Éxodo 15:6 - Kuna San Blas

⁶ ”Bab-Jehová, be-gargangued dutusulid, be-gargangued gandikidba maid. Bab-Jehová, be-garganguedba be be-isdarmalad ogilosad.

Éxodo 15:6 Iomraidhean Croise

Salmo 17:7

¡Be-sabed-sunsoged be anga oyoge! Dulemar begi-bendakleged-amididamaladi, dulemar-isganamarse baregilledidamaladi, a-dulemar, be-ganguedgi be bendakdaed.

Salmo 2:9

Sabsur-gandikidba be negseoed, sianar-irgwensur-mamariddaedyobi, be a-dulemar-imakoed.”

Salmo 24:8

¿We doawa, Rey Gandikidba-Yeerdakleged? We-Rey, Bab-Jehová-Dule-Gandikidid, dule-buledid. Bab-Jehová bila-onogedgi dule-buledid.

Salmo 44:3

Dadgan gwen e-es-suidgine yar sussurmalad, gwen e-surgangine dulemargi obichasurmalad. Unnila be-ganguedgi, be-surgangi, be anmar-dadgan-bendaksad. Eba-be-gudigusadgi be amar-bendaksad. Ar bede, dadgan-nue-sabedbali, deyob imaksad.

Salmo 44:4

Bebi unnila be an-Bab-Dummadid, bebi be, an-reyd. ¡Be-igar-ukedba dulemargi-nakwega be anmar-imaksad!

Salmo 60:5

Be-dulamar-be-nue-sabedi, nabir bendaklegega, be-ganguedgi be anmar-bendake, be anmar-abinsae.

Salmo 74:11

¿Ibiga be sabsur-odurdaksuli? ¿Ibiga be bai-gwen-daksuli?

Salmo 77:10

Geb an sogdesunnad: Bab-Dummad-Bur-Birigined bar epennegii anmarga ibmar imaksulid. We, nue-nunmak an-imaked.

Salmo 89:14

Bab-Jehová, igar-maidba, igar-innikigwadba be negsemaid. Dule-wiledaked be oyoged, igar-innikigwad be oyobalid.

Salmo 98:1

Bab-Jehováʼga namakleged-binidgi be namakmala, ar ibmar-dakledisurmalad imaksad. E-ganguedgi, e-swida-gandikidgi, e-isdarmaladgi nakwisad.

Éxodo 15:11

Bab-Jehová, ¡bab-dummad-baid bebo wilubdaked sated! ¡Beyob-isligwaled, baid sated! ¡Beyob-dummadid, satebalid! ¡Be ibmar-gegerdakleged-imakedi, dobe-ito anmar-imaked! ¡Ar nabirid, be-nug odummolegergebed!

Éxodo 15:12

¡Be-gangued be oyodgu, napa we-dulemar-dosad!

Éxodo 15:16

Bab-Jehová, be-surgan-ganguedba we-dulemar bela-belad-gwakidmalodo. Bela we-dulemar dobgudmalodo. Bab-Jehová, be-gangued-abin we-dulemar akwayob geg sunmak sigmaloed. Bela be-dulemar-na-begadga-imaksad bela-obaksadse, we-dulemar bogidik ambikumaloed.

Éxodo 18:8

Agi, Moisés e-sakaga bela sogsad, igi Bab-Jehová Israel-dulemar-bendakega Faraón-imaksa, degine, igi Bab-Jehová Egipto-dulemar-imaksabali. Degine, igi igarba Israel-dulemar wiledani-gusmarbargua, Bab-Jehová Israel-dulemar-bendaksabali.

Éxodo 3:20

Degisoggu, an-gangued an oyogoed, degine, Egipto-dulemar sabsur an odurdakoed, burgwed-nagase an imakoed. Ibmar-dakledisulid Egipto-yargi an imakoed. A-sorbali, geb Egipto-e-rey-Faraón bemar-onogoed.

Éxodo 6:1

Bab-Jehová Moisés-abin sogded: —Emigindi be dakodo, igi an Faraón-imakoe. Emide, an-dutusur-ganguedgine an ibmar-imakedba, Faraón bemarga sogdagoed, ‘bemar namarye.’ Ar an-dutusur-ganguedgine an ibmar-imakedba, Faraón bemarga sogdabaloed, ‘bemar an-yargi nomarye.’

Isaías 30:14

We-isguedi, napsa-bormo ise bela-belad goa-goa-mareyob guoed. Igi napsa-bormo bipisaale, gwen e-goa bar sogun-weega abelesurdae, igi bar diagi dii-weedga ebulesurdae, deyob we-isgued guoed.”

Isaías 51:9

Bab-Jehová, ¡be atake! ¡Be atake! ¡Gandikid-mola be yoe! Epenne be-gangued be-dulamarga-be-oyosayob be oyoge. ¿Ar bee be, Rahab-obelossursi? ¿Ar bee be, ibdula-demargined obelossursi?

Isaías 52:10

Bab-Jehová, bela dulemar-yar-baid-baidgi-bukmaladga e-gangued oyogoed. Bela napneg-naid-ugakaase-bukmaladi, anmar-Bab-Dummad-e-abonoged dakmaloed.

Isaías 63:12

Dule e-gangued-nikadba Moisés-argan-nuedsik, Moisésʼba nadapigusad, emide, ¿bia nade? Bab, dulemar-asabin demar-egasad, adi, degisadegu e-nug-dummarba-guega, ¿wede bia nade?

Jeremías 13:14

Bab-Jehová soged: “Na muchub-muchub-sarsomalaga an imakoed, babgana, e-mimmiganbo-sarsomalaga an imakbaloed. An we-dulemar bai-dakosulid, wile an ebinsaosulid. An we-dulemar obelogoed.”

Mateo 6:13

Isguedgi-wilubdaklegedse mer warmaked be anmar-imak. Bur isguedgi-obined be anmar-sae. Birga-miliba degisadegu, be-neg-dakmaid begadid. Be-gangued, degi, be-gangued-yeerdakleged, begadbalid. Deyob gusun.’ ”

Apocalipsis 2:27

Ar igi an-Bab e-gangued anga uksamoga, deyob, a-dule, sabsur-gandikidba negseoed, sianar-irgwensur-mamariddaedyobi, a-dule, dulemar-imakoed. Salmo 2:9

1 Samuel 2:10

”Bab-Jehová e-isdarmalad-obeloged, nibneg-akale egi mar-ogoled. Bab-Jehová we-napneg-ugakaase dule-bukmaladga igar-nabogoed. Bab-Jehová na rey-mesisadga gangued-uked, na e-rey-nug-imaksadga e-gangued ogannoged.”