Éxodo 20:3 - Kuna San Blas

³ Melle bab-dummad-baid an-asabin be nikumalo.

Éxodo 20:3 Iomraidhean Croise

1 Reyes 11:4

Salomón nue-selebagusgua, e-omegan e-bab-dummadba-nanaega Salomón-imaksad. Degisoggu, Salomón, e-bab-David Bab-Jehováʼba-nanadigusayobi, Salomón Bab-Jehováʼba bar inniki-nanadii gussulid.

Salmo 29:2

Bab-Jehová, Bab-Dummad-gued-ulale, e-nug be odummomar, Bab-Jehová-e-neg-islidikidgi, be Bab-Dummad-nug ogannomar.

Salmo 73:25

¿Ar doa nibneggi an-edarbemaisunna? Unnila bebi an-edarbemaid. Ar an beba gudiile, we-napneggi ibmar-baid an abesulid.

Salmo 81:10

Ani, an be-Bab-Dummad-Jehová gued. Ani an Egipto-yargi bemar-onosad. Guagwar be bukumala, an bemarga mas-obinebaka ukoed.

Salmo 81:9

Bab-dummagan-bamalad be-Bab-Dummadga be imakosurmalad, bab-dummagan-bamalad-asabin, be yokorgi sindigar sigosurmalad.

Éxodo 15:11

Bab-Jehová, ¡bab-dummad-baid bebo wilubdaked sated! ¡Beyob-isligwaled, baid sated! ¡Beyob-dummadid, satebalid! ¡Be ibmar-gegerdakleged-imakedi, dobe-ito anmar-imaked! ¡Ar nabirid, be-nug odummolegergebed!

Éxodo 20:23

Melle bemar orgi-ibmar-sobaled, manigi-ibmar-sobaleddibe, be-bab-dummadga anyob be imakmalo.

Éxodo 22:19

”Dule ibdurganbo galagwensur guele, we-dule, oburgwilegoed.

Éxodo 23:24

”Melle we-dulemar-sunnasurdamaladba be damarmogo. Melle e-bab-dummagan-asabin be yokorgi-sindigar sigmalo, degine, melle e-nug odummomarbalo. Bur e-bab-dummagan-e-wilubgan-sobarmalad be osulogoed. E-akwa-e-bab-dummadganga-imakmalad ei be mamaroed.

Éxodo 32:8

An-ega-Igar-uksadgi bato bangudmalad. Emide, or dusmalad, moli-bebe-nikad-sapingwagwadyob sobsamalad. A-molise Bab-Dummadyob ese gornanaid, Bab-Dummadyob ega ibmar-ogumakar uknanaid. Sogdemalad: ‘Israel-dulemar, we be-bab-dummagan-dake, we Egipto-yargi bemar-onosad-dake.’

Éxodo 34:14

”Ar ani Bab-Jehová gadi-nobgusoggu, baid-bab-dummagan-asabin be dulluu imakosurmalad. Ar Bab-Jehová, e-nug-nugadi Gadi-Nobguedye nugad.

Isaías 26:4

Bab-Jehováʼgi-bensuli be gudii gumar, ar Bab-Jehováʼbi akwasailayobi degisadegu gued.

Isaías 42:8

”¡Ani an Jehová gued! ¡Deyob an nugad! An-nug-odummolegedi, dule-baidgadga guosulid. An-nug-odummolegedi, ibmar-sobaled-bab-dummadyob-imaklemaladga an ukosurbalid.

Isaías 43:10

Bab-Jehová Israel-dulemarga soged: “Bemar an-barsogega be gumar, anga-arbaega an bemar-susad, adi, bemar magar-an-dakmalagar, melle angi bengumalagar. Adi, be magar-itomalagar, an doa gue. An-iduale, bab-dummad-baid gwen megissulid, gwen an-sorba bab-dummad-baid megosurbalid.

Isaías 44:8

¡Melle be gwayemar, gandik be imakmar! ¿Ar bato an bega sogsasursi? ¿Dikasurgus an be-owisossursi? Ar bemar an-barsogega gumalad. ¿Ar Bab-Dummad-baid maisi? Suli. ¿Bab-Dummad-baid bebina-sogedi maisi? Suli. Gwen Bab-Dummad-baid-gudii an dakdisulid.”

Isaías 46:9

Epenne ibmar-dikasurgus-gusmalad be ebinsamalo. Ani an Bab-Dummadid, dule-baid sated, Ani an Bab-Dummadid, dule-anyobid sulid.

Jeremías 25:6

Degi, melle bab-dummagan-baiganse be gormalo, melle be e-nug-odummomalo. Melle be ibmar-isgana-imakmaladba an-ourwemalo. Adi, an sabsur bemar-imakosulid.’ ”

Jeremías 35:15

” ’De-ukinbali, an bemarga an-maimar, an-gayaburba-barsogmalad barmimaiguad. Adi, bemarga sogmalagar: Be-igar-isganagi be bangumarye, be-damalad be ogwamarye, melle be, bab-dummaganba nanamarye. Adi, be nabir an bemarga yala-uksadgi, degi, an be-dadganga-yala-uksadgi be ambikumalagarye. Degi-inigwele, an bemarga-ibmar-soged be itossurmalad, an-sogedba be ibsassurmalad.

Jeremías 7:9

Bemar gadi-ibmar-atursamalad, emar-gindakmalad, abirgunagwarsuli-galagwensuli-nanamalad, ibmar-imakedseye be ise-sogar binsa-sogdamalad, bab-dummad-Baalʼga ina-wawadikid ukmalad, degine, bab-dummad-baigan-akudakmaladse be gordimalad,

Daniel 3:18

Ar anmar-Bab-Dummad amba anmar-bendaksulile, rey na be wisguergebed, anmar be-bab-dummagan-e-nug, degi, be ibmar-duleyob-orgi-sobaled sobsagusad-e-nug odummogosulid.

Oseas 13:4

Bab-Dummad Israel-dulemarga sogded: “Israel-dulemar, Egipto-yargi be bukwamargua, bato an bemar-Bab-Dummadid. An-imbagi Bab-Dummad-baid be nikuosurmalad, an-imbagi Abonoged-baid be nikuosurbalid. Unnila anbi be-Bab-Dummadga gued.

Mateo 4:10

Geb degi, Jesús, abin-sogded: —Nia-saila-Satanás, be angi bangu. Ar Bab-Dummad-Gardagi narmakar maid: ‘Bab-Dummad-be-Dummad-e-nug be odummodii nanao. Unnila agarbi be ibmar imako.’ Deuteronomio 6:13

1 Corintios 8:4

Nabirdo, bab-dummaganga-imaklegedga masgulleged-uked-igar weyobid. Anmar wisid, bab-dummaganga-imakleged, we-napneggi bab-dummad-sunnadsulid, unnila Bab-Dummad-sunnad wargwenna gued.

1 Corintios 8:6

Ar anmargardina, unnila Bab-Dummad-sunnad wargwenna gued. A-Bab-Dummad anmar-babad, aginbi bela ibmar danikid, degine, anmar Bab-Dummadga dula gudimogad. Degine, Dule-Dummad, wargwenna gubalid, adi, Jesucristo gued. Agine, bela ibmar danibalid, degine, anmar aba dula gudimogad.

Efesios 5:5

Ar bato bemar wisid, dule abirgunagwarsuli-na-negsichigi-yolediidi, dule galagwensuli-gudiidi, degi, dule dogdar-ibmarbina-surbinsa-itodiidi, (we-ibmar e-bab-dummadga na imakdiid), Cristo-negdakmaidse, degi, Bab-Dummad-e-negdakmaidse, doged-igar ega gwen maisulid.

Deuteronomio 5:7

” ’Melle bab-dummad-baid an-asabin be nikumalo.

Deuteronomio 6:14

Melle be dule-be-dikarba-bubukwamalad-e-bab-dummaganba be namalo.

Deuteronomio 6:5

”Be-Bab-Dummad-Jehová bela-belad be-gwagegi, be-san-burbagi, degine, bela be-ganguedgi be sabguoed.

Filipenses 3:19

Amargardi, bergued-igar maid. Ar na e-saban e-bab-dummadga imakdimalad. E-ibmar-imakdiidgi san-dummarbaa itodimalad. Ar a-ibmar-imakedgi bur binge itowilubmalanad. Unnila we-napneggi-ibmar-nikadginbi binsamalad.

Colosenses 2:18

Dulemar-na-yamo-san-bipi-imakdimalad, degi, baliwitur-nug-odummodimalad, mer Bab-neggi-be-ibmar-nued-maid begi sued be imako. Ar amardi, ibmar-daksasuli binsa gordiid, degi, na e-galagwensuli-binsaedba san-odummodimalad.

Apocalipsis 19:10

An Baliwitur-asabin e-nug-odummogega, yokorgi-sindigar an sigided. A-baliwitur anga sogded: “Mer be deyob imak. Mer yokorgi an-asabin sindigar be sige. Ar an, be-sunnaamogad, gwenadgan-Jesúsʼba-nanaimalad-gwen-galakussurmaladyob an Jesús-e-maimogad. Unnila, Bab-Dummad-e-nugbi be odummoge.” Ar Jesús-gayaburba-odurdaksadi, Bab-Dummad-gayaburba-barsogmalad gatik-dulemarga-sunmakega imaked.

Apocalipsis 22:9

A-baliwitur anga sogded: “Mer be deyob imak. Mer yokorgi an-asabin sindigar be sige. Ar an be-sunnaamogad, be-gwenadgan-Bab-Dummad-gayaburba-barsogmaladyobmogad. Ar an dulemar-we-garda-narmakar-naidba-nanadimaladyobmogad. Unnila Bab-Dummad-e-nugbi be odummoge.”

Jueces 6:10

An bemarga sogsabalid: Ani an bemar-Bab-Dummad-Jehová guye. Melle bemar Amorreo-dulemar-yargi-bukwadgi, e-bab-dummaganse-gormaloye an sogsad. Degi-inigwele, bemar an-itossurmalad.’ ”