Éxodo 19:5 - Kuna San Blas

⁵ Degisoggu, ar bemar bela an-sogedba nanaele, degine, an bemar-ebo igar-mesnaidba be daele, bemar dulemar-baiganba bur angadga guoed. Ar bela we-napneg angadsoggu, bemarbina-bur-itogerba an guoed.

Éxodo 19:5 Iomraidhean Croise

Génesis 17:9

Deginbali, Bab-Dummad Abrahamʼga sogdebalid: —Be, degi, bela be-wagan degisadegu anbo-igar-mesnaidba be nanamalo.

1 Reyes 8:53

Be-dulamar begadga-imakega be bachikii dulemar-bamaladgi obacha gusad. ”Bab-Dummad-Jehová-Bur-Dummadye, anmar-dadgan Egipto-yargi be ononaigusgua, deyob be be-mai-Moisésʼga sogsa gusad.”

1 Crónicas 17:22

Israel-dulemar be-dulamarga-guega na be susad. Bab-Jehová, bee be e-Bab-Dummadga gunonikid.

Job 41:11

Ar bela napneggi-ibmar-bukwadi angadbiid. Degisoggu, doa anga sogosunna, be angi ibmar ganiye.

Job 41:3

Ar we-ibdula-Leviatánʼde, ¿nuedgi bese ibmar-egisosi? Ar bega sogosi, wile be an-dakye.

Salmo 135:4

Ar Bab-Jehová Jacob-wagan-egadga-guega susad. Israel-dulemar na egadga imaksad.

Salmo 24:1

Bela we-napneg-naidi, bela egi ibmarmar-bukwadi, Bab-Jehováʼgadid. Bela yalagan-nanaidi, dulemar-egi-bukwadi, bela Bab-Dummadgadbiid.

Salmo 25:10

Bab-Jehová-Igar-Mesisadba-ibsadimaladga, Bab-Jehová-Igar-Islidikid-Mesisadba-nanadimaladga, bela Bab-Jehová-e-Igarmar, sabgued-igalad, napiragwad-igalad.

Éxodo 15:26

Bab-Jehová Israel-dulemarga weyob sogded: “Ani an bemar-Bab-Dummad-Jehová gued. Ar bemar, an bemarga-ibmar-soged be nue itomalale, an-ibmar-abegedba be imakele, degi, an igar-bemarga-uksad be imakmalale, degine, an-igar-mamaidba be damalale, Egipto-dulemargi bonigan-dummagan-an-barmialidi, bemargi a-bonigan an barmidagosulid. Ar ade, ani an Bab-Jehová gued. Ar ani an bemar-nudakedid.”

Éxodo 23:22

Ar nue a-sogedba be nanadimalale, an-bemarga-bela-ibmar-sogsadba be damalale, dule-be-isdardakmalad-e-isdaradga an gumogoed, degine, dule-begi-gwisgumaladgi an gwisgumogoed.

Éxodo 24:7

A-sorbali, Moisés dulemar-Bab-Dummad-ebo-Igar-Mesisad-garda susad, geb, dulemarga absoded. Dulemar abin-sogdemalad: “We-igar-maid-sogedba, degi, bela we-Bab-Jehová-anmarga-sogsadba anmar daoye.”

Éxodo 34:9

“Dummad, ar nue-napiragwale, an begi nueddae be an-dakele, be anmar-abargi be gudii imake. Dummad, an wisi, we-dulemar nue-uaya-gwen-niksurmaladid, nono-dutusurmaladid. Degi-inigwele, anmar-ibmar-isgana-imakmalad, anmar-isgued, anmarga be elie. Be-dulamarga be anmar-imake.”

Éxodo 6:7

Ani an be-sumaloed, an-dulamarga an be-imakmaloed. Ani an be-Bab-Dummadga guoed. ” ’Deyobi, bemar wisgumaloed, ani an be-Bab-Dummad-Jehová gued. Deginbali, bemar wisgumarbaloed, ani an Egipto-dulemar sabsur-bemar-oarbananaimargu an bemar-onosad.

Éxodo 8:22

Ar weyob gunonikile, Gosén-yalagindi, bia an-dulamar bukwa, gukurmar nikuosulid. Gosén-yalaginbi gukurmar-galagwensulid gwagwensaale nika guosulid. Agi be wisguoed, ani an Bab-Jehová gued. We-Egipto-yargi an gudiid.

Éxodo 9:29

Moisésʼdi Faraón-abin sogded: —An we-neggweburgi nodeyalaba Bab-Jehováʼse golega argan an onakdoed. Geb agine, dii-akwaga-binyaled bar babatosulid, degine, mar bar gollomakosurbalid, adi, be wisguegar, we-napneg Bab-Jehováʼgadid.

Cantares 8:12

Salomón, mani-milibogwad be sue, bemar-dule-nainu-akwemalad, mani-sibu-dulataled-ilabakegwad (400) be sumarmoga. Ar an-nainudina, unnila angadid.

Isaías 1:19

Ar bemar an-sogedba nanamaloye sogele, be-yargi ibmar-nuegan-sanmakoedi be gunmaloed.

Isaías 41:8

Bab-Jehová sogdebalid: “Israel, bedi an-maiga gued. Be, Jacob-wagan, an bemar-susadid, An-ai-Abraham-wagan be gumalad.

Isaías 43:1

Jacob-wagan, Bab-Jehová-be-obinnisadi soged, Israel-dulemar, Bab-Dummad-be-urbisadi, weyob soged: “Melle be dobguo, ar ani an be-nudaksad. Be-nugba an bese gochad. Be an-mimmi gued.

Isaías 56:4

Ar Bab-Jehová weyob soged: “Ar dule-alugwasuarmalad obunnoged-ibagi obunnodimalale, an-ibmar-abegedba ibmar-imakdimalale, an-igar-mesisadba nue-nanadimalale,

Jeremías 10:16

Jacob-e-Bab-Dummaddi deyobsulid, ar e, bela ibmar-imaksadid. E-nuga, Bab-Jehová-Bela-Gangued-Nikadye nugad, Israel-dulemardi, egadiga gued.

Jeremías 13:11

Bab-Jehová soged: “Ar igi sasirdub-lino dule-saderba-atinne, deyopira an bela-Israel-dulemar, degi, bela-Judá-dulemar, an-Igar-Maidgi alakwaa-naguega an imaksanad. Adi, an-neggweburga-guega, an-nug-ogannodiguega, angi nue-binsaed-nikaa-nanamalaga, degi, an-gandikid-yeerdakleged-egi-oyolegega an imaksanad. Degi-inigwele, an-sogedba ibmar imaksasurmalad.”

Jeremías 7:23

Unnila an ega weyob igar uksad: ‘An-sogedba be damaloye. Adi, ani an bemar-Bab-Dummadga guegarye, degine, bemar, an-dulamarga gumarmogagarye an sogsad. Deginbali, an bemarga-igar-ukoedba be nanamaloye an sogsad, adi, bemar nueganbi we-yalagi-gudigumalagarye, an sogsad.’

Ezequiel 16:8

” ’A-ibagan-nasad-sorbali, an gannar be-nagaba nasbalid, degi, bato be sui-nikuedgin an be-daksad. Geb degine, an-mor-dummad an bega uksad. A-morgine an be-obirmaksad. An bega ise-sogar sogsad, degi, an bebo igar-mesisad, geb angadga be-gunonisunnad. Ani an Bab-Jehová-Bela-Gangued-Nikadi weyob soged.

Levítico 20:24

Ar bemargardi an sogdo: We-dulemar-be-idu-bukwad-e-yala bemargadga guoed, an bemarga ukoed, adi, degisadegu bemargadga guegar. A-yargi bela-bela ibmar-gulleged obinebaka nikad. ” ’Ani an be-Bab-Dummad-Jehová gued. Bemar an-dulamarga-guega, ani an dulemar-baigangi bachikii bemar-urbisad.

Amós 3:2

“Bela-dulemar-napneggi-bukwad-abargi unnila bemarbi an be-susad. Degi-inigwele, bela-bemar-ibmar-isgana-imaksadbali, an sabsur-bemar-odurdakoed.”

Amós 6:1

Amós sogdebalid: “Dule-Sión-neggweburgi-baisuli-itodimalad, ¡duledar-wilesmar! Samaria-yargi-dobsulidba-gudidimalad, ¡duledar-wilesmar! Dule-nug-nikamalad neggwebur-dummagangi-mamaid, ¡duledar-wilesmar! A-dulemarse Israel-dulemar bendakleged egisnaddamalad.

Malaquías 3:17

Bab-Jehová-Bela-Gangued-Nikad soged: “We-ibmar-imaked-iba bato danikid, we-dulemar unnila angadbi gumalaga an imakoed. We-dulemar an wiledakoed, igi baba na e-machi-ega-arbaed wiledake, deyobi an wiledakoed.”

1 Corintios 10:26

“Bela we-napneg-naidi, bela egi ibmarmar-bukwadi, Bab-Dummadgadid.” Salmo 24:1

1 Corintios 10:28

Ar dule-wargwen bega sokalirdi: “We-mas, bab-dummaganga-uklegega imaklesye,” a-san, mer be gunno. Ar ade, dule-bega-sogsadba, be wisgunonikidba, melle be gunno. “Bela we-napneg-naidi, bela egi ibmarmar-bukwadi, Bab-Dummadgadid.” Salmo 24:1

Deuteronomio 10:14

”Ar nibneg-naid, nibneg-bur-birigined-naid, napneg-naid, degi, bela agi-ibmar-bukwadi, Bab-Dummad-Jehováʼgadbiid.

Deuteronomio 11:27

”An bemarga be-Bab-Dummad-Jehová-e-Igar-Mamaid-uknaidba be nanamalale, ibmar-nued-abingaleged bemarga uklegoed.

Deuteronomio 14:2

Ar bemar be-Bab-Dummad-Jehováʼba uklegarmaladid. Ar Bab-Jehová unnila egadgarbi-guega, we-napneggi dulamar-bukidar-bukwad-abargi bemar-sunonikid.”

Deuteronomio 14:21

”Ibdurgan be burgwar-mai amisale, melle be gunmalo. We-ibmar, dule-ainebarmalad-be-abargi-mamaidga be ukoed. Amardi, sunna we-ibmar-burgwaled gunmaloed. Sulile, dule-ainebarmalad-bese-atakdanimaladga manigi ega be ukoed. Ar bemardi, be-Bab-Dummad-Jehováʼba uklegarmaladid, unnila egadga nug-imaklesmaladid. ”Sibad-e-mimmi, melle e-nan-nunisgi be duo.”

Deuteronomio 26:18

Bab-Jehová emi-ibagi bega soged: ‘Be an-dulamar-guye, unnila bemarbi angadye, ar igi bega ise-sogar sogsadyob.’ Degisoggu, bela e-Igarmar-Mamaidba be nanamalo.

Deuteronomio 26:19

Deyob, Bab-Jehová be-imaksad, adi, dulemar-baigan-imaksadba be-nug bur odummolegegar, be-nuggi bur sunmaklegegar, be-nug bur-bipisur guegar. Degine, adi, bemar unnila be-Bab-Dummad-Jehováʼgarbi-uklegaledga gumalagar, ar igi Bab-Jehová bato idu bemarga sogsadyob.”

Deuteronomio 28:1

Moisés Israel-dulemarga sogdebalid: “Emi-daklegudina, be-Bab-Dummad-Jehová-bemarga-sunmaked nue be itomalale, emi-ibagi e-igarmar-an-bemarga-uknaid-sogedba be nanamalale, degine, eba be damalale, be-Bab-Dummad-Jehová dulemar-baigan-we-napneggi-bukmaladba bur bule be-nug odummogoed.

Deuteronomio 28:9

”Ar bemar Bab-Jehová-Igarmar-Mamaidba be nanamalale, Bab-Jehová e-dulamarga be-nug-imaknonikoed. Igi idu bega ise-sogar-imaksa, deyob gunonikoed.

Deuteronomio 4:20

”Ar Bab-Jehová bemar-sunonikid, Egipto-yala-esgoro-duleged-negyob-guedgi bemar-onononikid. E-dulamarga-guega bemar-sunonikid, igi emi-iba bemar e-dulaga gumala.

Deuteronomio 5:2

”Anmar-Bab-Dummad-Jehová, anmarbogwa Horeb-yargi Igar mesisad.

Deuteronomio 7:6

”Ar ade, bemar, be-Bab-Dummad-Jehováʼba dule-islidikmalad gumalad. Ar be-Bab-Dummad-Jehová bemar-susad, adi, dulemar-baigan-we-napneggi-bukmaladba bur bule na egadga bemar-imakegar.”

Deuteronomio 9:29

Bab-Jehová, ar we-dulemar be-dulamar-gumalad, be-ganguedgi be onosgusadid, gandikidba na be onos gusad.’ ”

Tito 2:14

We-Jesucristoʼde isguedgi anmar-onogegala, anmar-anar na san-burba uksagusad, anmar-anar burgwisad. Adi, bela anmar-isgudiid eliega, egadga anmar-imakega swilidik anmar-imaksad. Adi, anmar ibmar-nueganbi imakdii guegar.

Hebreos 11:8

Abraham Bab-Dummadgi-bensulidba, Bab-Dummad ese-gornonigu, Bab-Dummad-sogedba ibmar imaksad. Abraham yar-ega-uklegoye-sogsadse nade gusad. E-yargi wissulidba nadegusad, ede, bia naoe.

Hebreos 8:9

E-dadganbo-Igar-Mesisadyobi, an igar mesosulid. Deunni, Egipto-yalagi an e-dadgan-onosgu, anbo Igar Mesisgusad. Amar anbo-Igar-Mesisadgi gwen nanassurmarsoggu, a-ular, a-dulemar an indaksasunnad.” Jeremías 31:31-32 Deyob Bab-Dummad soged.

Josué 24:24

Israel-dulemar, Josué-abin sogdemalad: —Unnila anmar, anmar-Bab-Dummad-Jehová-nugbi odummomaloed. Unnila a-barbi, anmar ibsaoed.

1 Pedro 2:9

Ar bemardi, dula-sulegaled gumalad. Bemar Bab-Dummad-e-negdakmaidgi, dule-irwa-Bab-Dummadse-gormaladga gumalad. Bemar dulamar-swilidikid gumalad. Degine, bemar Bab-Dummad-e-dulamar gumalad. Bab-Dummad deyob be-susmalad, adi, Bab-Dummad-ibmar-nued-imakedgi be dulemar-baiganga sunmakmalagar, sogmalagar, igi bemar negsichidgi-gudigu, Bab-Dummad be-onosmala, e-neg-meegwad-nuedse be-searmala.

1 Samuel 15:22

Samuel abin-sogded: “¿Ar Bab-Jehová ibu bur bule abesunna? ¿Ega ibmar-durgan-oburgwileged bur abege? ¿Ega ibmar-durgan-ogumakar-ukleged bur abege? Ar Bab-Dummad, e-sogedba ibmar-imaked bur abeged. E-sogedba-ibmar-imaked ibmar-oburgwilegedba bur nuedid. Degi, e-ibmar-soged-nue-itogedi, sibad-wawaad-machered-e-gwallu-ogumakedba bur-nuedid.