdurgan uksale: Moli-uayasuid ega akwega uksadibe, moli-bebe-nikad-alugwasualeddibe, sibad-wawaaddibe, we-ibmar-ega-uksad burgwenonikile, naibigunonidibe, dule-gwen-daksasuli ei atursalenonidibe,

Éxodo 22:28

”Melle bela-bela sabsur Bab-Dummadgi ichakwaa sunmako, degine, melle dule-be-neggwebur-semaid be ukabsao.

Éxodo 22:4

”Ibdurgan-atursalesad amba-dula dule-atursasad-neggi-gudii daklealile, dule-ibdurgan-atursasad ilabo-wilub ukoed: Moli-bebe-nikad-machered-alugwasualeddibe, moli-uayasuiddibe, sibad-wawaaddibe, ilabo-wilub e-ibedga ukoed.

Levítico 6:5

ibmar-bamaladgi-gakansaar-sogsad-imakoye. We-dule, a-ibmarmar bela e-ibedga gannar ukoed, deginbali, napi ibmar-atargi gwensak ega ukbaloed. Ar e-isgued-ular, ibmar-uknaid-ibagi, ibmar-ibedga bela we-ibmarmar gannar ukoed.

Mateo 18:15

Jesús sogdebalid: “Degisoggu, be-gwenad begi nosale, ese be nao. Unnila bebo-apinni-siidgi nue ega be sogo, nue be angi nosye. Ar be-gwenad nabir be-itosale, be-gwenad be-aiga gannar gunonikoed.

Mateo 18:35

Geb degi, Jesús sogded: “Ar bemar bela gwagegi na be-gwenad-begi-nosad be ega sogsurmalar, igi-barsaye, deyobi an-Bab-nibneggi-maid bemar-sabsur-imakmarmogoed.”

Deuteronomio 25:1

Moisés Israel-dulemarga sogdebalid: “Dule na ebo gachimaknaidibe, dule-igar-nabomaladse namaloed, wemala ega igar-nabomaloed. Dule-nosa-daklenonikid sabsur-odurdaklegoed, baiddi odurdaklegosulid.