Éxodo 15:7 - Kuna San Blas

⁷ Be-gangued-dutusulidgi dulemar-begi-gwisgusmalad be ogilosad. Be-uluded be barmisgu, be-isdarmalad gaganyob gummakded.

Éxodo 15:7 Iomraidhean Croise

Job 9:4

Ar Bab-Dummad binsaed-ibed maid, e-gargangued dutusulid. Degisoggu, ¿ar doa-dule, Bab-Dummadgi obichar be ebinsasunna? Dule egi obichasuliled.

Salmo 148:13

Bab-Jehová-nug odummomar, ar a-nugbi unnila dummarba gued. E-gandik-yeerdakleged, napnegba, nibnegba, bur-gandik dakleged.

Salmo 59:13

Bab-Dummad, urwedgi be amar-obeloge, mer bar dulagudigumalaga be obeloge. Deyobi, bela Israel-yargine wisgumaloed, Bab-Dummad bela we-napneg-ugakaase, negdakmaiye.

Salmo 68:33

Mogir-negasailaun-nagusmalad-birgi-sii-nanaedga, be namakmala. E-sunmaked-itogega-dule-imakedga, be namakmala. E-sunmaked mala-gollomakeyob-goledga, be namakmala.

Salmo 83:13

Bab-Dummad, we-dulemar burwaba-selegega be imake. Gaganmar burwaba-gukuddaeyobi be we-dulemar-imake.

Éxodo 14:27

Moisés e-argan demar-birgi oyoded. Oiboargu, demar gusgu-maidyob gannarse gunonikid. Egipto-dulemala wakinye sokarmalan-inigwele, ar demardi egi gwichigunonikid. Weyobi, Bab-Jehová, Egipto-dulemar demargi ogundisad.

Éxodo 5:12

Israel-dulemala oros-gagangiid-e-warmar aminamalaga bela Egipto-yalaganba duurmakdemalad. Adi, bula-dinnaganagiid-muchub ebumalagar.

Éxodo 9:16

Ar emigindi, wis dula-gudiguega an be-imaksad, adi, an-gangued be dakegar, adi, bela we-napneg-naidgi an-wisgumalagar, an doa-dule gue.

Isaías 37:17

Bab-Jehová-Dula-Maidye, nue be an-itoye, nue be anmar-gunaid be dakye. Igi Senaquerib begi ise-yolegar anga gayaburba-barmiali, nue be itoge.

Isaías 37:23

Senaquerib, ¿doanik be isdar-sunmaksa? ¿Doagi be ise-dodoar-sunmaksa? ¿Doaga urwedgi be ibmar sogsa? ¿Doa-abin san-dummarba be itosa? Ar be Israel-e-Bab-Dummad-Isligwalednik be isdar sunmaksad.

Isaías 37:29

Ar be, an-annik sunmaksadi, be-angi-apor-sunmaksadi, an bela itosad. Degisoggu, be-asugi esgoro-wardummad an yooed, mer bar be sunmakega be-gaya an edinnoed. Degine, bia be danigusa, gannar a-igarba an be-barmidoed.’ ”

Isaías 37:36

A-mutikidgine, Bab-Jehová-e-baliwitur, Asiria-sorda-bukwadgine, mili-dulabakebak-gakatar (185,000) dulemar-ogilosad. Degine, neg-oiboargu, bela dulemar burgwar-mamaitibi oiboalid.

Isaías 37:38

Ibagwengi, Rey-Senaquerib bab-dummad-Nisrocʼse-goled-neggi, e-bab-dummadse-gorsiidgi, e-masmala Adramelec, degi, Sarezer, es-suidgi Senaquerib-oburgwismalad. Geb agine, Ararat-yalase wakitegusmalad. Senaquerib-sorbali, e-machi-Esar-Hadón yar-sesad.

Isaías 47:14

Be-dake, we-dulemar gagan-durganyob-gumalad, bela soo obelogoed. Na-dukin soo-gwabunyedgi san-onogosurmalad. Ar we-soo, neg-uee-imakedyobsulid, geg be walik siged. Geg be we-soo-asabin siged.

Isaías 5:16

Ar Bab-Jehová-Bela-Gangued-Nikadi igar-innikigwadba e-nug ogannolegoed, Bab-Dummad-Isligwaled igar-napiragwadba na san-swilidikid oyogoed.

Isaías 5:24

A-ulale, igi-soo-ditismaked gagan-ogumakdedae, igi-gagan-dinnagwad soo-abin gummakdedae, deyobi, bemar gummakmaloed. Igi sapi-mali napa-urba-nunguddae, igi e-dutu, ukub-miledeyob-mileddae, deyob bemar berguoed. Ar bemar, Bab-Jehová-Bela-Gangued-Nikad-Maid-e-Igar obatemalad, Israel-e-Bab-Jehová-Isligwaled-e-gayaburba isdar-itodmalad.

Jeremías 10:6

Ani Jeremías sogded: “Bab-Jehováʼye, dule beyobid sulid, bedi dule-dummadid, be-nuga gandiki gued.

Miqueas 4:11

Emigindi, dulemar-yar-baid-baidgi-bukwad-bukidar begi-gwisguega atosmalad. Weyob sogmalad: “Sión-yala-ibe anmar ibmar sunae. ¡Bitigi, Sión-yala galakusa an daksamalana yeerbanye!”

Zacarías 14:3

Geb degine, Bab-Jehová nonikoed. Igi-bila-onoleged-ibagi urwelegeyob, we-dulemarbogwa urwenonikoed.

Zacarías 14:8

”A-ibagine, Jerusalén-neggwebur-akale, diwar ariomai guoed. A-diwar, yorgine, degi, dii-wiedgi, dinguosulid. E-dii, abala Demar-Gagbidye-nugadsik ariomai guoed. Abala, Demar-Dummadye-nugadsik ariomai gubaloed.

Zacarías 2:8

Ar Bab-Jehová-Bela-Gangued-Nikad, dule-yar-baid-baidgi-bukmalad-bemar-ibe-ibmar-susmaladga, weyob gandikidba ibmar-sogega an-barmialid: “Dule-bamalad an-dulamar-naibi-imakele, an-naibi-imaknaimogad.

Malaquías 4:1

Bab-Jehová-Bela-Gangued-Nikad soged: “Be dakmar, bato iba danikid, igi-maduyoedgi soo gwabunyesiidae, deyobi iba danikid. Bela dulemar-na-san-dummarba-imakdimalad, degi, bela dule-isganamar gagan-dinnagwadyobi gumaloed. A-ibagine, an wemargi soo ogaoed, bela-e-malimarse-bakale, degi, e-anaganse-bakale, an swanga imakoed.

Mateo 3:12

”Dule-an-sorba-danikidi, igi-dule burwa-abin oros-uka-miega bigbi guagwar-ganiki, deyob we-dule bigbi-gani gwichid. Geb trigo-gwagdi suoed, e-ukadi soogi ogumakoed. Ar we-soode, geg soo ginnedid.”

Gusmalad 9:4

Agi, napase aimukud gusad. Geb nibneggi dule ega soge itoalid: —Saulo, Saulo, ¿ibiga be an-baregindii?

Deuteronomio 33:26

“Jesurún-dulemar-e-Bab-Dummadyobid, Bab-Dummad-baid sulid. A-Bab-Dummad be-bendakegala nibneg-akar gukudanikid, mogir-imbaba bela e-ganguedba danikid.

Deuteronomio 4:24

Ar be-Bab-Dummad-Jehová, Bab-Dummad-noberbadid, soo-bela-ibmar-ogumakedyobidid. ”A-ulale, weobdo:

Hebreos 12:29

Ar ade, “anmar-Bab-Dummad sooyobi bela ibmar osuloged.” Deuteronomio 4:24