Éxodo 2:3 - Kuna San Blas

³ Ar geg bar-dikasurgus odukugussoggu, sargi-garba susad. Geb a-garba-e-yaa-ollo-ollogwad baryagi enir-enir imaksad. Geb degine, e-nan sargi-garbagi machi-bipi-mesisgu, nargammugiid-diwar-gakaba-bukwad-imbaba nasiksad.

Éxodo 2:3 Iomraidhean Croise

Génesis 11:3

Ibagwengi, na ga muchub-muchub sokarmalad: “Anmar dakebinne, anmar napa-ginnid akwayob dutusuli sobe, geb degine, anmar soogine ogumakar imakoed.” Weyob akwa-anar napa-ginnid-akwayob-dutusuli-sobaled ebusmalad, degine, barya ebusmarbalid, ebo acha-acha imakegar.

Génesis 14:10

Dakargua, bela Sidim-nebagi yaa-dummagan-bukidar-bukwa nanaed. We-yaa-dummagande barya-yaisur nikad. Sodoma-e-rey, degi, Gomorra-e-rey urwenanaigua, wakite gusmalanad. Degi-inigwele, yaa-dummadgi argwatapmalad. E-sordamar-baigandi yalaganba wakitemalad.

Génesis 6:14

Bab-Dummad sogdebalid: “Noé, ur-dummad na be sobo. Suar-goferʼye-nugad-e-urgomar be ebugoed. Ur-soboedgi gwardumar be sioed. Ur-dummad-be-soboeddi magaba, degine, yaba baryagi bela be magoed.

Éxodo 1:22

Ar Faraónʼdi na e-dulemarga igar-mesisad: “Hebreo-dule-gwalulesale, machigwadibe, bela diwarse metemalo. Bunolordina, melle oburgwemalo.”

Isaías 18:2

Ur-nagwaryob-daklegedgi-sobaledba Nilo-diwarba dule-garda-berbemalad-barmimalad, ¡be duledar-wilesmar! ”Dule-garda-berbemalad-gandik-nanamalad be gwae-namar, dule-mullusurmaladse be namar, uka-sichigwadba-uka-dakaar-gamaladse be namar, we-dulemar-bela-dobesar-daklemaladse be namar, dulemar-gargandikmaladse be namar, dulegi-obin-san-sadimaladse be namar, yala-emargi-obinsiidse be namar. A-yala, diwarmar-iirmakmaid-yalad.

Isaías 19:6

Dian-akwiar-mamaid sunnasuli yapanne gudoed, Nilo-diimar-iirmakmaidi, iremai gudoed, bela dinna naoed. Nallayob-daklemaladi, degi, nagwaryob-daklemaladi, bela burgwidoed.

Isaías 35:7

Napa-dinnagana dii egi sigega an imakoed. Neg-dinnagana-naigusadgi, ibe makumakar aryogwichioed. Achu-sapur-uaya-gannagan e-negga-gusadgi, nargammugi-daklemaladbi guoed, degi, naiwargi-daklemalad-negga guoed.

Mateo 2:13

Ar girmar-dad-nakwe-dorgan-naded-sorba, agi, Bab-Dummad-e-baliwitur gabgi Joséʼse nonikid, ega sognonikid: “Be gwisgu, mimmi be sue, e-nan be sue, Egiptoʼse be wakinmar. An-bega-sogedse be weba gudigumalo. Ar ade, Herodes mimmi-oburgwega mimmi-amidagoed.”

Mateo 2:16

Herodes dakdegu, girmar-dada-nakwe-dorgan e-yar-daksa, nue sae-itoded. Degisoggu, a-ulale, bela Belén-neggweburgi, degi, neggwebur-dikarbarmalad machimala-birgabo-akuar-nikmalad-oburgoye igar uksasunnad. Ar ade, Herodes nue-itosad, mimmi birgabosaar nikargebye.

Gusmalad 7:19

A-rey yamo-yardakakwaa anmar-dadgan-sabsur-wioali gusad. Anmar-dadgan-mimmigan burgwemai-guegala, e-mimmigan-wargwen-obegega imakdaed. Adi, melle Israel-dula bar mergumai guegar.