Éxodo 2:23 - Kuna San Blas

²³ Birgamar naded, geb Egipto-e-rey burgwenonikid. Degi-inigwele, Israel-dulemardi amba maiga gudidimalad-ular, naibi-itodidimalad. A-ular, bodidimalad. Geb degine, Bab-Dummad we-Israel-dulemar-bodidimalad itosad.

Éxodo 2:23 Iomraidhean Croise

Génesis 16:11

Bab-Jehová-baliwitur sogdebalid: “Be bonigwar-gudiidi, susugwa be nikuoed. Bab-Jehová be-wilediid itossoggu, we-machigwa Ismaelʼye be onugsaoed.

Génesis 4:10

Bab-Jehová Caínʼga sogded: —Ar wede, ¿ibi be imaksa? Be-urba-ablis be eosad. Emide, a anga sogeyob an itoged: ‘Anga be igar-naboye.’

Nehemías 9:9

” ’Anmar-dadgan-Egipto-yargi-wilebukwa-gusadi, be daksad. Demar-Ginnidye-nugad-gakaba bese binnasur gotemargu, be itosad.

Job 35:9

”Ar neg nue-isgusnaisoggua, dulemar na bendakleged amidimalad. Dule-bulegan-emar-wionaidgi-noegala, bendakleged egisnanaid.

Salmo 102:1

Bab-Jehováʼye, an bese-gornaid be itoge, wilesagwar-an bese-gornaid bese mosana gadin.

Salmo 102:2

Bonigan angi-yolenonikile, mer be an-idu dukuo, nue be an-itogo. An bese-gornaile, gwae be an-abin-imako.

Salmo 12:5

Emide, Bab-Jehová, bede soged: “Dule-e-bendaked-satemalad mesagwar-imaklediid-ular, an gwisguoye. Dule ibmar-sate-gudimaladba bela-belad-bodimalad, an bendakoye.”

Salmo 18:6

An surbinsa-itodiidgi Bab-Jehováʼse an gote gusad, Bab-Dummadse ise-gollar an imaksad. Agine, e-neg-akale, an-itononikid. Bab-Jehováʼse-an-gornaidi, e-uayagwar an-itosad.

Éxodo 1:14

Nue wiosmalad, arbaed-dutusulid ega ukdamalad, napsa-obured, degi, napsa-ginnid akwayob-sobega, deginbali, bela sapurba-arbaleged amarga uksabalid. Bela wemargine, Israel-dulemala sabsur imakledamalad.

Éxodo 4:19

Moisés Madián-yalaganba amba gudigua, agi Bab-Jehová Moisésʼga sogsad: —Egipto-yarse gannar be nae, ar ade, bela dulemar-be-oburgwebimaladi bato bela burgwismalad.

Éxodo 6:5

Emide, Israel-dulemar nunmakedba bodidimalad. Degine, Egipto-dulemar na e-maiga gandikidgi-be-imakdidimalad an itosad. Be-dadganbo an igar-mesisad an iessulid.

Éxodo 6:9

Moisés bela weyob Israel-dulemarga sogsad. Degi-inigwele, Israel-dulemar maiga-gudidimalad-ular, nue bukib-itodidimalad-ular, Moisésʼba ibsassurmalad.

Éxodo 7:7

Moisés, degi, Aarón, Faraónʼbo sunmaksamargua, deunni, Moisés birga-dulabake (80) nikad. Aarónʼdi deunni, birga-dulabake-gakapaa (83) nikad.

Isaías 19:20

Ar a-akwa-dummadi Egipto-dulemarga e-wilubga guoed. Adi, oyogega, Egipto-dulemar Bab-Jehová-Bela-Gangued-Nikad-e-nug odummomarmoye. Ar Egipto-dulemar Bab-Jehováʼse mesagwar-dule-e-imakmaladgi e-ollor-imakega gotemaloed. Bab-Jehová ega dule-e-abonoged, degi, dule-e-ular-gwisgued barmidagoed, adi, mesagwar-dule-e-imakmaladgi ollor-imakegar.

Isaías 5:7

Israel-dulemar Bab-Jehová-Bela-Gangued-Nikad-e-uva-nainu gued. Judá-machergandi ega uva-yeerdakle-digaledga gued. Bab-Jehová Israel-dulemar ega igar-innikigwad-imaked edarbediinad, emide dakalid, unnila dule-ablis-eodimaladbi gudimala. Bab-Jehová, ega igar-napiragwadba-nanaed edarbediinad, emide dakalid, unnila suli-suli-itogedba binnasuli gormakdimala.

Números 20:16

Agine, Bab-Jehováʼse anmar gotegusmalad. Bab-Jehová anmar-itosad. Anmarga na e-baliwitur-barmiargusad. A-baliwitur Egipto-yargi anmar-onosgusad. ” ’Emigindi, anmar Cades-neggweburgi be-yar-abingunaid-dikarba bukwamalad.

Gusmalad 7:30

”A-birgadulabogus (40) ibmar-gusad-sorbali, nega-dulesulidganba, Sinaíʼye-yar-nugad-itakasaar, sapi-gwabunye-gwichid-gummakmaidyob-abargi baliwitur-wargwen Moisésʼse magarosad.

Deuteronomio 24:15

Arbasadgi yog bennukar be imakoed, dad-argwaned-idu be bennukergebed. Ar dule wilegedsoggu, na a-e-arbaedgi wis mas-gundiid. Ar degisulile, abakalegi a-dule Bab-Jehováʼse binnasuli begi sunmakalile. Degiile, Bab-Jehováʼgi be dummad-noo-itole.

Santiago 5:4

Bemar dule-be-nainugi-bega-arbasmalad be bennuksasulid. Be itomala, a-mani ibibayobi bemargi binnasur gornanai. We-dulemar-bega-arbasad-e-binnasur-gordidimalad, Bab-Dummad-Bela-Gangued-Nikadse warmaksad.

Jueces 4:3

Rey-Jabínʼde ur-bila-onoged-napagined-esgorobiid, dulataled-ilabakebak (900) nikad, degine, birga-dulagwen (20) Israel-dulemar-wiosad, ise-mesagwar-imaksad. Degidbali, Israel-dulemar ise-wilegar Bab-Jehováʼse gochamalad.

1 Samuel 12:8

”Jacob, e-waganmala Egipto-yargi ambikudapmalad. Geb a-sorbali, be-dadgan, Egipto-dulemarse sabsur-wilearmargua, Bab-Jehováʼse ise-wilegar gochamalad. Degidbali, Bab-Jehová, Moisés, Aarón-ebo barmisgusad, be-dadgan-Egipto-yargi-wilebukwad onogegar. Geb amar, be-dadgan-onosmargua, we-yarse senonimalad.

1 Samuel 9:16

“Oibosale, we-wachigi, dule-Benjamín-yargined an bese barmidagoed. A-dule, Israel-dulemar-e-dummadga be nugsaoed, adi, Filistea-dulemar-sabsur-negsemaidgi Israel-dulemar-ollor-imakegar. Ar Israel-dulemar na wiles-gorbukwad anse warmaksasoggu, an wiledaked.”