Éxodo 20:2 - Kuna San Blas

² “Ani an be-Bab-Dummad-Jehová gued. Bemar Egipto-yargi maiga-wilebukmargu, ani an bemar-onosadid.

Éxodo 20:2 Iomraidhean Croise

1 Reyes 18:39

Israel-dulemar deyob daksagu, napase dulluu imaksamalad, sogdemalad: “¡Bab-Jehová, Bab-Dummad-napiragwadid! ¡Bab-Jehová, Bab-Dummad-napiragwadid!”

2 Reyes 17:12

Ar ade, ibmar-bab-dummaganyob-imaklegedse gordii gusmalad. Bab-Jehová ega sogsa gusad: “Melle bab-dummaganyob-imakleged-nug-odummodii be gumaloye.”

2 Reyes 17:7

Ar Israel-dulemar e-Bab-Dummad-Jehová Egipto-yargi Rey-Faraónʼse-wilebukwa-e-onosgusad-akar Bab-Jehováʼgi isgunonimalad. Ar Israel-dulemardi bab-dummagan-baiganse gordii gusmalad.

2 Crónicas 28:5

A-ulale, e-Bab-Dummad-Jehová, Siria-e-reyga Acaz-urmaksad. Degi, Siria-dulemar egi nakwissunnad. Degine, Siria-sordamar, Damasco-neggweburse Acaz-dulemar-bukidar-gasa sesmarbalid. Degi, Rey-Acaz, Israel-reyga amba urmaklesbalid. Agi, Israel-dulemarse dummad-galakusad.

Salmo 50:7

“Israel-dulemar, an-itomala, an-sunmaksokalid nue-itomala. An-dulamar, an begi sunmaksokalid: Ani an be-Bab-Dummadid, unnila, anbi Bab-Dummad maid.

Salmo 81:10

Ani, an be-Bab-Dummad-Jehová gued. Ani an Egipto-yargi bemar-onosad. Guagwar be bukumala, an bemarga mas-obinebaka ukoed.

Salmo 81:11

”Degi-inigwele, an-dulamar an-itossurmalad, Israel-dulemar anba ibsabisur gusad.

Salmo 81:7

Bemar suli-suli-itoarmargua, be anse gochamalad, agine, an be-bendaksamalad. Mogir-gudureged-imbaba, an be-abin-imaksamalad. Mar-gollomakmaid-abargi, an be-abin-imaksamalad. Meriba-dii-naba an bemar-wilubdaksad.

Éxodo 13:14

”Ar ibagwengi be-machi bese egichialile, ar wede ibi obarye. Be-machiga bemar sogoed: ‘Bab-Jehová gandikidba Egipto-yargi deun anmar maiga wilebukwagua, anmar-onosgusye.

Éxodo 13:3

Geb degine, Moisés Israel-dulemarga sogded: “We-iba nue be insamalo. Bab-Jehová, bemar Egipto-yargi maiga-wilebukwadgi gandikidba bemar-ononaid. Melle bemar madu e-ina-nika gunmalo.

Éxodo 15:13

”We-dulemar be abonosadi, be-sabedbali na be semaid. Be-ganguedbali, we-dulemar be-neg-swilidikidse na be sedoed.

Éxodo 15:16

Bab-Jehová, be-surgan-ganguedba we-dulemar bela-belad-gwakidmalodo. Bela we-dulemar dobgudmalodo. Bab-Jehová, be-gangued-abin we-dulemar akwayob geg sunmak sigmaloed. Bela be-dulemar-na-begadga-imaksad bela-obaksadse, we-dulemar bogidik ambikumaloed.

Éxodo 15:26

Bab-Jehová Israel-dulemarga weyob sogded: “Ani an bemar-Bab-Dummad-Jehová gued. Ar bemar, an bemarga-ibmar-soged be nue itomalale, an-ibmar-abegedba be imakele, degi, an igar-bemarga-uksad be imakmalale, degine, an-igar-mamaidba be damalale, Egipto-dulemargi bonigan-dummagan-an-barmialidi, bemargi a-bonigan an barmidagosulid. Ar ade, ani an Bab-Jehová gued. Ar ani an bemar-nudakedid.”

Éxodo 20:1

Bab-Dummad sunmakded, weyob sogded:

Éxodo 29:46

Adi, deyob Israel-dulemar wisgumaloed: Ani an, e-Bab-Dummad-Jehová guye. Ani an, emar-Egipto-yargi-wilebukwamargu, onosye, adi, emar-abargi an gudii guegarye. Ar ani an, Bab-Jehová gued, ani an, e-Bab-Dummadid.”

Éxodo 6:6

“Degisoggu, Israel-dulemarga be sogna: ‘Ani, an Bab-Jehová gued. Egipto-dulemar-maiga be gubukmaladgi, sabsur be-imakdimaladgi an bemar-onogoed. An-gangued-nikadba an Egipto-dulemar sabsur-odurdakoed. Aba an be-bendakoed.

Isaías 43:3

Ar ade, ani an be-Bab-Dummad-Jehová gued, an Israel-dulamar-e-Bab-Dummad-Isligwaledid, an be-Abonogedid. Ani an, be-onogega, Egipto-dulemar-urmaksad. Be-muchub Etiopía-yar, degi, Seba-yar an urmaksad.

Jeremías 16:14

Bab-Jehová weyob sogbalid: “Dulemar bar weyob-sogosulid-ibagan danikid: ‘¡Bab-Jehová-e-nug odummomarye, ar Egipto-yalagi Israel-dulemar-onosadiddeeye!’

Jeremías 2:6

Bipisaale, be-dadgan gwen-egichasurmalad: Bab-Jehová-Egipto-yalagi-anmar-onosadi, ¿bia-nadye? Bab-Jehová-nega-dulesulidganba-anmar-idusadi, napa-dii-sateganba, degi, nega-buleganba-anmar-seargusadi, bia-nadye, gwen egichasurmalad. Bab-Jehová-nega-dinnaganba, degi, negasichidganba-anmar-seargusadi, bia-nadye, gwen egichasurmalad. Nega-dulemar-iirmaksurmaladba, degine, dulemar-bukwasulidba-anmar-seargusadi, bia-nadye, be-dadgan gwen egichasurmalad.

Jeremías 31:1

Bab-Jehová weyob soged: “A-ibagangine, ani an bela Israel-dulemar-e-Bab-Dummadga guoed, Israel-dulemala an-dulaga gumarmogoed.”

Jeremías 31:33

Bab-Jehová soged: “A-ibagangine, Israel-dulemar-ebo an weyob igar mesoed: E-gwage-ulubgi an-igar an ega nasikoed, e-binsaedgi an-igar an ega narmakoed. Ani an e-Bab-Dummadga guoed, emar an-dulaga gumarmogoed.

Jeremías 34:13

“Israel-dulemar-Bab-Dummad-Jehová soged: ‘Ani an, bemar-dadgan Egipto-yalagi-maiga-bukwadgi-onosgu, deunni, an ebo igar mesisad. An ega weyob igar uksad:

Ezequiel 20:19

Ani an Bab-Jehová, be-Bab-Dummadid. An-Igar-Mamaidba be nanamala, an-Igar-Mesisadba be ibsamala.

Ezequiel 20:5

‘Bab-Jehová-Bela-Gangued-Nikadi weyob sogye ega be soge: An Israel-susad-ibagine, an Jacob-waganga ibmar-ise-sogar sogsagusad. Egipto-yargi magar-an-dakmalaga an ega ibmar-imaksagusgu, an gannar wemarga ibmar-ise-sogar sogsabalid: Ani an Bab-Jehová, be-Bab-Dummadye.’

Ezequiel 20:7

Geb bela wemarga an igar-uksa gusad, be-bab-dummadyob-ibmar-imaklemalad be mimarye, Egipto-e-bab-dummadyob-ibmar-imakleged-imadaklemaladba mer be isgumaloye. Ani an bemar-Bab-Dummad-Jehová gued.’

Oseas 12:10

Ani an anga-gayaburba-barsogmaladba an bemarga sunmaksad. Wemar bukidar-negburgan-dakega an imaksad. Wemarbali an burbar-sunmaklegedgi an sunmaksad.

Oseas 13:4

Bab-Dummad Israel-dulemarga sogded: “Israel-dulemar, Egipto-yargi be bukwamargua, bato an bemar-Bab-Dummadid. An-imbagi Bab-Dummad-baid be nikuosurmalad, an-imbagi Abonoged-baid be nikuosurbalid. Unnila anbi be-Bab-Dummadga gued.

Levítico 11:45

Ani an Bab-Jehová gued. Ani an Egipto-yargi bemar-onosad, adi, an be-Bab-Dummadga guegar. Degisoggu, bemar gwage-swilidik imakmala, ar an dule-islidikidid.

Levítico 19:36

Ibmar-wilubdaked-nued, nibir-nued, degi, ibmar-wilubsaed-nued be ebumalo. Ani an be-Bab-Dummad-Jehová gued. An Egipto-yargi be-onosadid.

Levítico 23:43

adi, be-wagan wisgumalaga, an Egipto-yargi Israel-dulemar-onosgu, ani an neg-matargan-sobaledgi-megega bemar-imaksaye. Ani an bemar-Bab-Dummad-Jehová gued.’ ”

Levítico 25:38

Ani an be-Bab-Dummad-Jehová gued. Ani an Canaán-yala bemarga ukega, Egipto-yargi bemar-onosad, adi, an be-Bab-Dummadga guegar.

Levítico 25:42

Deyob guoed, ar ade, Israel-dulemar anga-arbamalad-gumalad, ani an wemar Egipto-yargi onosad. A-ular, Israel-dulemala maiga-guega manigi uklegosurmalad.

Levítico 25:55

” ’Israel-dulemar anga-arbamalad gumalad. We-Israel-dulemar, ani an Egipto-yargi onosad. Ani an be-Bab-Dummad-Jehová gued.’ ”

Levítico 26:1

Bab-Jehová, Moisésʼga sogdebalid: “Melle ibmar-sobarmalad bab-dummadyob-imakegala, be sobmalo. Ibmaryob-daklemalad-wilubgan, degi, akwa-islidikmalad, melle be sobmarbalo. Deginbali, akwa-sobaled bemar-yargi be siosurmarbalid, adi, melle bemar a-asabin dulluu imakegar. Ar ani an be-Bab-Dummad-Jehová gued.

Levítico 26:13

Ani an bemar-Bab-Dummad-Jehová gued. Ani an Egipto-yargi bemar-onosad, adi, bemar Egipto-dulemar-e-maiga mer bar-guegar. Bemar mer bingegudii gumalaga, maiga-gudiidgi an bemar-onosad.”

Amós 2:10

”Egipto-yargi-noega an bemar-imaksamalad. Nega-dulesulidganba birga-dulabo (40) an bemar-idudii gusad, adi, Amorreo-dulemar-bukwamalad-e-yala bemarga ukegar.

Romanos 10:12

Ar Bab-Dummad Judíoʼmar, degi, Judíoʼsurmalad, akar-akar daksulid, emarbi daked. Ar Bab-Dummad ebi wargwenna bela dulemar-e-Dummadga maid, bela obinagwar dulemar-ese-goledga ibmar ukmaid.

Romanos 3:29

¿Ar Bab-Dummadde unnila Judíoʼmar-e-Bab-Dummadbisi? ¿Ar Judíoʼsurmalad-e-Bab-Dummadmosursi? Napiragwad, ar Bab-Dummad Judíoʼsurmalad-e-Bab-Dummadmogad.

Deuteronomio 13:10

Burgwedse be akwagi makoed. ”Be-Bab-Dummad-Jehová, Egipto-yargi be wilebukwamargu, bemar-onos gusad. A-dule, a-Bab-Dummadgi bemar-obanbi gusad.

Deuteronomio 15:15

Be Egipto-yargi maiga-gudigusmogad be ebinsamalo. Degine, be-Bab-Dummad-Jehová Egipto-yargi-be-onosad be ebinsao. A-ulale, emi an deyob bega igar uked.

Deuteronomio 20:1

Moisés Israel-dulemarga sogdebalid: “Be-isdarmaladgi be bila-ononad-sogele, agi be molimar-dakalile, urmar-napaginmalad-dakalile, degine, dulemar-bur-bule-beba-mergu be dakalile, melle be dobgumalo. Ar ade, be-Bab-Dummad-Jehová, Egipto-yargi-bemar-onosadi, bemarba gudii guoed.

Deuteronomio 5:15

Egipto-yargi be maiga-gusmogad be ebinsao. Ar a-yargi be-Bab-Dummad-Jehová e-gangued-nikadba-be-onosadi, be ebinsao. A-ulale, be-Bab-Dummad-Jehová, bega igar-uksad: Obunnoged-ibagi be obunnogoye.

Deuteronomio 5:6

‘Ani an be-Bab-Dummad-Jehová gued. Bemar Egipto-yargi maiga-wilebukmargu, ani an bemar-onosadid.

Deuteronomio 7:8

Ar Bab-Jehová bemar-sabedba bemar-sunonikid. Deginbali, be-dadganga ise-sogar-ibmar-imakoye-sogsadba bemar-sunonikid. Agala, Bab-Jehová, Egipto-e-rey-Faraón-negsemaidgi bemar-onosad. Sabsur-odurdakle-bukwamargu, gandikidba bemar-onosad.

Jueces 2:1

Bab-Jehová-e-baliwitur Gilgal-neggwebur-akar nadegusad Boquim-neg-nugadse, adi, Israel-dulemarga gayaburba sogegar: “Ani an Egipto-yargi bemar-onisad, be-dadganga-yar-ukoye an ise-sogar-sogsadse, an bemar-senonikid. Deun, be-dadganga ise-sogar an sogsa gusad, bipisaale, an bemar-ebo-Igar-Mesisad bar an osulogosurye.

Jueces 6:10

An bemarga sogsabalid: Ani an bemar-Bab-Dummad-Jehová guye. Melle bemar Amorreo-dulemar-yargi-bukwadgi, e-bab-dummaganse-gormaloye an sogsad. Degi-inigwele, bemar an-itossurmalad.’ ”