Éxodo 2:22 - Kuna San Blas

²² Degidgine, Séforaʼga susugwa uklenonikid. Moisés a-susugwa Gersónʼye onugsasad, ar ade, Moisés sogded: “Yar-baidgi, an-yarsulidgi an gudiid.”

Éxodo 2:22 Iomraidhean Croise

Génesis 23:4

Geb Abraham Het-dulemarga sogded: —Ar an bemar-abargine weginedsur-inigwele, anga wis be neg-uan manigi ukmala, adi, an-ome-mui agi an digegar.

1 Crónicas 16:20

Deginbali, be-dadgan yar-baid-baid obakdidimalanad, reymar-baid-baid-negsemamaidgi obak-obak nanadimarbalinad.

1 Crónicas 29:15

Ar anmar be-asabinni, we-napneggi negsuli an gudimalad, anmar-dadgan-nanadii gusmaladyob, yar-obak-obak an gudimalad. We-napneggine, anmar-ibagan burwa-nasayob unnila sikwas-nasdaed, gwen bendakleged nikasulid.

Salmo 119:19

We-napneggine, an dule-baid gued, melle angi Be-Igar-Islidik-Mamaid be odukue.

Salmo 39:12

”Bab-Jehováʼye, an bese-goled be itoge, an bega-ibmar-soged be itoge, an-boed mer be itosuli gue. Andi bega dule-ainebalid gued, bela an-dadgan-nanadigusadyobi an yar-obak-obak gudiid.

Éxodo 2:10

Machi-bipi mam-iargusgu, e-nan Faraón-sisgwaga uksad. Geb agi, Faraón-sisgwa na e-mimmiga machi-bipi-imaksad. Geb Moisésʼye machi-bipi-onugsasad, ar ade, sogded: “Ar ande diigi onosaddeeye.”

Éxodo 22:21

”Dule-be-yarginsulid melle sabsur be imako, degine, melle be wiobalo, ar ade, bemar Egipto-yargi be-yarsulidgi be gudii gusmogad.

Éxodo 4:20

Agi Moisés moli-uayasuidgi na e-ome, degi, e-machimala-onakwisgu, sesagusad, Egipto-yarse gannar aligusad. Moisés Bab-Dummad-gaapoled e-argangi-ganiki nadegusad.

Levítico 25:23

Bab-Jehová, Moisésʼga sogdebalid: “Israel-dulemarga be sogo: ‘Dule-nainu-baksadi degisadegu egadga guosulid, ar ade, nainu Bab-Jehováʼgadid. Ar bemar unnila sikwas we-yargi gudimalad. Bemar we-yargi degisadegu gudiguosurmalad.

Gusmalad 7:29

”Deyob dule ega soge itosgu, Moisés, Madián-yalaganba wakite gusad. A-yalagine, e-yarsulidgi gudigualid. Moisés, a-yargi machimala-warbo nikusad.

Jueces 18:30

Agi, Dan-wagan bab-dummadyob-imaklemalad ese-golega urbismalad. Degine, dule-irwa-bab-dummadyob-imaklemaladse-golega Jonatán-nug-imaksamalad. Jonatánʼde, Gersón-machid, Moisés-wagwabalid. Geb a-sorbali, Dan-dulemar-gales-selesmalad-ibaganse, Jonatán-wagan Dan-dulemar-irwa-bab-dummadyob-imaklemaladse-golega gusmalad.

1 Samuel 1:20

Geb Ana gurgin-nika gunonikid. Na ugakgued-e-iba nagunonigua, ega machigwa uklenonikid. “Ar Ana Bab-Jehováʼse egichadbali, Samuelʼye onugsasad.”