Éxodo 17:2 - Kuna San Blas

² Degisoggu, Moisésʼse sabsur egisdemarsunnad, ega sogdemalad: —¡Anmarga gobega be dii udage! Moisés dulemar-abin sogded: —¿Ibiga sabsur be anse dii egise? ¿Ibiga Bab-Jehová-wilubdakye be sogmala?

Éxodo 17:2 Iomraidhean Croise

Salmo 106:13

Sikwas ibagan-nasgua, Bab-Dummad-ibmar-imaksad ienonimarbalid. Bab-Dummad-e-igar-imakbied edarbissurmalad.

Salmo 106:14

Anmar-dadgan negsulidganba-gudigua, e-itolegedba ibmar imaksamalad. Wargwen-gudimaladbali, Bab-Dummad-wilubdaksamalad.

Salmo 78:18

Israel-dulemar, yamo Bab-Dummad-wilubdakbi gusmalad, agala, e-abegedba Bab-Dummadse masgunned-egicha gusmalad.

Salmo 78:41

Gannar-gannar Bab-Dummad-wilubdaknai gusmalad, Israel-e-Bab-Dummad-Isligwaled-ourwenai gusmalad.

Salmo 78:56

Degi-inigwele, Israel-dulemar Bab-Dummad-wilubdaknai gusmalad, Bab-Dummad-Bur-Biriginedgi aibitemalad, e-Igar-Maidba ibsassurmalad.

Salmo 95:8

melle be Meribaʼgi-gusmalayob, bur bule burgumalo. Ar igi deun nega-dulesulidganba Masahʼye-neg-nugadgi bur bule burgusgusmala, melle be deyob burgumalo.

Salmo 95:9

Deun agine, be-dadgan amba an-ibmar-imaksad-daksamar-inigwele, an-wilubdaksa gusmalad, urwega an-imaksa gusmalad.

Éxodo 15:24

Dulemar Moisésʼgi ichakwa sunmakarmalad, sognanai guarmalad: “¿Ar wede ibi anmar goboe?”

Éxodo 16:8

Degine, Moisés sogdebalid: “Sedogi Bab-Jehová bemarga san ukoed, adi, a-san be gunmalagar. Wakdardi madu ise-obinagwar bemarga ukoed, ar ade, Bab-Jehová egi be ulusmalad be-itosmalad. ¿Ar anmardi doasunna, anmargi be urwenaimargu? Ar bemar anmargi ulussulid, Bab-Jehováʼgi be ulusmalad.”

Éxodo 17:7

Moisés a-neg Meribaʼye onugsasad, ar ade, agi Israel-dulemar ulusad. Degine, a-neg Masahʼye onugsasbalid, ar ade, agi Israel-dulemar Bab-Jehová-wilubdaksamalad, deun sogsamargu: “¿Ar wede Bab-Jehová anmarba gudii, anmarba gudisuli?”

Éxodo 5:21

Amar, Moisésʼga, Aarónʼga sogdemalad: —Bab-Jehová begi gwisgumalana yeerban, sabsur-be-odurdakmalana gadin. Ar bemar-nukined, Faraón, degi, dummagan-ega-arbamalad isdar anmar-dakarmalad. Ar bemar Faraónʼga, degi, e-dummaganga es-suid-uksamalayobi gued, adi, anmar-oburgwemalagar.

Isaías 7:12

Acaz abin-sogded: —Bab-Jehová, an be-wilubdakosulid. An bese bipisaale ibmar egisosulid.

Malaquías 3:15

Ar anmar dakdimalad, dule-na-san-dummarba-imakdimaladi weligwar gudidiid. Dule-ibmar-isgana-imakdimaladga ibmar nueganbi guddaed. Amala, Bab-Dummad-ourwega-imakdamalad, degite, gwen-sabsur odurdaklesurmalad.’ ”

Números 14:2

Bela Israel-dulemala Moisésʼgi, degi, Aarónʼgi uludmalad. Amar sogdemalad: “¿Ar ibiga Bab-Jehová we-yarse anmar-senoniki? ¿We-yargi es-suidgi anmar-oburgwega anmar-senoniki? Wede, ¿bila-onogedgi anmar-omegan, degi, anmar-mimmigan anmar-isdarmaladse-seledega guode? Sulirgebed.

Números 14:22

an bega soged: ‘We-dulemar Egiptoʼgi, degi, nega-dulesulidgangi an-ibmar-imaksad-daksamaladi, degine, an-gangued-yeerdakleged daksamarbalidi, bipisaale wargwensaale yar-an-ega-ukoye-sogsad dakosurmalad. Amar bali-bali nega-dulesulidganba an-wilubdakdani gusmalad, an-sogedba ibmar imaksasurmalad.

Números 21:5

Agi, Bab-Dummadgi, degi, Moisésʼgi sunnasur sunmakarmalad: “¿We-nega-dulesulidganba be anmar-oburgwega, Egipto-yargi-bukwa be an-niarmala? Ar weginde, mas sated, degi, dii satebalid, deginbali, anmar budar mas-isgana gungusmalad.”

Mateo 4:7

Jesús, nia-saila-abin sogded: —Nabir be sogendo. Ar Bab-Dummad-Gardagi narmakar maibalid: ‘Melle Bab-Dummad-be-Dummad, be wilubdako.’ Deuteronomio 6:16

Lucas 15:12

Machi-bipigwad e-babga sokalid: ‘Baba, angadga-ibmar-yoedse-guoedi anga be udage.’ Degine, e-bab ibmar mimidsunnad.

Lucas 4:12

Jesús, abin-imakdegu, sogded: —Nabir be sogendo, ar Bab-Dummad-Gardagi weyob narmakar sognaibalid: ‘Melle Bab-Dummad-be-Dummad, be wilubdako.’ Deuteronomio 6:16

Gusmalad 15:10

”Emide, bemar, ¿ibiga Bab-Dummad-wilubdakmarsunna? Emide, gwenadgan-Judíoʼsurmalad-Bab-Jesús-abingasmaladga bemar soggu: ‘Ar bemar Moisés-Igar-Mesisadba dasurmalale, geg be abonolemarye.’ Ar anmar-dadgan, degi, anmarbela, a-igarba nanabidamar-inigwele, anmar ese galakuddaed.

Gusmalad 5:9

Geb degi, Pedro ega sogded: —¿Ibiga bemar-bebogwad Bab-Dummad-Burba-Isligwaled-wilubdakye sogmala? Be-dake, sapingana-be-sui-mui-digdimaladi emiskwaa nonimalad. Emisgindi, wemar neg-uanse be-dignamarmogoed.

1 Corintios 10:9

Degine, melle Bab-Jesús-wilubdaknai gumarbalo, igi be-dadgan-gwenna-gwenna Bab-Dummad-wilubdakbi-guarmaladba, naibe-buledgi bukidar warmaksamala, degi, burgwisgusmala.

Deuteronomio 6:16

”Bemar Masahʼye-neg-nugadgi Bab-Dummad-Jehová-wilubdaksayobi, melle be Bab-Jehová-wilubdakmalo.

Deuteronomio 9:22

”Deginbali, bemar, Taberaʼye-neg-nugadgi, Masahʼye-neg-nugadgi, Kibrot-Hataavaʼye-neg-nugadgi, Bab-Jehová-oulusmarbalid.

Hebreos 3:9

Deun agine, be-dadgan birga-dulabo (40) amba an-ibmar-imaksad-daksamar-inigwele, an-wilubdaksa gusmalad, an-urwega an-imaksa gusmalad.

1 Samuel 8:6

Israel-girmar-dummagan rey-abeye Samuelʼga sogsamargu, Samuel abin isdar itosad. Degidbali, Samuel Bab-Jehováʼse gorsii gusad.