Éxodo 18:8 - Kuna San Blas

⁸ Agi, Moisés e-sakaga bela sogsad, igi Bab-Jehová Israel-dulemar-bendakega Faraón-imaksa, degine, igi Bab-Jehová Egipto-dulemar-imaksabali. Degine, igi igarba Israel-dulemar wiledani-gusmarbargua, Bab-Jehová Israel-dulemar-bendaksabali.

Éxodo 18:8 Iomraidhean Croise

Génesis 44:34

Ar degisulile, ¿igi an machigwasuli gannar an-babse an naosunna? An-bab nue-dummad-wilegoed an dakbisulid.”

Nehemías 9:32

” ’Emigindi, anmar-Bab-Dummad, bedi, Bab-Dummad-bur-dummadid, bur-dutusulidid, bela dulemardi, be-dobdaed. Bab-Dummad, bedi, dule-napiragwadid, dulemarbo be igar-mesisale, be imakedse-daed, degine, be anmar-sabgumaiguad. Bab-Dummadye, be-asabin anmar dummad-wilediid. Degisoggu, anmar-reymar, anmar-saila-dummagan, anmarga-dule-irwa-bese-gormalad-wilediid, melle be baisursunna dako. Degine, anmarga-be-gayaburba-barsogmalad, anmar-babgan, degi, bela be-dulamar, Asiria-reymar-maigusad-akar, emi-ibadse nue-wilediidi, melle be baisursunna dako.

Salmo 106:10

Bab-Dummad anmar-dadgan-bendaksad, e-isdarmalad-argan-yaurgi-bukwa bendaknonikid.

Salmo 106:8

Degi-inigwele, Bab-Jehová na e-nug-sabed-maidba bendaknonikid, na e-gangued-dummarbad-oyogega deyob imaksad.

Salmo 107:2

Bab-Jehováʼse-abonolesmalad, Bab-Jehováʼse-e-isdarmalad-ganguedgi-bela-bela-bendaklesmalad,

Salmo 66:16

Bab-Dummad-dobekwaa-gudimalad, ¡dagmala! ¡Itodamala! Bela Bab-Dummad-anga-ibmar-imaksad, an bemarga sogoed.

Salmo 81:7

Bemar suli-suli-itoarmargua, be anse gochamalad, agine, an be-bendaksamalad. Mogir-gudureged-imbaba, an be-abin-imaksamalad. Mar-gollomakmaid-abargi, an be-abin-imaksamalad. Meriba-dii-naba an bemar-wilubdaksad.

Éxodo 15:16

Bab-Jehová, be-surgan-ganguedba we-dulemar bela-belad-gwakidmalodo. Bela we-dulemar dobgudmalodo. Bab-Jehová, be-gangued-abin we-dulemar akwayob geg sunmak sigmaloed. Bela be-dulemar-na-begadga-imaksad bela-obaksadse, we-dulemar bogidik ambikumaloed.

Éxodo 15:6

”Bab-Jehová, be-gargangued dutusulid, be-gargangued gandikidba maid. Bab-Jehová, be-garganguedba be be-isdarmalad ogilosad.

Éxodo 16:3

Israel-dulemar sogdemalad: “Ar Bab-Jehová Egipto-yargi anmar-oburgwismalana bur nabirinad. Webardi, anmar bormo-ebiris bormo san-ena, nue-immelegedse mas-gundaenad. Ar emidi, bemar we-nega-dulesulidganse bela ukudba-anmar-oburgwega be anmar-nialid.”

Éxodo 18:1

Jetro Moisés-e-saka, Madiánʼgi dule-irwa-Bab-Dummadse-goledga maid. We-Jetroʼde, igi Bab-Dummad Moisés-bendaksa, bela wisgusad. Degine, igi Bab-Dummad Israel-dulemar-bendaksabali, bela wisgusbalid. Deginbali, wisgusbalid, igi Bab-Jehová Israel-dulemar Egipto-yargi onosbali.

Éxodo 2:25

Agine, Bab-Dummad Israel-dulemar-dakded, degine, nue mag itosbalid, igi-Israel-dulemar wilebukwa.

Éxodo 23:23

”An-baliwitur bemar-idu nadapguoed: Amorreo-dulemar-yalaganse, Het-dulemar-yalaganse, Ferezeo-dulemar-yalaganse, Canaán-dulemar-yalaganse, Heveo-dulemar-yalaganse, degi, Jebuseo-dulemar-yalaganse, bemar-sedoed. We-dulemala bela an obelogoed.

Éxodo 4:23

Bato an bega sogsad, an-machi be onoye, adi, anse gormalagar, an-nug odummogegar. Ar bede yapa an-machi onosoggu, be-machi-sailaginedi an oburgoed.’ ”

Éxodo 7:4

Faraónʼga-bemar-ibmar-sogoedi, be-itogosurmalad. Ar andi Egipto-yargi an-gangued an oyogoed, ar sabsur Egipto-dulemar an odurdakoedgi, an-dulamar-Israel-dulemar, Egipto-yargi an onogoed.

Éxodo 7:5

An-gangued Egiptoʼgi an oyosale, degi Israel-dulemar Egipto-yargi-bukwad an onosale, agi Egipto-dulemar wisgumaloed, ani an Bab-Jehová gue.”

Números 20:14

Israel-dulemar Cades-neggweburgi bukwamargua, Moisés Edom-dulemar-e-reyse dulemar-gaya-berbemalad-barmisad, weyob ega sogsiid: “Be-gwenadgan-Israel-dulemar, weyob sogmalad: ‘Be nue-wisid igi anmar wiledanimala.