Éxodo 17:7 - Kuna San Blas

⁷ Moisés a-neg Meribaʼye onugsasad, ar ade, agi Israel-dulemar ulusad. Degine, a-neg Masahʼye onugsasbalid, ar ade, agi Israel-dulemar Bab-Jehová-wilubdaksamalad, deun sogsamargu: “¿Ar wede Bab-Jehová anmarba gudii, anmarba gudisuli?”

Éxodo 17:7 Iomraidhean Croise

Salmo 106:32

Meriba-dii-naid-dikarba, Bab-Jehová-oulusmarbalid. We-dulemar-nukad Moisésʼga neg isgunonikid.

Salmo 78:18

Israel-dulemar, yamo Bab-Dummad-wilubdakbi gusmalad, agala, e-abegedba Bab-Dummadse masgunned-egicha gusmalad.

Salmo 81:7

Bemar suli-suli-itoarmargua, be anse gochamalad, agine, an be-bendaksamalad. Mogir-gudureged-imbaba, an be-abin-imaksamalad. Mar-gollomakmaid-abargi, an be-abin-imaksamalad. Meriba-dii-naba an bemar-wilubdaksad.

Salmo 81:8

”An-dulamar, an be-owisogega bega ibmar-sogedi, be itomala. Israel-dulemar, bitigi be an-itosmalana gadin.

Salmo 95:8

melle be Meribaʼgi-gusmalayob, bur bule burgumalo. Ar igi deun nega-dulesulidganba Masahʼye-neg-nugadgi bur bule burgusgusmala, melle be deyob burgumalo.

Éxodo 17:2

Degisoggu, Moisésʼse sabsur egisdemarsunnad, ega sogdemalad: —¡Anmarga gobega be dii udage! Moisés dulemar-abin sogded: —¿Ibiga sabsur be anse dii egise? ¿Ibiga Bab-Jehová-wilubdakye be sogmala?

Éxodo 34:9

“Dummad, ar nue-napiragwale, an begi nueddae be an-dakele, be anmar-abargi be gudii imake. Dummad, an wisi, we-dulemar nue-uaya-gwen-niksurmaladid, nono-dutusurmaladid. Degi-inigwele, anmar-ibmar-isgana-imakmalad, anmar-isgued, anmarga be elie. Be-dulamarga be anmar-imake.”

Isaías 12:6

Sión-yalagi-bukmalad, weligwaledba be namakmar, weligwaledba be gormakmar. Israel-dulemar-e-Bab-Dummad-Isligwaled, bemar-abargine Dule-Gandikidid.”

Miqueas 3:11

Be-dummagan-negsemaladi, dule-baiganse-manigi-baklegar igar nabomalad. Be-dule-irwa-Bab-Jehováʼse-gormaladi, manigi-bennuklegar dule-odurdakmalad, degi, be-Bab-Jehová-gayaburba-barsogmaladi, manigi-bennuklegar dulega sunmakmalad, aka bur Bab-Jehováʼga weyob sogdedamalad: “¿Ar Bab-Jehováʼde anmarba gudisursi? Degisoggu, anmar akar-guosulid.”

Números 14:22

an bega soged: ‘We-dulemar Egiptoʼgi, degi, nega-dulesulidgangi an-ibmar-imaksad-daksamaladi, degine, an-gangued-yeerdakleged daksamarbalidi, bipisaale wargwensaale yar-an-ega-ukoye-sogsad dakosurmalad. Amar bali-bali nega-dulesulidganba an-wilubdakdani gusmalad, an-sogedba ibmar imaksasurmalad.

Números 20:13

A-dii, Meriba-dii-aryogwichidye bilenonikid. Ar ade, agine Israel-dulemar Bab-Jehováʼgi oimaksagusmalad. Degine, Bab-Jehová oyosad, ede dule-isligwaledye.

Números 20:24

“Aarón burgwesokalid. Israel-dulemarga-yar-an-uksadse dogosulid, ar ade, Meriba-akwasaila-nugadgi diibina-oimakbukwagusmargu, an-ega-igar-uksadba ibmar-imaksasurgusad.

Números 27:14

Ar ade, bemar-bebogwadi Zin-nega-dulesulidganba an-igar-uksadba ibmar imaksasurmalad. Deunni, dulemar dii-abearmargu, binnasuli angi uurmakarmargu, bemar Israel-dulemar-asabin an-nug odummosurmalad.” We-dii-onolesadi, Zin-nega-dulesulidganba Cadesʼgi Meriba-akwasailagi-onolesadid.

Juan 1:14

We-Gayaburba, anmaryobi sanale san-nika gunonimogad, degine, anmar-abargi sanale gudigusmogad. Anmar e-gangued-yeerdakleged daksamalad. Unnila Bab-Machi-Wargwenna-Gued-e-gangued-yeerdakleged anmar daksamalad. We-dule, nue-dulemar-sabe nanadii gusad. Degine, igar-napiragwadgi nanadii gusbalid.

Deuteronomio 31:17

A-ibagangine, we-dulemargi an uludoed. An egi bangudoed, bar we-dulemar an-dakosulid. Baisursunna dulemarse-galakuega gudmaloed, nue-naibid-dummad itononimaloed, suli-suli-itoge gumaloed. A-ibagangine, sogdemaloed: ‘Ar anmar-Bab-Dummad bar-anmarba-gudisulid-ular, bela we-ibmar-isgana anmargi nonikid.’ ”

Deuteronomio 33:8

Moisés, Leví-wagangindi sogded: “Bab-Jehováʼye, Tumim, degine, Urim begadid, Leví-wagangi-nued-binsasadga be uksad. Israel-dulemardi, Masahʼye-neg-nugadgi, Meriba-diigi bebo ulusgu, be-wilubdaksad.

Deuteronomio 6:16

”Bemar Masahʼye-neg-nugadgi Bab-Dummad-Jehová-wilubdaksayobi, melle be Bab-Jehová-wilubdakmalo.

Deuteronomio 9:22

”Deginbali, bemar, Taberaʼye-neg-nugadgi, Masahʼye-neg-nugadgi, Kibrot-Hataavaʼye-neg-nugadgi, Bab-Jehová-oulusmarbalid.

Josué 22:31

Geb degine, dule-irwa-Bab-Dummadse-goled-Eleazar-machi-Finees we-dulemarga sogded: —Emidi, anmar magar-itoged, Bab-Jehová anmar-abargi gudiid. Ar ade, bemar Bab-Jehováʼgi nobigussulid. Degisoggu, Bab-Jehová-anmar-sabsur-odurdakoenadgi bemar anmar-bendaksad.